ماندري وش ورا الغيم مقسوم

part 2

تكمله للجزء الاول..
ابو محمد:دخل البيت ويسمع الصراخ واهو قاعد يمشي يقول لاحول ولا قوة الا بالله يارب صبرنا يارب اعصم على قلوبنا لااله الا الله وكل مايقرب من الغرفه يرفع صوته اكثر ويذكر الله ويدعي الله يصبرهم سلطان وانا اخوك اذكر الله عظم الله اجرك وانا اخونك اذكر الله ياسلطان اذكر الله
ابو خالد:انكسر ظهري ياالله كسرتههه جميله لااله الا الله يارب يارب لايطير عقلي يارب اعصم على قلبي
ابو محمد :سحب اخوه لورا وحضنه بقوه اذكر الله وانا اخوك ويحاول يمسك دموعه بس ماقدر لان هو رباها وكبرها وكانت غاليه عليه ونزلت دموع ابو محمد
دخل باسل وعناد يبون يعرفون شالصراخ على من اول ماشافو جميله مغطاه بفراشها باسل مامسك نفسه وقام يصارخ بقوه ويبكي ورفع عنها البطانيه اول ماشافها صرخ بصوت يقطع القلب تكفين يجميله عمتس لاتخليني تكفين ياجميله روحي لاتروحين تكفين ياربيييييي لااااااا روحي بتطلع ياعنادد
عناد :يحاول يكابر ويمسك اخوانه بس ماقدر رجع لورا وتلثم وقام يبكي ويضرب بنفسه ياليتني فديتس ياجميله يليت الموت خذاني بدالتس
ام محمد:تركض نست حملها وتمسك اختها اذكري الله يانوره اذكري الله (نوره ام خالد)ام خالد ماتسمع بس تصارخ وتقطع شعرها
تصارخ وتطق عمرها

روبى:كانت ساكته تطالع اهلها ودموعها تنزل قربت للفراش جميله رفعت الغطا وشافتها قامت تصارخ وتبكي تكفين ياجميله انا احبتس لاتخليني تكفين ياجميله لاتموتين قام ابو محمد وسحب روبى لحضنه وغطاها على صدره وباس يدينها انا معاتس وانا عمتس ماني بمخليكم روبى:ياعم ابي اختي ياعمي ابيها حضنها عمها واهو يغطي جميله
قام عناد وباسل وشالو جميله ومغطينها بطانيتها وابو محمد قرب السياره للباب بيت ابو خالد
ابو خالد:اخذ ريحان وورد من الزرع عند الباب وقام يزفه على بنته ويقول بنتي عروسه بنتي عروسه
وام خالد:تصارخ بنتي تكفوننن لاتطلع ميته قعودها واختها ام محمد تمسكه واهي تضرب بعمرها بكل مكان وتطيح ام خالد مغمى عليها
ابومحمد قرب السياره للباب وركب بالأول صالح وحط راس جميله بحضنه وابو خالد ركب قدام وتلثم صالح يبه تكفى جميله يدها نفس الثلج يبه ماتحب البرد جميله صالح ماسك يدها ويبوسها طول الطريق .

بالبيت عند عناد وباسل عناد راح لامه يمسكها تحت الشجره الكبيره واهي ترجف وتبكي بكي يخرع
الجده:عناد ياولدي راحت جوهرة بيتنا عناد ياولدي اخوك انكسر ظهره
عناد :اذكري الله يمه اذكري الله ياغناتي
الجده:ودني لنوره ودني

عناد قاعد يمشي امه ويهديها وباسل ركب السياره وخذا خالد معاه وقفهم عناد انا بسوق انزل
ونزل وركب يسوق عناد وخالد يصارخ ويبكي وباسل ماسكه يقرا عليه ويبكي بحرقه
وقفهم العم مشعل وركب يستغفر لحد ماوصلو المستشفى وسو فحص وكل شى طلعت جميله متوفيه من 3ساعات
ابوخالد :يحاول يمسك عمره بس ماقدر انفجر يبكي ويذكر الله
صالح:اغمى عليه ورقدوه عندهم وخالد :بحضن عمه عبدالله يبكي عناد مع باسل عيا يهده خايف عليه ويقرا عليه برا المستشفى
مشعل:عبدالله عظم الله اجركم
ابومحمد:الله يجزاك خير