فارسى القاسى (حور عينى)

الفصل السابع والثلاثون

تنهدت منيرة بارتياح

:(الحمد لله يا مالك انا كنت ناعية الهم والله وخسارة يا بنى البت لسا صغيرة )

ابتسم مالك بسعادة تلمع عينيه بحب ابتسم والده يتحدث بهدوء

:(بص يا بنى دلوقتى بقا دورك حاول تشدها ليكى خليها تحبك وصلح غلطتك يا مالك علقها بيك وان شاء الله الحياة تمشى بينكم زى أى اتنين)

ابتسم مالك متحدثا بهدوء

:(ان شاء الله يا بابا دا اللى يحصل ادعيلى)

ابتسم والده بينما تحدثت والدته بمرح

:(أقوم بقا اعمل الغدا عشان جميلة تيجى تتغدى معانا يا حبيبتى مبتعرفش تقلى بيضة بس أنا هعلمها زى ما علمت ورد واخليها شاطرة)

ضحك مالك ووالده متحدثا الأخير بمرح

:(أصلا امك كان نفسها تجيب كمان بت بس لقت نفسها تعبت قالت كفاية)

ضحك مالك متحدثا

:(كويس كفاية كدا رضا)

ابتسم والده ثم جلسا يتبادلا الأحاديث بينما يرتشفان الشاى أدمعت عينى مالك بحزن لقد أضاع الكثير بسبب شلة من أصدقاء السوء التى سحبوه لطريق سىء

------------------------------------------------------

ابتسمت ورد بارتياح تنزل الهاتف من على أذنها متحدثة بسعادة

:(الحمد لله جميلة مش عاوزة تطلق ربنا يهدى سرهم يارب)

ابتسم حازم يلف ذراعيه حول كتفه

:(كويس الحمد لله تعالى بقا ننزل عشان مازن جاى ياخد نور النهاردة)

ابتسمت ورد تهبط معه تضبط حجابها تحدث بحيرة

:(بقولك ايه يا حازم أنا عاوزة اشترى عبايات جديدة عشان الحمل ابقى تعالى معايا بكرا)

ابتسم لها مقبلا جبينها بحب

:(ماشى بكرا بعد الشغل ان شاء الله اجى معاكى وياترى لونهم ايه بقا)

تحدثت بمرح

:(أحمر وأصفر)

هز رأسه بيأس يتحدث

:(طبعا هيكون ايه يعنى)

ضحكت تتجه معه تدلف للداخل لبيت حماها جلست معهما تضحك تتحدث مع نور أحيانا بهمس دق جرس الباب لتستقيم ورد متحدثة

:(دا أكيد مازن هفتحله)

ثم غمزت لنور التى رفعت اصبعها الابهام لها اتجهت للباب تفتحه ليطل مازن من خلف الباب مرتديا نظارته الشمسية نزع النظارة يبتسم لورد

:( ازيك يا فلاور عاملة ايه)

ابتسمت ورد تعانقه قائلة بسعادة

:(الحمد لله عامل ايه يا ميزو )

ابتسم لها ثم ابتعد عنها مخرجا من الحقيبة السوداء التى يحملها علبة بها قطع شكولاتة محشوة بالبندق كما تحبها