ماندري وش ورا الغيم مقسوم

Part5

جلست العنود واهي تاكل مع جدتها ويضحكون العنود تمازح جدتها واهي تحب دايم تمازح جدتها جدتي تكفين علميني عن جدي الله يرحمه
الجده: قبل يموت الله يرحمه كانت عمرتس شهرين بس ودايم ينومتس على صدره
العنود:كنتي تغارين مني ياجده اعترفي
الجده: وخزياه منتس يالعنود ههههههههه
العنود:باست يدها احبتس احبتس ياجدة قلبي
قامت العنود واهي ترفع الصينيه انا بروح لبيتنا تأخرت يالغاليه برجع لتس انام عندتس اليوم مشتاقه لعماني ماشفتهم الجده ماعليه يبنتي طلعت العنود ودخلت بيتهم واهي تحس بخنقه وضيق بصدرها بسم لله يارب خير لضيقه هاذي واهي تحاول تعدل مزاجها باي شئ بس ماش الضيقه تزيد واهي ماتعرف الا ماورا الضيقه هاذي خير بس حاولت تتناسى وتكمل يومها دخلت العنود البيت يمههه
ام محمد:طولتيييي
العنود:جيت جيت يلا بدخل انظف المطبخ
ام محمد:بسرعه وبعدها اطلعي على المجلس نظفيه
العنود:ابشري

<<في بيت ابو خالد >>
الظهر1:58
خالد وصالح بالمقلط متكين وسوالف ينتظرون الغداء دخل عليهم ابوخالد وقفو العيال حبو راسه وجلسه مقابلينه شلونك يبه
ابوخالد :الحمد لله بخير
ام خالد والبنات دخلو بالغداء وحطوه جلسو يتغدون وسوالفهم ماتزين الا على الغداء والبذات بين البنات وابوخالد
خالد:يبه تدري روبى لازم لها تسنيع مسويه عندنا المصارع الجبار
ابوخالد:عطاها نظره صادق؟
روبى تطالع خالد بخوف وتعض شفايفها بقصد اسكت لاتعلم
خالد:لا لا امزح مستحيل روبى رقيقه مره
ابوخالد:عطاها نظرة طيب
قامو من الغداء والعيال طلعو بغرفتهم والبنات كل وحده على شغلها وام خالدوابو خالد جالسين بالمقلط يكملون قهوتهم وابوخالد من الصباح يهوجس ام خالد قربت منه وقالت انت شبلاك فيك شى؟
ابوخالد:شفيني !
ام خالد:اشوفك تهوجس واجد
ابوخالد:شفت العنود اليوم رايحه بيت جدتها وماشاء الله تبارك الله يالطول والجمال بوجهها وقبل سبوع شايف الهنوف تبارك الله
ام خالد:اي كمل؟
ابوخالد:ودي احجز بنات اخوي لعيالنا العنود لخالد والهنوف لصالح
ام خالد:اي والله مانلاقي نفسهم بس باقي يدرسون البنات
ابوخالد:واذا يدرسون بيكملون واهم مع ازواجهم ماهنا خلاف
ام خالد:طيب كلم العيال وخذ رايهم
ابوخالد:اطلعي ناديهم عشان اخلص منهم وطلع اكلم اخوي على العشاء
ام خالد:يله خير
ام خالد دخلت على صالح وخالد اللي يسولفون وميتين ضحك على فاطمه اللي كانت تبكي عشان العصفور الميت بالدريشة
صالح:تكفى ياخالد شوف شلون شوي وتموت ههههههههههههه
خالد:يبنت حطيه حطيه تاكله البسه
فاطمه:انطمووو
العيال ههههههههههههههههه الله يسعدتس يافاطمه شوي ودخلت عليهم ام خالد هيه انت وياه انزلو للمقلط ابوكم يبيكم بسرعه
خالد:ليش!!
ام خالد:انزل بسرعه انت وصالح خبر خير ان شاء الله
نزلو العيال ودخلو على ابوخالد بالمقلط وكل واحد يطالع الثاني منتظرين ابوهم يتكلم اللي مايجمعهم الجمعه هاذي الا وراه شئ
ابوخالد:انا تكلمت اليوم مع امكم وقررت اخطب لكم بنات عمك محمد
خالد:انصدم من ابوه وقال البنات بحسبت خواتي يبه!
ابومحمد:يعني ترفض بنت عمك ليش!ماتستحي على وجهك وانت تعيي من بنت عمك شفيها بنت عمك
خالد:يبه يبه مارفضتها بس يبه البنات كل يوم يسولفون عندي ماينادوني الا اخوي
ابوخالد:انت اخوها؟
خالد:لا ولد عمها بس
ابوخالد:لابس ولا شئ وانت بتاخذ العنود
خالد:العنوددددد!طيبببب وطلع
صالح:ماكان عنده مانع لانه مايمون على الهنوف وكانت الهنوف تجذبه عكس خالد اللي كان اربع وعشرين ساعة عندهم
ابوخالد:انا بكلم اخوي بعد العشاء
صالح:والابتسامه شاقه وجهه تم تم خير ان شاء الله
طلعو وكان العشاء عند بيت مشعل وتجمعو الكبار من المغرب وصلو جماعه
مشعل:خالد تقدم صل فينا
خالد:انصدم بس تقدم واقام الصلاه وصلو جماعه وبعدها قلطهم مشعل بالمجلس ورحب فيهم هلا والله بخواني نورتو
ابو خالد:هلا والله فيك ياخوي
ابومحمد:انت اخو يمشعل ماله داعي الكلافه هاذي
مشعل:أقل من واجبكم تقدمو ياعيال صبو القهوه وخالد كان يصب القهوه هو وصالح وخلصو وقفو ورا شوي
خالد:هيه صالح شفيه اخوك؟
صالح:خالد؟مافيه شى امور عائليه
خالد:تكلم شفيه مو وقت الغموض العائلي حقكم تكلم
صالح:بعدين اقول شف ابوك يأشر تصب قهوه
خالد:هين راجع لك
خالد كان جالس برا بيت الشعر جنب شبة النار ويهوجس ويلعب بكرتون شوي والعيال دخلو عليه انت شفيك ادخل معانا
صالح:قم قمادخل معانا ابوي صار له ساعه يقول ناد اخوك
خالد:ماني داخل خلني هنا احس كل شئ غلط
خالد ولد ابو مشعل انا بروح اشوف العشاء عند اهلي ورجع لكم حلو سالفتكم العائليه وبرجع لكم
صالح تقدم لخالد وجلس على ركبه يفهم خالد ويبي يقيس ينبضه هل هو رافض يبي بنت ثانيه ولا بس سالفه الاخوه هاذي
صالح:خالد بقلبك احد ودك فيه!
خالد:قصدك احب لي بنت
صالح:أيوه ولا مستحيل هالزعل عشان سالفه تشوفها اخت لك
خالد:يصالح افهمني البنت تقولي اخوي بين كلمه وكلمه اخوي
صالح:يمكن بس كلام يمكن البنت ودها فيك
خالد:مادري مادري
صالح:الحين قوم انت وغسل وجهك وتعال داخل عند ابوي واعماني
خالد :أن شاءالله
خالد راح المغاسل وغسل وجهه وصالح كان ينتظره برا عند الباب وطلع خالد وضحك ودخلو بالمجلس وسلم صالح وجلس جنب ابوه ابوخالد:بهمس ها فكك الشيطان
خالد:ابتسم وسكت