الجزء 2:
هبطات عينيها و هي تلمحو ماد ليها المراية اللي طاحت من جيبها فاش تعكلات صرطات ريقها و ابتاسمت ليه و خداتها من عندو و قالت بخوف ...
ملاك : شكرا بزاف
بينما هو عينو كانت مركزة على يدها اللي فيها دم خافت فاش مسك يديها من المعصم كأنه تذكر شي حاجة عينو دمعو و هو كيشوف فيهم كأن داكرتو رجعات للوراء ...
🔙🔙🔙فلاش باك
داخل مكان مظلم فيه العديد من الرجال مسلاحين واضح انهم ليكارد و و فوسط المكان جالس شخص مربوط الايادي ورجلو مربوطة و حتى الفم ديالو فيه سكوتش شعرو هابط على وجهو و كيأن واضح أنه واكل العصا مزيان غا من الدم اللي فحوايجو كيشوف بعيون دابلة فمنتصر و خالد اللي واقفين اونفاص معاه ...
خالد مد السلاح لمنتصر اللي كان واقف غير كايشوف فالشخص المربوط و نطق بعصبية....
خالد : غدااار ما يسواش انت اللي غاتقتلو
منتصر شاف فداك سلاح اللي فيد خالد و رجع هز عينو شاف فخالد و حرك راسو بنفي و قال .......
منتصر : انا ماشي قتال غانمشي بحالي
بغا ينصارف فحين خالد زير على دراعو و قال بنظرات صارمة....
خالد : قلت ليك قتلو انا اللي كنآمر هنا ماشي نتا
منتصر نتر دراعو من بين يدين خالد و قال بغضب ...
منتصر : انا ماشي قتال واش سمعتي ولا لا ؟؟؟
خالد ابتاسم باستهزاء و قال بكل مكر ...
خالد : يا غاتقتلو يا نتا اللي غاتقتل !
منتصر كيشوف فخالد بنظرات صارمة شرارة الغضب واضحة فعينو بينما خالد وقف من مور منتصر و قرب حدا ودنو قائلا ...
خالد : كنواعدك غانعطيك حياة ما كنتيش كاتحلم حتى بيها و لكن شرط اللي عندي هو تحيد الرحمة من قلبك الا بغيتي تخدم معانا ، الا ما قدرتيش تسيل دم البشر ما غاتكون عندك حتى بلاصة هنا
🔚🔚🔚نهاية الفلاش باك
ملاك زاد خوفها تضاعف فاش مسك المعصم ديالها ما بغا يرخيه بدات كتحاول تفك يديها من بين يديه بينما هو هز عينو بتثاقل حتى تلاقات عينو بعينيها ما عرفتاش علاش توقفات على الحركة كأن نظراتو كانت كفيلة باش تجمدها و و تخليها تثبت مكانها نظراتو بقدر ما هي محملة بحزن بقدر ما كتحمل كمية كبيرة من القوة و الصرامة احاسيس فشكل اجتاحت قلبها للحظات و هي كاتشوف فعينو اللي خلاوها تستغرب كيفاش شخص مزال شاب يتعرض لهادشي اللي كيعيشو هاد سيد ...
ما عرفاتش كيفاش تصرف فهاد الحالة اللي هو ماسك يديها من المعصم و لكن الصدمة كانت قوية على عقلها فاش شافتو هاز يديها كيوريها لمول الحانوت كأنه كيطلبو بطريقة غير مباشرة باش يساعدها ...
YOU ARE READING
ملاك منتصر
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
