<<بالعزبه>>
عند خالد وصالح اللي اول ماوصلو رفعو طرف ثيابهم وربطوها وكل واحد فيهم مسك شغله
خالد:صالح انت شوف البل وانا بجيب الذبيحه اذبحها
صالح:يله تاخرنااااا وين عماني للحين الفراش مع عمي عناد
خالد:انت اخلص واحلب لنا حليب وانا بذبح وتعال ساعدني
صالح بدا يحلب الناقه ويرتب المكان وينفض الغبار جهز كل شى ولحق خالد يساعده بذبيحه وعناد وقف الموتر ونزل
عناد:تاخرنا
خالد:يهلاااا والله بفراج وراشد خالد واقبل عليهم يسلم بشوق
فراج:شلونك يخالد عساك طيب
خالد:بخير دامكم بخير شلونك ياراشد
راشد:نحمد الله
صالح:اقبل يسلم وحضن راشد خالد شفه كبر البزر
خالد:صار اطول منك
فراج وراشد:هههههههه
عناد:عيال المدينه افرشو الفراش ونزلو الاغراض من الموتر
خالد:كنت بقول ضيوف بس شوفت عينكم المغرب جاء وابوي بيكسر روسنا
فراج:اص اص احنا اخوان واهل بيت
راشد:ركب الموتر واهو ينزل الفرش وصالح يساعده وفرشو ورتبو المكان وفراغ تكفل بشبت النار
وعناد وخالد خلصو الذبيحه وفصلوها وبدو يجهزون القهوه خالد ياعم كمل وانا بروح للبل اشوفها واقفل على الغنم
عناد:تم
وقف ابو خالد ونزل من السيارة الله يقويكم ياشباب
فراج وراشد:اقبلو عليه يسلمون بحراره وخذو علومه
ابو خالد:كان فرحان فيهم مره وكل شوي يسالهم عن حالهم
فراج:كان يحترم ابو خالد مره وكل مايكلمه يرتبك
ابو خالد:يلا يصالح اذن
صالح:وهو ينزل اكمام ثوبه بعد ماخلص وضوء استقبل القبله ورفع ايده واذن ...تجمعو الشباب وابو خالد وصلو جماعه
عند ابو فراج...
ابو فراج:بعد ماسلم على امه وخذا اخبارها طلع متجه للعزبة مع باسل وشافو ابو محمد بطريقهم وركب معاهم اهو وحمود
وطول الطريق سوالف ابو محمد وابو فراج ماوقفت وكان ابو فراج كل شوي يبوس ايد حمود وحاطه بحضر
<<بيت ابو محمد >>
تحديداً في غرفت البنات كانو بنات ابو خالد مع بنات ام محمد اللي متجمعين عشان يطلعون سوا وكانت فاطمه تعدل شعر روبى
دخلت عليهم ام خالد بنات كيف شكلي مرتب!
الهنوف:يويل حالي يخاله محلاتس
العنود:والله يخاله بسم لله عليتس
ام خالد:فديتس انتي وختس يلا تاخرنا خلونا نطلع مها عصبتت والله خذو الحلا معنا لاننساه ومن الحين يبنات والله لو اشوف الضحك والهبال انتم بنات صوتكم مايطلع
البنات:طيب طيب يلا
طلعو كلهم واهم يمشون لبيت الجده اللي بناتها وعايله ال فراج تجمعو هناك كانو يمشون بسرعه لان الجو بارد مره
دخلو البيت الحريم مع بعض والبنات مع بعض
..................*.....................
