ماندري وش ورا الغيم مقسوم

Part 10

البارت العاشر ❤️

<<الرياض >>
الساعه 8:03
مشعل بعد ماخلص الفطور جلس ينتظر فيصل واخته اللي كانو يجهزون شناطهم دخلت عليه ريناد واهي تحضنه
ريناد : بهلا والله بخالي اشتقت لك
مشعل وقف وكان فرق الطول بينهم كبير ونزل لها راسه واقبلت ريناد تحبه وجلست جنبه مشعل كان ماسك يدها ويسالها عن حالها
مشعل : شلونتس ياعيون خالتس
ريناد : الحمدلله بخير شلون البنات واحشيني
مشعل : يلا هانت كم ساعه وتشوفينهم
ريناد : اي والله متحمسه قامت واهي تقلب عيونها بخبث قالت بقلبها الله يلعن ديرتهم هاذي اللي بلشت فيها
مشعل : استعجليهم ياعيوني
ريناد : ابشر يروح بنت اختك
دخل فيصل : ابطينا والله
مشعل : الله يهداك ياخوي بسرعه خلصو ورانا طريق
فيصل : يلا شويات يجهزون الحريم ونطلع سكتو على صوت جوال مشعل اللي دق ورد بسرعه مشعل :الو
محمد : صبحك الله بالخير يبه
مشعل : صبحك الله بالنور
محمد :شلونكم يبه وشلون عمي
مشعل : الحمد لله انتظرهم يخلصون وجاينكم بالطريق
محمد : الله يحيكم يبه ابي من الصيدليه حليب لعمرو ولدي
مشعل : ابشر ارسل صورته وبطلع اجيبه لين يخلصون
محمد : الله يعطيك العافية يالغالي وسكر .
مشعل : فيصل ودك ادق على ابو محمد اقوله الله يحيكم فاضين اليوم عشان يجهزون امورهم ويجون !
فيصل : بالطريق دق عليهم .
وفاء : يلا خلصنا بس باقي القهوه بجيبها واجي اطلعو وانتي ياريناد خذي الشناط برا
فيصل : وشو له الشناط هاذي كلها ؟
وفاء : عشان الخطبه والملكه وهدايا جبتها لبنات اخوي
فيصل يلا يلا بسرعه طلعنا استعجلي وركبو السياره كان السايق مشعل وجنبه فيصل ورا اخته وفاء وبنتها وحرمته والعيال مانزلو معاهم عندهم شغل ...
مشعل : انا بوقف عند الصيدلية هاذي ابي اغراض تبون شى !
ريناد : ابي معجون ياعم نسيت حقي
مشعل ابشري نزل مشعل وخذا الاغراض ورجع بسرعه وكملو طريقهم ...

.........^.........

