الجزء7:
عض على شفتيه و هو كايسمع سؤالها ، تدكر إسم قدامو لو كان يتمنى ما يعاودش يتسمى فوق الكرة الارضية غايكون ممنون "زكرياء" أخ ملاك شنو غايقولها ؟؟ ملاك هي الداء و هي الدواء ماعمرو كان متوقع غايطيح فهاد الموقف يا لسخرية القدر ...
ملاك هي الدواء حيت كايبغيها و دوات جروح ما عندها علاقة بيها و هي الداء حيت فينما يشوفها يتدكر صورتو و يتدكر فعلتو اللي خلاتو ينحيه من الوجود مشاعر متناقضة بداخلو و لكن ماشي منتصر اللي يكره انسانة مدات ليه يديها بسبب فعلة شخص آخر عندها فقط صلة قرابة بيه ....
اللي آداه راه خدا جزاءو و لكن هادي اللي قدامو ملاك دنبها ان خوها مجرم مايسواش كيف يدير يقولها الحقيقة و هو عشقها شنو غاتكون ردة فعلها ؟ واش حتى لهاد الدرجة الحياة معقدة عندو ما بقا فاهم فيها والو من نهار عرفها هي ملاك و هاد السؤال شاغل بالو و لكن شخص بحالو ما يستاحقش يكون اخ انسانة بحالها .....
ملاك دخلات لقلبو و بداخلها خير كثير اخ شرير مايسواش بحالو ما كانش خاصو يكون عندها كيف يدير يوصلها الفكرة ....
مرر لسانو على شفتيه كايحس براسو غايحماق قساوة الحياة على منتصر من ديما مجهدة ماشي عاد اليوم...
و لكن عمرو تخيل البنت اللي عشقها غايطيح معاها فهاد المشكل من ديما الحياة كاتعطيه صفعة من مور صفعة و لكن صفعة ديال هاد المرة كانت مريرة أمر و أشد مرارة من جميع الصفعات اللي دازو حس بقلبو تعصر بداخلو شنو غايقول واش يقول و يخسرها ولا يكتم سر و يخليه بقلبو و يربحها ؟ ...
منتصر اكيد غايفضل يكتم السر واخا العافية شاعلة فقلبو المهم ملاك هي تبقا بجنبو و معاه عندو اسبابو الخاصة اللي خلاتو و دفعاتو ياتاخد داك القرار منتصر ما يضلمش و ما يتعداش و لكن اللي تعدى راسو يطير ....
ملاك بان ليها ساكت كايشوف فيها بنظرات ما فهمات فيها والو نظرات كان فيها حزن عميق على راسو و على هادشي اللي كايعيش كان متوقع هاد سؤال منها لذلك نطق بابتسامة خافية بطياتها غضب شديد ...
منتصر : ما عرفتش
ملاك فغرات فاهها و نطقات باستغراب ...
ملاك : كيفاش ما عرفتيش ؟! ياك زكريا كنتو نتا وياه فطاليان مشيتو بجوج كيفاش دابا ما عارف عليه والو ؟
منتصر بقا ساكت كايشوف فيها ما حاملش يجاوبها على اسئلتها عليه و لكن مظطر...
منتصر : انا كملت الخدمة فروسيا هو بقا تماك
ملاك : واش ما بقيتيش كتواصل معاه و لا ما عندكش نمرتو؟؟؟
منتصر كايحس براسو غايتسطا ديال بصح فهاد اللحظة ما قادرش يشوف فعينيها و هي كاتسولو عليه و هو عارف بلي صيفطو للقبر بيديه شنو غايقول و شنو غايشرح واش يقولها لقيت خوك مع مراتي فقلب فراشي و فقلب داري خوك اللي ما خليت ما درت عليه طعني طعنة ما عمري نساها الغصة مزال واقفة فحلقو ما قادرش يتقبل ان صديق عمرو اللي عاش معاه على الحلوة و المرة غايصدق غدار و الاسوء من هدا غايطلع خو ملاك البنت اللي سرقات قلبو منو لانها جاتو في فترة جد صعبة من حياتو و ما لقاها غا هي اللي قدمات يد المساعدة ما عرف ما يدير من انه يحرك راسو بنفي فحين هي نطقات ....
أنت تقرأ
ملاك منتصر
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
