ماندري وش ورا الغيم مقسوم

Part 22

بعد مرور ثلاث اسابيع
بالديره
الهدوء مالي الديره وأغلب اهل الديره طلعو للحج وكم شخص بس باقي بالديره
(ابو خالد وعناد وابو فراج راحو للحج) واهل ابو فراج في بيت الجده عند باسل دخل باسل قبل صلاة الظهر وبيده اغراض جايبها من برا دخل ينادي
باسل:هيه ياحريممم
غزل:لبيه ياعم
باسل:لبيتي بمكه يعين عمتس جيبي باقي الاغراض عند الباب
غزل:ابشر
أنفال:طلعت واهي تمسح يدها بالمنشفه حطها باخذها منك
باسل:خلاص حطيتهن وخذا كيس صغير وفتحه خذا عصير منه وعطا انفال الكيس هاذي الشوكلاتة لتس ولغزل ونسيها
أنفال:ابشر ماعليك
غزل :دخلت وجلست مع انفال يسون الغداء ويسولفون وكانو جداً منسجمات مع بعض
وباسل طلع وجلس جنب امه اللي تسبح على سجادتها وتدعي يرد الله عيالها بالسلامه باسل باس يدها اول ماشافها بدت تنزل صوتها ومد لها العصير ابتسمت وخذته منه
الجده:عسى الله يرزقك ياولدي الولد الي يبر فيك نفس منت بار فيني
باسل:اللي الموضوع جداً حساس بالنسبه له لان انفال صار لها سنتين ماحملت قال الله كريم يمه الله كريم
ام فراج:واهي تجلس وتحط سجادتها مااكأن انفال ابطت ماحملت صدق؟
باسل :مارد عليها وجلس على جواله
الجده :الله كريم
انفال طلعت ومعاها صينيه قهوه وحلا وغزل وراها حطتها وجلست
أنفال:مدت لباسل القهوه بس قام انصدمت من حركته وقالت يخاله شفيه؟
قطعت كلام الجده ام فراج:مسكين يبي له ولد زعلان
انفال:على طول بان بوجهها الضيق وقالت الله حريم حاولت تجاملهم بس كم دقيقه ورجعت للمطبخ جلست بروحها والضيقه من كل مكان عليها ...

........••.........
عند تركي في بيت ابو مشعل
اللي ماهدا له بال وكل شوي واهو يدور خطه يروح للعنود بس يمسكه خالد بالغصب وليالي ملت من حركات تركي وحلفت لو يسوي شى انها تسحب يدها من علاقتهم وماتساعدهم
تركي:امي بتخطبها لي ابي انا اعلمها
خالد بن مشعل:طيب يرجال ابوها يعلمها انت مالك حاجه
تركي:ودي ياخي افهمني
خالد:لاني فاهمك تعبتتتت منك
تركي :اص جدي جاء
مشعل:سلام عليكم
العيال :وعليكم السلام
مشعل:ليالي قولي لامتس تجهز لي ثوبي وغترتي بروح مع العيال للعزبه
تركي:من العيال
مشعل:انت والمطي اللي معك
خالد:افا يبه
مشعل:عجبتكم جلستكم بالبيت امشو اليوم معي للعزبه وشوفو الحلال
تركي:ابشر ياجد
خالد وتركي راحو يجهزون الاغراض اللي بياخذنها معاهم للعزبه وسعاد سوت لهم قهوه وتمر
سعاد:خالد وانا امك هاذي من تخلصون شغل اجلسو قهوو ابوك
خالد:ابشري يمه
تركي :خالد انا بدخل البس واجي
خالد:يلا
دخل تركي المجلس وفصخ ثوبه بسرعه وبدل وغسل وجهه وسوا عمامته بس فز تركي على شخص حضنه من ورا بقوه تركي بسم الله من
ريناد:ماقدر اواجهك واقولها بوجهك بس تركي انا احبك
تركي :بعصبيه جلس يسحب يدها عنه فكي الله يلعنج ويلعن يوم جمعني فيج انقلعي عني شالحركات والاحضان ماتستحين على وجهج انتي
ريناد:ليش انت اللي تستحي
تركي:فارقي ماني بفاضي لتس انقلعي عني
ريناد:والله ياتركي ان ماحبيتني انا وتزوجتني انا اني راح اعلم عبدالله العتيبي انك تكلم بنته وانك تبيها
تركي :كان احد ضربه على وجهه كف وبدون مايحس حط يده على رقبة ريناد ورب الكعبة ياريناد لو يطلع منج حرفففف حرففف بس ولا تشوهين سمعت العنود ولا تدوسين لها بطرف اني لادفنش حيه واني لاخلي كل ثانيه لش بدنياش دموع
ريناد:واهي تبكي العلم جاك ياتركي انا ابيك وانت لي ان ماكنت لي منت لغيري
تركي :بعصبيه طلع ومارد عليها وركب بسرعه ولحقه خالد وجده واتجهو للعزبه كان خالد يدري ان في تركي شى بس مايقدر يقول شى لان ابوه معاهم...