ما جات فين تكملها ملاك حتى وقف عليهم يمن لابس كلشي كحل بودي مع سروال و مونطو طويل فنفس اللون ملامحو حورش واضح فيه صعيب و زايد عاقد الحداش وجهو كيخلع وحيد بقا غا كايرمش فحين ملاك صرطات ريقها بصعوبة اما واحد ليلى تكوانسات فبلاصتها ...
يمن نقل نظراتو شاف فوحيد و نطق بعصبية ...
يمن : شنو كدير نتا مع ليلى
ملاك بقات غير كترمش فحين وحيد مسكين ديما راس المحاين بدا قلبو يضرب فالالف خاصة فاش كايتدكر بلي هدا اللي قدامو فالمافيا و عندو السلاح الما كيجمد ليه فالركابي داكشي علاش جاوبو تالفين ليه الحروف ...
وحيد : ز..ز..زميل ديالها نعام أسيدي
يمن عض على شفايفو و نتر نتيرة من الكارو و نطق بعصبية ...
يمن : وقف نهضر معاك
وحيد مسكين حابس بالبكية علاين تنزل ليه زهرو غا فيهم وقف بستة و ستين كشيفة فحين يمن شدو من عنقو حتى قال عنقو تهرس ...
يمن : ما نعاودش نشوفك معاها
وحيد : هي اللي ما تعاودش نعام أ سيدي
يمن نتر نتيرة من الكارو و طلق من وحيد اللي حنى راسو بغا ينصرف جاتو نيت على قلبو من الجنة و ناس ندم ندم شديد من نهار تصاحب مع ملاك و ليلى و المصايب طايحين عليه من كل جهة و طريق و لكن حبس فاش سمع ليلى نطقات بعصبية ....
ليلى : فين غادي ا وحيد رجع لبلاصتك
وقفات و تقابلات مع يمن اللي هز حاجب و نزل لاخور بعصبية ....
ليلى : الا كان شي واحد خاصو يمشي هو نتا أسي يمن اما وحيد ما عندو فين غايمشي و هاد الغيرة ديال جدريال كولها و سير شوف على من ديرها حيت انا ما بقيتيش هامني و ما غاديش نتزوج بيك و ما غاديش نبقا معاك سالينا
يمن : مزيان شنو آخر باغا تكَوليه خرجي شنو فقلبك راه عامر
ليلى : بطبيعة الحال غايكون عامر و انا كنت مع واحد كادب عليا و مخبي عليا بلي هو عصابي آخر مرة نشوفك فساحتي ما بغيتش نعاود نشوف وجهك
يمن : عائلتك قادرة تخلاي عليهم ؟؟؟
ليلى بقات غير كاترمش فيه و صرطات ريقها بصعوبة فحين هو نطق بعصبية ...
يمن : الا ساخية عليك عائلتك و روحك تفارقي معايا و انا عارف شنو غادي ندير
ليلى بقات مصدومة كاتشوف فيه و الدموع بداو ينزلو من عينيها فحين وحيد رجع جلس مصدوم من هادشي اللي كايسمع فحين ملاك تكمشات كتهز عين و تحط عين و ما كانتش اقل صدمة من ليلى أيضا ....
يمن : ديري عقلك ولا غاندير معاك فعايل العصابات نصوني غاتجاوبي و نهار نبغي نتلاقى بيك غاتخرجي معايا بغيتي ولا كرهتي
YOU ARE READING
ملاك منتصر
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
