<<مجلس ابو محمد>>
بمجلس الرجاجيل خالد وصالح وخالد ولد ابو مشعل ينظفون المجلس ويصبون القهوه والشياب مع بعض بصدر المجلس '
ابوخالد:ماشاءالله على خالد يامشعل صار رجال
مشعل:عسى الله يبارك فيه اهو واخوانه
ابومحمد:شلون وليد ولده كلمته يجي للعشاء يقول ماني بالديره
مشعل:والله حرمته حامل ومواعيد الله يزينها
ابومحمد:يللا استاذنكم بروح اشوف شصار على العشاء
ابوخالد:صالح وانا ابوك الحق عمك لبيته ساعده اذا يبي شىء
صالح:ابشر
ابومحمد :سلام عليكم شصار على العشاء ياأم محمد
ام محمد:و الله كل شى على كيفك وبناتك ماغير يضحكون
ابومحمد:وهو يحضن العنود خليهممم يضحكون اهم شمعة بيتي
العنود سمعت ال باب يدق تفضل يصالح وطلعت من المطبخ صالح :سلام عليكم شلونك يخاله
ام محمد:عليكم السلام يروحي شلونك شخبارك
صالح:نحمد الله ،بغيتو شئ من البقاله اجيبه ولا اشيل شى للمجلس
ابومحمد:ابتسم وهو يحس براحه ان عيال أخوه عنده كأنهم عياله مايخاف من يسافر ولايروح على اهله يدري وراه اخوه وعياله اللي مايفارقون بيت ابومحمد من غلاتهم لعمه يحسبونه ابوهم الثاني وطلع أبو محمد من المطبخ بأبتسامة رضى وجهها لصالح...
ام محمد:اي والله يصالح نبي خبز وببسي للعشاء
صالح:ابشري،شوفي البنات ناقصهم شئ اجيبه
ام محمد:ماناقصهم شئ ماعليك خذ حمودي معاك من الصباح يقول ابي صالح ازعجني
صالح:ليش متخليتيه يجيني مشتاق له وينه؟
ام محمد:بالحوش يلعب خذه وانت طالع
صالح: تم
الهنوف تلاحق حمود بالحوش يالعفريت الصغير وقف البسك نعولك دوختني وانا الحقك تعال حمود يضحك ويجري والهنوف وراه تجري وتلعنه والله ياحمود لامسك وانتف شعرك وقف حمود شاف صالح صالححححح صالحححح شوفني سريع دوخت الهنوف
صالح:هههههه ارحب يالرجاللل ارحب وهو يحضنه حمود ماقلت لك لاتمشي بدون نعول
حمود:بضحك ابي احر ام كشه هههههه
صالح:هههههههههههههههه ام كشه هههههه
الهنوف:تستحي من صالح دخلت بسرعه لايشوفها صالح ودخلت على البنات تسب حمود والله لاذبح العفريت والله
ليالي:شسوااا بعد حمود ماراح نخلص من هواشكم ؟
الهنوف:العن يومه الكلب يقول لصالح اني ام كشه والغبي يضحك
ليالي:بذمتس ههههههههههههههههههههههههههه يويلي ياحمود
الهنوف :هيننننن
عند صالح يمشى مع حمود للسياره حمودي عيب لاتقعد تسب اختك مايصلح وتقول لها ام كشه عيب
حمود:بس ماتخليني العب
صالح:لانها تبي تلبسك وانت ماخليتها تخاف عليك ان عدتها بزعل عليك وماوديك معاي للبقاله ولا اخذك للبل
حمود:طيب وعد ماقول شئ
صالح كفو يلا اركب يالرجال اليوم انت بتجلس بحضني وتسوق فينا لأنك صرت كبير يلا حمود :الله يلا يلا
عندالبنات بعد ماخلصو العشاء ونظفو جلسو يتقهون حليب كرك سوته ليالي وكان فيه مطر قوي وبردي والكهرباء طفت
ام محمد:يبنات الهنوف العنود جيبو شموع عند عمتكم حصه وانا بطلع الاتريك للرجال بسرعه
العنود :يلا يمه
الهنوف:ليالي انتي خذي الشموع فوق بدرج المطبخ عند امتس وانا بجيب اللي مع العنود نسوي لنا جلسه بغرفتنا
ليالي:يلا يلا
العنود:خوفتيني الله يقلع بليتسس شبلاتس جايه من ورا بدون صوت
الهنوف:يويلي ياأم قلب رقيق لاحد يموت جيبي الشموع بغرفتنا ليالي خذت لامها بالصاله
العنود:خذيها وانا باجهز الشاهي للرجاجيل وجيب حركات لنا واجيكم
ليالي:بنات وينكم
الهنوف:من وراها بدون ماتحس اوووبببب
ليالي:سطرتها كففف بدون ماتحس يمهههههه
الهنوف:العن خيرتس يالكلبه وجهييي
ليالي:وجععع خرعتيني
العنود:ههههههههههههه اقل ماجاتس يالهنوف
الهنوف:حسبي الله عليك يالنفسيه
البنات ليالي والهنوف راحو لغرفة فوق والعنود جهزت الشاهي والبيالات وتنتظر ابوها ياخذها خذت شمعه ولعتها وقعدت تجهز لجلستهم وتغني
على الموعد اللي بيننا جيت لك ملهوف
أسابق عقارب ساعتك قبل موعدنا
وأنا داري إن قلبك على شوفتي مشغوف
لو إنّه يجور الوقت فينا ويتعبنا
خالد:هالله الله الشاهي هتيه قبل عمي مايدفنتس ههههههه
العنود:ههههههههه خرعتني شلونك
خالد:بخير الله يسلمتس شلونتس
العنود:بخير ياخوي خذ خذ الشاهي ساعه انطركم
خالد:من قو المطر دخل السيل علينا وحاس التكايات والفراش وقمنا ندخلها وناخذ الاغراض وخبرتس بمعانا عجلين وبهم ربشه
العنود:الله يزين حوسه المطر بسسس
خالد:هتي الشاهي...فمان الله
العنود:باي
العنود كانت علاقتها مع خالد وصالح نفس علاقة الاخ باخته تكوي ملابسهم تساعدهم وتضحك وتسولف معاهم نفس اخوانه وتحب خالد حب نفس حمود اخوها واكثر تناديه عزوتي
العنود رجعت للبنات وبيدها صينيه واهي تصعد الدرج طفت شمعتها بسسب الهواء قامت تصارخ يالهنوووففففف تعاليييي يالهنوففففففف بسرعه جات الهنوف ججيتس يااالخوافها
العنود: العن خيرتس يالدراما لو احد ميت مو كذاااا اقول على تبن كنت بطيح وماشوف شى غير البرق
ليالي :سرعه انتي وياها جهزت يالعنود كتابس تكملين لنا الروايه مع هالمطر والله اني من امس افكر باحداثها وشلون عاصف ماعرف ان ابوه اهو اللي ذبح امه
العنود:واهي تجلس وتحط الصينيه من يدهاا بكملها بكملها اصلاً انا وقفت انتظركم اقراها معاكم
الهنوف:العن ابو جوكم الخايس خلونا نلعب اونو ولا شيش بدال الروايات هاذي
ليالي:اسف لتس بس جوتس انتي خايس كملي تكفين يالعنود واهي تمد الكتاب للعنود...
العنود:يلا صبي لنا كرك وبدت تقراء...,
