ملاك منتصر

الجزء 6

الجزء6:

منتصر كمل رسمة البسيطة ديالو اللي ما خداتش ليه اكثر من 20 ثانية رسمها بالعاني باش تفهم الآنسة ملاك علايش غايهضر حيت وضع إحتمال كبير انه ما يكونش عندها مع اللغة الانجليزية فاش كمل التافت و شاف فملاك ما زحزحش عينو من عليها فحين هي قربات  لعند ليلى و قالت بهمس ...

ملاك : ترجمي ليا ها العار تعاملي معايا بحال مبيسي تو

ليلى كانت جالسة حدا ملاك و وحيد فطرف ما جلسوهش فالوسط واخا طلبها منهم  بدا منتصر كايتكلم بلغة انجليزية معتبرة سيد تقولي عاد حطاتو طيارة ديال لوس انجلوس انجليزية مسرحة و فصيحة ما كايقطعش بين الكلمات فحين ليلى سهات فيه و هو كايهضر و القسم كامل سها فيه خاصة البنات ها اللي كاتشوف الوشام اللي باين شوية من تحت الكبوط ها اللي كتشوف الوقفة ديالو و صحتو و جسمو و ها اللي كتشوف فصاحة لسانو كلها و فين غايبة ....

منتصر : When I was a child, my dream was to make weapons . I always asked my mother to buy toys that were shaped like guns....

ملاك  بدات  تنغز فليلى راسها ضارها مع بدا يهضر بزربة ما قشعات معاه حتى زفتة واخا كان كايشوف فيها كأنه هو باغي يوصل لملاك ولعو بالمسدسات و لكن مع الاسف ملاك ما فهمات والو ....

ملاك : شنو قال ا زمر وا ترجمي

ليلى قربات لودن ملاك و نطقات بهمس ...

ليلى : قالك أ لالا منين كان صغير كان باغي فاش يكبر يصوب السلاح و كان ديما كايطلب ماماه تشري ليه الالعاب اللي كايشبهو لفرادى

ملاك اتاسعو عينيها من شنو سمعات و لقات راسها واضعة يديها على خدها و كاتشوف فيه و مصغرة عويناتها و دماغها بدا كيربط الأحداث شكلو و وشامو و كلامو ديال البارح و دابا كيتكلم على الأسلحة و ولعو بيها لقات راسها سهاااات فيه حتى بدات غاكاتشوف فيه كايحرك فمو و دماغها غايب كأنها ترفعات ما فاقت حتى شافت منتصر نازل من دروج باش يرجع يجلس فبلاصتو فحين وحيد طل عليها و نطق بهمس باش ما يسمعوهمش الاستاد ...

وحيد : القضية فيها الفرادى ا المعلم برب حتى خدام مع المافيا ما يحيدهاش ليه طبيب قودناها أ صكعة

ليلى همسات فودن وحيد حيت كان حداها و نطقات ...

ليلى : انا بعدا حمقني كيفاش كايهضر بفف حمقني أ الخوت شي حل غانموت ليكم هنا

وحيد : [ بهمس ] سكتي نتي ها العار سيد كان قالك مهووس بالفرادى و نتي باقي عاجباك

ليلى :  و راه فاش كان صغير ماشي دابا .حاليا راه خدام فروسيا مهندس

وحيد جاوبها حابس الضحكة ...

وحيد : مرزوكة ديال روسيا الله يخليك

ليلى ضحكات على كلام وحيد غا بشوية الا بقاو هاكا الاستاد غايخرجهم ما فيهاش فحين ملاك لقات راسها ساهية فمنتصر و هو كايتكلم مع منال مجددا خاصة فاش شافتو كايبتاسم ليها و كايتكلم هو و ياها بهمس واضح انهم كايتكلمو على الحضور ديالهم فوق المنصة و كل واحد كياخد رأيو فالثاني ملاك ما بقاتش حاسة براسها مزيان هاد المشاعر اللي رجعات كتحس بيهم خايبين بزاف خاصهم يتوقفو غمضات عينيها و عاودت فتحاتهم و تنهدات و قررات ما تبقاش تشوف فيه حيت كاتحس براسها ماشي هي هاديك هي عارفة طريق اللي شادة كاتوصل لجنون لذلك قررات تفراني ....