الجزء 5:
ملاك بقات غا كاتشوف فيه ما عرفات ماتقول صدمها علاه هو كي دار حتى عرفها مقلقة فالاخير عوجات فمها و رجعات رشفات من كاس ديال الحليب بشوكولا و نطقات ...
ملاك : شكرا منتصر على الحليب بشوكولا
منتصر : العفو
ربع يدو و بقا ساهي فالفراغ و دماغو خدام كايفكر فحين ملاك غير كتشرب من الكاس و كتشوف فيه مرة مرة بدا كايجيها ماشي احمق و انما انساااان هاااارب ديال بصح تحركاتو و كلامو و الاشياء اللي اكتاشفتها عليه خلاتها مصدومة منو لدرجة ولا كيبان ليها انسان فشكل دكي و مثقف ديك نظرة ديال انه انسان فاقد عقلو مشات من عقلها كاتعامل معاه على اساس انسان عادي بالعكس رجع كيبان ليها راسها هي اللي احمقة ماشي هو ...
ملاك بقات ساكتة ساكتة حتى نطقات بفضول ...
ملاك : منتصر بغيت نسولك ؟؟؟
منتصر التافت عندها هاز حجبانو للاعلى بمعنى تفضلي فحين هي تقادات فالجلسة و نطقات ...
ملاك : شوف ما ديرهاش مني قلة الصواب دابا نتا تبارك الله عليك باين قااري و عندك مع اللغات و عندك مع الماط تبارك الله صدمتينا واش دابا نتا زعما ممكن تكون من صحاب الحال
منتصر قرن حجبانو باستغراب غير تعبيرات وجهو خلعاتها و رجعات نطقات بهمس قرب ودنو بفضول مع ملاك ليس هناك مجال للاستسلام بغات تهضرو و ربي كبير و تعرفو شكون هو فاقرب وقت حيت الفضول كينهشها تعطي اللي عندها و اللي وراها غا باش تعرف حقيقتو ...
ملاك : زعما ممكن تكون خدام مع المخابرات ماشي مشكل غا قول ليا و الله ما نقولها لحتى واحد
منتصر بقا كايشوف فيها لمدة من زمن و فالاخير بدات الابتسامة كتعلو ملامح وجهو حتى تحولات لضحكة كبيرة خلات اسنانو البيضاء تضهر للعلن كعقد ماسي سنانو مستفين و مقادين ؛ ابتاسمتو كانت جميلة بحالو عويناتو تغمضو بقا يضحك و حط صبعانو على عينيه كيفركهم بطريقة زادت عطاتو جمال فشكل خلات ملاك غا حاضية تصرفاتو و شنو كايدير ابتسامتو كانت من عالم آخر خلات ملاك ساهية فيها حتى حيد يدو من عينيه فحين هي مزالت تنتظر الجواب اللي غايعطيها ...
بقا ساكت كايشوف قدامو ما جاوبهاش فقط اكتفى بديك الابتسامة و ملاك رجعات طرحات عليه السؤال من جديد قرب ودنيه ...
ملاك : شوف انا عارفة هادشي كايكون سري و لكن و الله بصح باغا نعرف ياك نتا مع المخابرات ؟؟؟ غا قول ليا واش اه ولا لا ؟؟؟
منتصر رجع شاف فيها و شفايفو لا زالت مرسومة عليهم ابتسامة عاطياه جمال خاص و عينيه بدات كتسارا على ملامحها عن قرب عينيها الكبار شفايفها المنفوخين من عند الخالق ضورة وجهها سمارها كلشي فيها زوين و حتى غباءها عجبو و تفكيرها ماكرهش يشبع فيها بوسان على كلامها واش هو سيد مع المافيا و هي كتسولو واش نتا مع المخابرات جوج حوايج مضادين و لكن هي ما عارفاش الحقيقة قدر يعرف قداش هي فضولية و لكن ما هضرش يغا يشوف قداش غاتبقا ملحة تعرف ....
YOU ARE READING
ملاك منتصر
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
