ماندري وش ورا الغيم مقسوم

Part 8

-بارت الثامن عشر

رجع ابو محمد لبيته دخل بكل هدوء وطلع على طول يتفقد البنات دخل غرفتهم بشويش وشافهم وتطمن بس شاف وحده جنب العنود
عرف انها احد بنات اخوه طلع واهو حريص مايطلع صوت قفل الباب وتجه لغرفته شاف ام محمد نايمه خذا نفس براحه وفصخ ثوبه وقرب واهو يدخل الفراش وقرب ام محمد لحضنه ام محمد حست فيه وضغطت على ايده ابو محمد نامي ياعيوني نامي يبعد روحي
وبكذا خلص اليوم ...

...............^...............

الصباح الساعه 9 <بيت مشعل>
عند مشعل اللي جالس مع حصه وسعاد يفطرون والعيال بدواماتهم مشعل جالس يفكر بكلام ابومحمد وقال
مشعل:اسمعو يحريم انا اليوم بروح للرياض بسلم على اخواني ورجع بكره الصباح
سعاد :ليه وش عندك هناك؟
مشعل:وانا شقاعد اقولتس بسلم على اهلي
سعاد:ومن تبي يجلس معانا واحنا هنا بروحنا
مشعل:اليوم محمد ولدتس جاينا وان نقصكم شى هاذا خالد صار رجال وبيت ابو محمد عندكم
حصه: زين ماعليه سلم لنا عليهم ولا يهمك البيت عندي انا وسعاد
قام مشعل وخذا شماغه وطلع متجهه لمدينه قبل يطلع حط على الطاوله فلوس هاذي لكم ان احتجتوا شى وكلها يوم راجع بكره استودعتم ربي مشعل ماحب يعلمهم لحد ماياخذ راي اخوانه ويتشاورون حصه وسعاد طلعو يودعونه ورجعو داخل حصه جلست وقالت
حصه:هاذا وجهي ياسعاد في سالفه مانعرفها
سعاد:لايكون بيعرس علينا
حصه:لا لا ماعليتس
سعاد :والله لو يفكر اني الدفينه بمكانه وش مقصرين فيه
حصه:ههههههه كفو المحزم
سعاد:هههههه ،اليوم بيجي ولدي محمد واهله وبنتس المها ودي اجهز لهم سفره وعشاء وبعزم بيت ال محمد
حصه:اي والله وبيت ابو خالد عيب
سعاد:اجل بعزمهم كلهم حتى ام سلطان وعايله فراج عيب
حصه:اجل يلا قومي نخلص سوا ونبدا تجهيز مابه وقت هالايام والله النهار قصير وليل طويل سعاد وحصه قامو وبدو تنظيف وتجهيز ووحصه طلعت تصحي صالحه عشان تتجهز معاهم وتلبس عيالها وتفطرهم ورجعت ترتب المجلس وسعاد رتبت المطبخ نزلت صالحه وبيدها فارس ومشعل
صالحه:صبحكم الله بالخير
حصه:صبحتس الله بالنور يااام مشعل
سعاد:صرنا مساء وانتي تصبحين علينا هتي هتي فروسي وسمي الحبيب
حصه:اقول عطيني سمي الغالي
صالحه:يويل حالي على عيالي بتفرقون بينهم عشان سمي ابوي اهخ
حصه:ههههههه كلهم عينين براس
سعاد:عاد انا ماحب الا سمي زوجي ولا ولدتس فارس شوفو له احد يحب
حصه اللي سالته وحضنته بقوه عاد هاذا قلب وحياة جدته باسته بقوه اهخخ يزين هالريحه بسس هاذا ابيع الدنيا عشانه وعشان امه
عسى الله يخليهم لتس ياصالحه ويرزقتس برهم ويعوضتس فيه يروح امتس قولي امين...
صالحه:اللهم امين يبعد عيوني ويخليكم لي يارب
سعاد :والله يرزقتس الزوج الصالح اللي يحبتس ويحب عيالتس نفس ابوهم الله يرحمه
صالحه:بحزن ماني بمتزوجه بربي عيالي وفي بيت اهلي معززه مكرمه ماني بطالعه منه وعفت الزواج بعد حمد الله يرحمه
حصه:عطت سعاد نظره ماعليتس عمتس تبي لتس الخير
سعاد:كيفكم اعوذ بالله اكلتوني
صالحه:بروح اسوي فطور لعيالي وجيكم راحت صالحه المطبخ وخذت عيالها تفطرهم وحصه اللي عدلت جلسته وجهت نظرها لسعاد
سعاد انتي لسانتس متبري منتس ماقلت لتس لعاد تكلمين صالحه خليها على راحتها تعبتيني وانا اقولتس ادري ان نيتس طيبه بس يسعاد فكينااااااا اسكتي لاعاد تتعرضين لها شفتي شلون انقلب وجهها خليها في بيت ابوها مرتاحه مع عيالها وبس
سعاد: والله ياحصه ماقصدي وقامت تبكي
حصه:هاشوفو صاحت ياسعاد واهي تقرب لها تحضنها ياسعاد يختي دموعتس غاليه واحنا ندري بنيتس ياحبيبتي خلاص
جات صالحه بعد ماسمعت صوت بكي عمتها سعاد حطت عيالها واهي تجري افا يعمه تبكين شبلاها يمه
حصه:انا طقيتها وهددتها تترك ابوتس لي وقلت لها انه زوجي ومايبيها
صالحه:يمههههه من جدتس!!!!!
سعاد:ضحكت الله يقطعتس ياحصه
حصه..هههههههههههه
صالحه:خفت الله يسامحكم شفيتس ياعمه بعيوني تراني مارضى عليتس والله انتس بحسبت امي
سعاد:والله وانا اشوفتس انتي وخوانتس عيالي وحصه اخت اي والله بس لساني متبري مني تعرفوني اتكلم مافكر ان كان زعلتكم والله مااقصد
حصه وصالحه:واحنا والله نعرفتس ،دخل فارس يتخطى واهو مشوه نفسه بالمربى ويضحك
صالحه :يويلييي ولدييي شمسوي بعمرك توني مبدلة ملابسك
سعاد:شفتي ولدتس بس يوصل عمره مو نفس سمي زوجنا
حصه:مشعل غيرررر هههههههههههه
صالحه :يمهههه
قامو يضحكون وصالحه طلعت تبدل لفارس ومشعل اللي كان بيد حصه واهي جالسه بالصالة تكمل قهوتها مع سعاد...