ماندري وش ورا الغيم مقسوم

Part 18

تابع للبارت 17..

<<في الديره >>
وتحديدا في بيت الجده الساعه٢:٣٠الجده جالسه مع انفال اللي نظفت البست ولبست جلابيه ناعمه وتعطرت وجابت حجابها وقرانها
أنفال:ي خالتي الله يسعدش شرايش تنامين لش ساعه واصحيش قبل السحور تصلين الوتر وتتسحرين
الجده : الله يسلمتس يابنتي بقوم انام احس تعبانه وصحيني على السحور
أنفال :ابشري يلا بوصلش خذتها أنفال للغرفه وعطتها علاجات الضغط ومنظم القلب الجده دخلت يدها تحت الفراش حقها ومسكت انفال وحطت بيدها٢٠٠﷼
الجده :هاذي لتس يروحي اخذي لتس اللي تبين
أنفال :لاااا يخاله تكفين انا مابي منتش شى الا رضاش تكفين يخاله خليها عندش
الجده :لا والله يبنتي تستاهلين ولاتعلمين باسل وعناد
انفال :عسى عمرش طوييل يالغاليه وراحت غرفتها تكمل ختمتها..

................••.................

<<في بيت ابو محمد >>
ام محمد جالسه تاكل حمود اللي توه صاحي من النوم والهنوف تنظف المطبخ وعذب جالسه تكنس الصاله العنود خلصت البيت وطلعت تصلي الوتر وتقرا قران تنتظر الصلاه العنود قررت انها تختم القران وتدعي طول الشهر بنيه ربي يفكها من الزواجه هاذي جلست العنود تقرا وقلبها كله ايمان

خطة العنود لاستجابه دعائها كان تسبيح طول الوقت ودعاء وتقراء قران
فتحت القران وجلست تدعي ربها وتبكي يارب اني بديت ادعي واقراء وكلي ايمان انك راح تستجيب لي يارب بدت تقراء قران بس فيها خوف ان ماتقدر توصل لغايتها بس استوقفتها ايه بسم الله الرحمن الرحيم
{واني قريب اجيب دعوة الداعي اذا دعاني}هنا العنود كانها رساله لها من ربي وكانت دافع قوي امتلت عيون العنود وكلها امل الحمدلله يارب يارب اني امنة فيك اعطني مرادي...

...............••.....................
في بيت ابو خالد الساعه ١بالظهر
ابو خالد رجع للعيال وبيده سطل مويه وكبها عليهم قام ابو خالد يصارخ قومووو لابارك الله فيكم انتم وششش انتم تصومون بدون صلاه ديك انت وياه
صالح بعصبيه:يبه شفيك يبه
ابو خالد:قومو لاباوك الله فيكم ياكلاب قامو العيال واهم تعبانين صيام وحر وصلو بالمجلس مع بعض وخالد رجع ينام وصالح ماقدر يقوم من السجاد نام عليها
روبى وفاطمه جالسين بالصالة يكملون لف السمبوسه بعد الصلاه عشان ينامون ساعتين ويصحون يبقى بس القهوه والشوربه

<بعد ساعتين >
ام خالد كلمت اختها ام محمد واتفقو يروحون يفطرون عند الجده وعلمتها ان ام فراج بتجي في بيت الجده ودهم يفطرون مع بعض وافقت ام محمد وبدو يتوزعون الفطور
ام محمد :بسوي فطاير وصحن سمبوسه
ام خالد:خلاص وانا بعد بسوي سمبوسه ومرقوق وأنفال بتسوي القهوه ومعكرونه
ام محمد خلاص تم يلا اشوفتس هناك خلي كل البنات يجون لاني بجيب البنات معاي
ام خالد :خلاص ابشري قفلت واتجهت لبناتها يلا يبنات كل وحده تسوي شغلها وانا بسوي الشوربه ونقلي السمبوسه وانتي ياروبى جهزي عصير
روبى :صالح طلبني يبي لقيمات يمه بسوي له
ام خالد :طيب بس اول خلصي شغلتس وانا بببدا في المرقوق اول شى
فاطمه :يمه خالتي ام فراج بتجي !؟
روبى :بعباطه اييي اي بتجي يروح فراج انتي
فاطمه :عطت روبى قرصه انتي ماتستحين على وجهتس وصخه صدق
روبى :لبى كبدش بس على قولت ليالي هههههههههههههه
ام خالد :اتركي اختس وقومي خلصي
روبى :طيب طيب لاتموتين على فطومتس هاذي
ام خالد :هاذي عاقله مو نفستس يالمهبوله
روبى واهي تشيل صحن السمبوسة:ليتني والله معرسه واحد يقدرني ويدلع الجمال هاذا دخل ابو خالد وسمع كلامه وروبى حاولت تهرب لانها خافت من  ابوها اللي سمعها بس قال
ابو خالد : يمال وجه الفقر ياقليله الادب ماحد بياخطتس من طول لسانتس
روبى :هربت وماردت عليه
ام خالد وفاطمه :هههههههههههههه
ابو خالد راح متجهه للمجلس ورفس صالح قم قم لابارك الله فيكم استغفر الله تخلوني ادعي وانا صايم قم رح للبل شفها انت واخوك وجيب حليب بل وتعال
صالح : ابشر يبه
ابو خالد :روح كلم عمك عناد يطلع لسوق مع خالد ويشوفون المحل وش ناقصه
صالح واهو يغمض ماحس على روحه ابو خالد ماشاف جواب ولتفت على صالح اللي يغمض وسحبه بشعره قم قم يافطيسسسس صالح قام وراح يغسل وجهه وتلطم وراح لبيت جدته
صالح دق الباب وفتحت له أنفال بس صالح صد مستحي وقال سلام عليكم ابي عمي عناد قولي لعمي باسل يصحيه
أنفال :شلونك انت يصالح
صالح :بخير بس كلمي عمي باسل يصحيه وصد من الباب واهو يلعن نفسه يعع استحيت
طلع باسل لصالح اللي حيل تعبان صخونه اول ماشافه صالح قام يضحك
صالح:شفيه خشمك احمر
باسل :مب وقتك ياصالح انت وطقطقتك تعبان
صالح :عبالي حمره حرمتك وهرب
باسل وقف واهو يعاين صالح اللي عجز فيه يبي يعدله من كلامه الوصخ بس ماتعدل مشى واهو يحرك راسه يمين ويسار وصالح هرب يضحك وقال بصوت عالي
صالح :صح عمي عناد وروحو للمحل وشوفو الناقص خالد بيجيكم بعد شوي
باسل :اذلف اقول اذلف
صالح :هههههههههههههه تم