عند البنات اللي اول ماشافو بعض مثل اي بنات جاتهم نوبة ضحك وهم يسلمون
غزل:يالله يبنات وحشتونااااا مره
فاطمه:والله واحنا اكثر زمان عن جمعتنا
روان:ياليتكم عندنا والله بدال هاذي الديره
الهنوف:هههااييي قالت نجيهم اقول اجلسو اجلسو والله لو تطلع براسي نخله ماطلعوا ابوي وعمي من هالديره
روبى:بعض الناس بيعرسون ويطلعون من هالديره
فاطمه:نزلت راسها واهي تقرص روبى بخجل
غزل :يبنات بسم لله عليكم كلل وحده تقول الزين عندي تبارك الله شلون تغيرتوووو
الهنوف :شقصدتس كنا نخوف هههههه
روبى:شكل والله ههههههههه وانت تهبلون والله
غزل:ناظرت العنود وقالت خصوصا العنود تبارك الله
العنود:فديتس يبعد عيوني والله الجمال عندتس انتي واخختس
روان:ابتسمت لها وسكتت
روبى بنات صوت ام مشعل شكلها جات خلونا نطلع معاهم ونتقهوى طلعو البنات وبدو يسلمون على ام مشعل والبنات
العنود وليالي على طول جلسسو عند بعض وبدو سوالف وام مشعل وام فراج وسعاد بصدر المجلس جنب الجده
وانفال وصالحه مع فاطمه وروان والهنوف سوالف وضحك كانت ام خالد وام محمد يسولفون ويضحكون ويوزعون الحلا
الجده:روبى العنود قومو بدل امهاتهم صبو القهوه
روبى:يلا نسيت عطيني يمه والعنود:خذت الحلا وبدت توزع وقربت توزع من ام فراج اللي قالت لها كبرتي يالعنود صرتي عروسه
العنود:تضايقه من كلمتها بس ابتسمت لها
ليالي كانت جالسه مع العنود وربى يسولفون ويتقهون ليالي بهمس بنات شوفو
روبى:وش!
ليالي:من جلسنا وعين روان بالعنود
روبى:اي لاحظت اعوذ بالله شفيها هاذي
العنود:صدق مالاحظت
ليالي:انتي من متى ييالفاهيه ركزتي بشى
روبى:اي والله ،العنود بالله جيبي لي كيك نفسي فيه
العنود:ورانا عشاء يالمجنونه بطنتس انتفخ من هالكيك
روبى:ماعليتس مني بطني ولا بطنتس عطيني
ليالي:ههههههههههههههههههه
الجده:قلت للعيال يجيبون لنا من العشاء حقهم مابيكم تطبخون اليوم راحه لكم
ام محمد:عسى عمرتس طويل
ام خالد:والله عادي كنا بنطبخه احنا والبنات بسرعه
ام فراج:ماعندكم مطاعم هنا قريبه كان بترتاحون من طبخ البيت تحطون الذبيحه كامله وتفتكون
سعاد:لا يحببيبتي متعودين ماناخذ عليها عشر دقايق ومرتاحين
ام فراج:عطتها نظره وقالت مشقين عمركم والله
حصه:الدنيا سعه يبنت الحلال والحمد لله لاتعب ولا شقاء
انفال تقرص صالحه ياليتني اقوم اصفقها هالعجوز المشدودة مسويه نفسها ماحد نفسها مادرت انها اقل الناس بالغرور هاذا
الهنوف :قامت عند العنود والبنات شفيها العجوز المشعوذه
العنود:خلوها عمتس سعاد عطتها الجواب هههههههههه
ليالي:اي والله بردت تسبدي
صالحه :العنود والله امس فارس ومشعل مانامو يبونتس عجزت انومهم
العنود:ليتس داقه علي والله كنت بجيهم
ليالي:تعبت ادلعهم مايحبوني نفسها خصوصا فارس كله يبيتس
العنود:حبيبتي انتي لليالي وانا العنود فيه فرق
ليالي:تبين كف!
العنود:بوسني
ليالي:باستها فديتس بس شوفي شوفي الهنوف وبنات ابو خالد شوي ويدخلون في بعض من زود الحب الهنوف بدت تتحرك تبني مستقبلها
العنود:تبي صالح طلعت تخيلي
ليالي:شهقتتتتت بذمتسسسسس
الكل ناظرهم ام محمد:شفيكم!
حصه:يووه يا مها ماتعودتي عليهم يبون السوالف بس
ام محمد:قومي يالعنود انتي والبنات بالصالة الثانيه سولفو ولا ترفعون اصواتكم بالضحك
طلعو البنات وجلسو سوالف وضحك وخذو معاهم انفال وصالح جلست مع الجده تسولف لها البنات بين سوالف وضحك
ويتذكرون طفولتهم في بيت الجده وشلون كانو ينامون بالعيد سوا وبدت الذكريات والسوالف الحلوه تطلع
أنت تقرأ
ماندري وش ورا الغيم مقسوم
General Fictionعزت علي نفسي ولا ني بملزوم أقربك من بعد ماغبت عني.
