" မောင်"
"ရှိပါတယ်ဗျာ"
ကားမောင်းနေရင်းနဲ့ မောင်က ရန်ဘက်သို့လှည့်ကြည့်ကာဖြင့် ခပ်ပြုံးပြုံး အဖြေပြန်ပြုသည်၊၊ ကားမောင်းနေတဲ့မောင် က နောက်ခန်းထဲ သီချင်းဖွင့်ပြီး ကဆုန်ပေါက်ကခုန်နေသော သားနှစ်ယောက်ကိုလည်း ခဏခဏ လှည့်ကြည့်လျက် အသဲယားသလို နှာခေါင်းရှုံ ပြီး ခပ်ပြုံးပြုံး၊၊
ရှမ်းပြည်၏ ဝေလံခေါင်ဖျားသော ရွာငယ်တစ်ခုကို ရန် တို့မိသားစုလိုက် ခရီးထွက်လာကြခြင်းဖြစ်သည်၊၊ အခုလို ရှမ်းပြည်ဘက်သို့ ခရီးထွက်လာရသည်ကလဲ ရှိုင်းခန့်တို့အတွဲကြောင့်ဖြစ်၏၊၊ လွန်ခဲ့တဲ့လက ကျင်းပမည့် ရှိုင်းခန့်၏ မင်္ဂလာပွဲ၌ သတိုးသားဖြစ်သည့် ရှိုင်းခန့်က မင်္ဂလာဆောင်သို့ရောက်မလာပဲ လင်နောက်လိုက်သွားပြီဆိုသော စာတစ်ဆောင်သာ မင်္ဂလာပွဲသို့ရောက်လာခဲ့သည်၊၊ဘယ်သူနဲ့လိုက်သွားမှန်းလဲမသိ ဘယ်ကိုထွက်သွားမှန်းလဲ မသိပဲ မင်္ဂလာပွဲက အလိုလို ပျက်သွားရသည်၊၊ ရှိုင်းခန့်၏ အုပ်ထိန်းသူနေရာ၌ မောင်က တာဝန်ယူ လက်မှတ်ထိုးထားသည့်မို့ တစ်ဖက် မိန်းကလေး၏ မိဘများကို အတော်လေး တောင်းပန်ခဲ့ရသေးသည်၊၊ထို့ကြောင့် ပြီးခဲ့တဲ့ တစ်လလုံး ရှိုင်းခန့်ကို မောင်က တီးချင်နေ ၍ ပိုက်စိပ်တိုက် ကိုရှာခဲ့သည်၊၊သို့သော် တစ်လသာကြာသွားသည် ရှိုင်းခန့်၏ သတင်းကအစအနပင်မရ၊၊
မနေ့ကမှ ရိုင်းစက်မာန်၏ ဖုန်းခေါ်ဆိုမှုကိုရပြီး ရှိုင်းခန့်ကို သူ မ ပြေးသွားတယ် ဆိုတဲ့အကြောင်း နဲ့ ရှမ်းပြည်ရဲ့ ထင်ရှားခြင်းမရှိတဲ့ ရွယ်ငယ်လေးတစ်ခုမှ သူတို့နှစ်ယောက်လုံးရောက်နေကြောင်း မောင်ကို ဖုန်းလှမ်းဆက်ပြီး ပြောမှ သိခဲ့ရတာဖြစ်သည်၊၊ ထို့ကြောင့် ဒီနေ့ ချက်ခြင်းပင် ရိုင်းစက်မာန် ပြောသော ရှမ်းပြည်က ရွာလေးသို့ ရန်တို့ မိသားစုလိုက်ထွက်လာခဲ့ခြင်းဖြစ်သည်၊၊
ရိုင်းစက်မာန် ဖုန်းခေါ်ပြီးထဲက မောင်က သူနဲ့တွေ့ကြမယ်ဆိုတာကြီးပြောနေသည်မို့ ရှိုင်းခန့်ကတော့ မောင်နဲ့တွေ့ရင် အတီးခံရဦးမှာဖြစ်သည်၊၊ ရန်ကတော့ မောင်ဘာလုပ်လုပ် မှန်တယ်ထင်တာမို့ ဒီတိုင်းသာ ဘေးထွက်ပြီး လက်ပိုက်ကြည့်နေလိုက်မည် မောင်ကို တော့ ဝင်တားဖို့ အစီအစဉ် မရှိပါ၊၊
