فارسى القاسى (حور عينى)

الفصل السادس والأربعون

:(انت بجد اجرت البول عشانى)

ابتسم يقترب منها يتحدث بوله ينظر لعينيها

:(طبعا انتى عاوزانى اخلى حد يشوفك وانتى خارجة من المايه حتى لو كنتى لابسة مايوه اسلامى)

ابتسمت له تتحدث بحب

:(ربنا يحفظك ليا يارب ويطولى فى عمرك)

ضحك يقترب منها لافا ذراعه حول كتفها

:(كتر خيرك يا حاجة يلا بينا نغير هدومنا عشان نتغدى)

ذهبت معه لكى يبدلا ثيابهما سويا ثم يتناولان الغداء تآبطت ذراعه وقد وجدته خرج من الفندق تحدث لها

:(هناكل فى مطعم قريب من هنا وافسحك)

اتسعت ابتسامتها تقبل وجنته بحب تحدث رافعا حاجبه

:(دا احنا يقينا جريئين اوى)

تحدثت تصدمه بجرأتها

:(مش جوزى الله)

ابتسم يضمها أكثر له ركبا السيارة يذهبان للمطعم وصلا للمطعم الذى سبق وحجزه هو سحب لها الكرسى لكى تجلس جلست عليه تضحك

جلس مقابلا لها لتتحدث ضاحكة

:(فاكر أول مرة خرجت معايا مهانش عليك تشدلى الكرسى حتى)

تحدث بهدوء

:(كنت غبى )

أيدته

:(وحمار)

رفع حاجبه يتحدث بوعيد

:(لا انتى خدتى عليا أوى )

تحدثت بثقة تكتف يديها لصدرها

:(هتعمل ايه يعنى)

ابتسم بخبث يقترب منها فى جلسته يتحدث بهيام أمام عينيها التى تلمع بقوة

:( كانت عيناها تتألقان فى الأعماق كمياه أدفأتها الشمس)

صمتت تتنهد بقوة غير عادل ان يستطيع ان يزعزع كيانها هكذا دون أن يفعل شىء فقط بعض كلمات تفعل بقلبها الأفاعيل غمز لها حينما وجدها صامتة

اخرجت نفساً طويلاً تتحدث بصوت عصف به الكثير من المشاعر

:(انت ازاى كدا انت بتهز كيانى فى ثانية)

امسك كفها مقبلا اياه متحدثا بعمق

:( انا مبعملش حاجة انا بعبرلك على اللى حاسس بيه ومش عارف اعبر كمان وبعوض ست شهور جواز وست شهور خطوبة راحوا فى الهوا )

ابتسمت تلمع الدموع بعينيها متحدثة بصدق وتدليه

:(أنا والله ما عايزة غيرك تفضل دايما جانبى وقريب منى)

أخذت نفساً عميقا ثم تحدثت

:(طول ما انت معايا مفيش خوف الخوف بيكسف يجى وانا بحبك وعلى طول عينيا حارساك)