ماندري وش ورا الغيم مقسوم

Part 9

-بارت التاسع

<<العزبه >>
العيال كل واحد بشغله وابوخالد وابو فراج على راسه يدلون كل واحد لشغله ومستعجلين ابو خالد كالعاده كان حار ويبي كل شئ بسرعه وكل شوي يصارخ العيال وابو محمد يذبح الذبيحه مع راشد وابو فراج كان يراقب ابو خالد يبيه يهدا
ابو فراج: ياسلطان العيال كل واحد بشغله هد ضغطك بيرتفع
ابو خالد: باردين باردين ياليت لي ولد بس واحد حار
ابو فراج: شوي شوي عليهم من العصر وكل واحد بشغله وانت ارتفع ضغطك اجلس وانا اخوك وريح
ابو خالد: ماني بجالس رح اجلس انت
ابو فراج: الشكوى لله
ابو محمد: جاء والذبيحة شايلها اهو وراشد وحطها على الفرشه عشان يفصلون اللحم راشد كان ثوبه كله دم واهو رابطه على بطنه
ابو فراج: والله كأن عمك ذابحك مو ذابح خروف
راشد : من زود المرجله يبه
ابو فراج : الا والله من زود الغباء اللي بك والدفشه
ابو خالد: وين خالد
خالد : لبيه يبه
ابو خالد: وين اخوك للحين ماجاء!
خالد: كلمني بالطريق مع عمي عقاب وباسل بس يجيبون باقي الاغراض ويجون
ابو خالد: تف عليك وعليهم الكلاب الليل جاء ماحلبتو الناقه ولا حطيتو قهوه
فراج: القهوه علي ياعم ماعليك
ابوخالد: قم قم يومك سنه ابعد بسويها انا قم اذلف واهو ياخذ البراد منه
فراج : بعد عنه بخوف ابشر
ابو فراج: قم انقلع شب النار وجيب القدر لعمك
ابو محمد : كان يراقب الوضع مع راشد ويضحك باقي ماشفت شي ياراشد انتظر يجون اخواني وتبدا الحفله
راشد : يويلي من عمي والله
ابو محمد : لا انت بوجهي
كل واحد من فراج وخالد يركضون من السياره للخيمه يخلصون الشغل وابو خالد يسوي القهوه واقف عند ابو فراج وابو محمد خلص الذبيحه مع راشد وحطوها بالقدر بعد ماغسلوها وحطوها على النار وصلو العيال ونزل صالح مسرع ينزل باقي الاغراض ونزل عناد
واهو خايف من اخوه وباسل راح يساعد صالح واتجهو للمكان اللي جالسين فيه العيالي: سلام عليكم ردو السلام وابو خالد
اقبل عليهم  وقرب مسك صالح من ثوبه ونزل العقال ومسطه بظهر وقام ابو محمد يفكه من يد اخوه ومسطه ابو خالد ورجع لورا ابو محمد واهو معصب
ابو محمد: حتى انا ماسلمت ياسلطان
سلطان : قام لحق عناد وباسل واهم يجرون ورا السياره احنا بوجهك يبو فراج تفكنا
صالح: ماسك ظهره ويجري مع عمانه اهه تكفى يبه خلاص
راشد : واقف عند ابوه خايف يبه تكفى فكهم منه
ابو فراج : ياسلطان تعال تعال باقي ذا واخوه
راشد: لا تكفى ياعم ماسويت شى
ابو خالد: واهو ياخذ نفس ويجلس على المركى والله والله اني لرجعكم رجاجيل ياكلاب يا حمير
عناد بعصبيه : ترا كلنا بالمحل والبديره ماحنا بجالسين
ابو خالد : فصخ نعاله وحذفه به ترادني يالسبيكه والله والله لعلمك الشغل وانت ياحمار انقلع احلب الناقه
باسل: يلا ابشر
ابو خالد : قم انقلع يقصد صالح مع عمك
صالح : واهو ماسك ظهره ابشر نزل ياخذ شماغه ولحق باسل خالد وفراج عند النار وساكتين ابو فراج كان عاجبه الوضع ومرتاح
ابو محمد كان يضحك من ضحك ابو فراج خلصو الشغل ورتبو كل شى وجلسو في الجلسه وقام خالد يقهوي وقفو كلهم واهم يشوفون سيارت محمد مقبله عليهم وقفو صف ينتظرونه يوقفون يسلمون عليهم وقفت السياره ونزلو العيال سلام عليكم
ابو محمد: يلا حيهم ارحبو
ابو خالد وابو فراج : عليكم السلام ارحبو
محمد اقبل عليهم وعند يمينه خالد اخوه وباليسار تركي سلم محمد عليهم وبعده تركي وخالد قلطهم ابو محمد واهو فرحان فيهم
وبدو العيال يصبون القهوه ويحطون التمر جاء صالح وباسل اللي كانو جايبين الحليب بطاسه كبيره
صالح بهمس : يالله يربي ان ابو مايفضحنا
باسل : ابوك ماله امان بس كل ماقال شى قل ابشر ولا ترد بوجه
صالح : طيببب. واقبله يسلمون وجلس صالح جنب فراج وراشد وخالد كان يقهويهم ابو خالد بنبره عاليه : انت وياه قم صب شاهي
قام فراج؛ وصب شاهي ووقف جنب خالد وقال بهمس
فراج : هيه خالد من هو اللي معهم
خالد : ولد بنت مشعل
فراج : من !
خالد : تركي العجمي
فراج : ونعممممم والله اول مره اشوفه هنا
خالد : اي ساكن بالكويت مب حولنا
فراج : ماشاءالله عليه واضح رجال شف جلسته ونبرة صوته
خالد بضحك : خوش رجال
فراج : بصوت عالي واهو ناسي نفسه هههههههههههههه
الكل عطاهم نظره وقال ابو فراج ضحكنا معك يافراج
فراج : هاه بس ضحكني وجه عمي باسل
باسل : عطاه نظره وش فيه وجهي
الكل ضحك اول ماشاف باسل كان شارب حليب ناقه وباقي على الشنب حقه صالح قرب له واهو يضحك
صالح : مسحه له بشماغه واهو يضحك اغو اغو
باسل : حسبي الله عليك يافراج الكلب انا اعلمك
تركي : طالع فراج من فوق لتحت وابتسم
فراج : انت شفت العجمي
خالد : تستاهل فشلت نفسك رح صب لعمي شاهي راح فراج وعينه بتركي ،وقام ابو خالد يلا يلا صلاه قم ياراشد اذن
راشد : سم ياعم