-بالديره-
وتحديدا عند ابو محمد كان نفس العاده جالس على جنب المنقل يصلح قهوته وام محمد بالمطبخ تصلح الفطور العنود نزلت
ابو محمد: واهو يسمع حس العنود جايته قام يقول يهال يهلا باللي لها قلبي يفز يهلا باللي تاخذ روحي لها فدا ياهلا بنتي ونور عيوني
العنود : اقبلت والابتسامة شاقه وجهها هلا فيك يبعد روح العنود
ابو محمد : وينتس وانا ابوتس طولتي علي صلحت قهوتي بنفسي ماقمتي تصلحينها لي
العنود : انت شكلك صاحي ابكر من وقتك
ابو محمد : والله يبتني عجزت انام اتقلب اتقلب ماقدرت رجعت قمت
العنود :بسم الله عليك والله يبه ودي اروح لجدتي اجيبها عندنا تفطر وتتغدى
ابو محمد : اي والله اجري جيبيها قبل مايجهز الفطور وانتبهي لها بالطريق تراها تدوخ بسرعه
العنود : واهي تقوم ابشر طلعت العنود واهي تجيب جلالها مرت على امها صبحتس الله بالخير يالغاليه
ام محمد : صبحت بالنور على وين !
العنود : بجيب جدتي لللفطور
ام محمد : يلا بسرعه قريب يخلص البيض، العنود طلعت بسرعه ودقت باب جدتها وفتح الباب عمها ابو فراج يهلا يبنتي من انتي!
العنود : قربت تبوس راسه انا العنود ياعم بنت عبدالله
ابو فراج: حضنها يالله حي العنود شلونتس شلون اخوانتس
العنود : بخير الحمد لله جيت اخذ جدتي للفطور
ابو فراج: ادخلي توها افطرت بس يمكن تتقهوى عندكم دخلت العنود مسرعه
العنود : قومي قومي ياجدتي الحلوه واهي تسحبها بايدها
الجده : انت شبلاتس وين تبين توديني
العنود : ابوي يبيتس ضروري يلا يجده تكفين قبل يقومون عيال عمي فراج ويشوفوني (العنود كانت مستحيل تخلي احد يلمحها )
الجده يلا اجل وكملو طريقهم للبيت ابو محمد دخلت العنود ودخلت جدتها اللي كانت تمشي خطوه وتوقف تاخذ نفس وتكمل
العنود :الله يسامحتس ياجده الشمس طبخ راسي
الجده : اسفه يعيون الغزاله بس تعب القلب
العنود : واهي تبوسها يدها امزح يبعد قلبي انتي نزلت العنود واهي تفصخ نعال جدتها تفضلي ياجده ابو بالصالة بروح لامي بالمطبخ
ابو محمد فز واهو يسلم عليها ويقهويها يالله حي الغاليه نورتي
الجده : واهي تاخذ نفس والله ابي اجيكم بس صرت اتعب من المشي
ابو محمد: لا والله يالغاليه نجيتس احنا بس ودي اليوم تغيرين جو عند البنات وبعدها كيفتس دخلت ام محمد واحطت الصينيه
وقربت تبوس راس الجده نورتي يالغاليه جلسو كلهم على السفره الا الجده بس تقهوة لان توها فاطره دق جوال ابو محمد اللي تعدل اول ماشاف الاسم وبدا يبلع اللقمه ويشرب عليها شاهي واشر على الحريم يسكتون مسح ايدها ورفع الجوال
ابو محمد : الو
مشعل : سلام عليكم ي عبدالله شلونكم
ابو محمد : عليكم السلام يهلا الحمد لله بخير شلونك وشلون فيصل وعياله
مشعل : يسلمون عليك كلهم شلون الجماعة
ابو محمد : ابشرك بخير
مشعل : باقي اخوانك متجمعين بالديره ؟
ابو محمد : اي والله بعد الاجازة يروحون
مشعل : انا جاي انا واخوي فيصل والجماعه والله يحيكم جميع
ابو محمد : وقف بفرحه لله يبقيك ياخوي ان شاء الله الليله عندكم
مشعل : فمان الله
ابو محمد : فمان الكريم وطالع امه ابشرتس يمه ان الامور زينه وهاذا فيصل اخو مشعل جاي يستقبلون الليله نخطب بنته الجده الله يبشرك ياولدي اجل بنزل السوق اليوم ناخذ الناقص مابي شى ينقص ياعبدالله سمعتني هاذولا يعتبرون اجانب برا القبيله
ابو محمد : اللي تبون انا حاضر بخلي خالد ولد سلطان ينزلكم تاخذون الناقص
ام محمد : ان شاء الله
العنود : وناسه وانا بنزل معاهم
ابو محمد : لا يعيوني انتي لاتروحين الا انا اوديتس لاتروحين مع العيال عيب
العنود : عيب!!!
ابو محمد : اي عيب عيال عمتس
العنود : اخواني هذول
ابو محمد : عصب من كلمتها وقال لا ماهمممم اخوانتسسسسس عيال عمتسسسسسسس
العنود : منصدمه ان ابوها انفعل لدرجة هاذي قامت وراحت المطبخ
الجده : والله ياعبدالله ان عدتها وصارخت على البنت كذا ان لازعل عليك زعل
ام محمد : ان علمتك وكيفك والله ان راح تعقدها وهاذا وجهي
ابو محمد : كملو الفطور وانا بطلع اكلم خالد يجيكم يوديكم طلع ابو محمد والضيقه خانقته بس كمل طريقه ومارجع للعنود عند العنود اللي بالمطبخ كل شئ وضح لها وكانت شاكه بس بعد انفعال ابوها بالطريقه هاذي تأكدت نزلت راسها العنود وجلست دموعها تقطر عليها بكت العنود بصمت بروحها بالمطبخ بس قامت اول ماسمعت جدتها تناديها غسلت وجهها وقبل تطلع استفرغت كل الاكل اللي اكلته رجعت عند جدتها وامها واهي تحس قلبها من داخل يحترق حرق ...