ကိုယ့်ရဲ့ငှက်ကလေး OC(Unicode and Zawgyi)

Part 12

"ရေးးးး!"

ကလေးတစ်ယောက်ထက်တောင် ခုန်ပေါက်ပျော်ရွှင်နေသော ခန့်သူရကြောင့်လူများဝိုင်းကြည့်ခံနေရ၍ သွန်းမင်းနောင်တို့အဖွဲ့မှာရှက်လာရသည်။

"မင်းပုံမှန်လိုနေမရဘူးလား"

စည်သူ၏စကားအား စပ်ဖြဲဖြဲဖြင့်ပင်ပြန်တုံ့ပြန်ကာ တွေ့ကရာဆိုင်ထဲ၀င်သွားသော ခန့်သူရကြောင့် စည်သူခင်ဗျာနောက်ကနေလိုက်ထိန်းရပါတော့သည်။

သွန်းမင်းနောင်လည်းစစ်ခွန်းဆက်နှင့်ထွန်းစက်အား ခေါ်ကာရှေ့က‌နှစ်ယောက်နောက်လိုက်ရပါတော့သည်။ခန့်သူရ၀င်သွားသော ဆိုင်ထဲသို့ရောက်သည်နှင့် သရဖူအား၀တ်ဆင်ထားသော စည်သူအားမြင်လိုက်ရဖြင့် သွန်းမင်းနောင်ဆိုင်များမှား၀င်မိသွားသလားဟုပင်ထင်လိုက်မိ‌သေးသည်။

အိန္ဒြ‌ရည်ရှိလှသော မင်းသမီးလေးများ၏သရဖူသည် တစ်မျက်နှာလုံးရေဘဝဲလို‌နီရဲနေသော စည်သူ၏ခေါင်းပေါ်တွင်တော့ တစ်မျိုးရယ်စရာကောင်းနေ၏။သွန်းမင်းနောင်ကြောင်တောင်တောင်ဖြစ်သွားပေမယ့် စည်သူ၏ဘေးမှ ရှေးဘုရင်များ၀တ်လေ့ရှိသောကြီးမားလှသည့် ရွှေရောင်ခေါင်းဆောင်းအား ခေါင်းပေါ်တွင်၀တ်ဆင်ထားသော ခန့်သူရကိုတွေ့လိုက်ရ၍ နားလည်သွားတော့သည်။

"ဟားဟားဟား ဘီးကုတ်ရောင်းတဲ့ဆိုင်ကဒီလိုအဖိုးတန်လေးတွေရှိလိမ့်မယ်လို့ ငါမထင်ထားခဲ့မိဘူး ဖူးးးးး ဟားဟားဟား"

‌ခန့်သူရ၏ရယ်သံများမှာ ရွှေရောင်ဘုရင်ခေါင်းဆောင်းအား လုယူ၍သရဖူအားသူ၏ခေါင်းပေါ်သို့ တပ်ပေးလိုက်သောစည်သူကြောင့် ရပ်တန့်သွားရသည်။

"ဒီလိုမှလိုက်တာ"

စည်သူ၏ဂုဏ်ယူနေဟန်အပြုံးကြီးကြောင့် ခန့်သူရ၏မျက်နှာမှာရဲတက်လာရသည်။ထို့နောက် ဆိုင်၀န်ထမ်းများတောင် မနိုင်ရလောက်အောင် ပြေးတိုင်းလိုက်တမ်းကစားနေသော ကောင်လေးနှစ်ယောက်အား ကစားကွင်းမှဘီးကုတ်ဆိုင်လေးတွင် ရယ်မောဖွယ်ကောင်းစွာတွေ့ရတော့သည်။

သူ၏ရှေ့မှမြင်ကွင်းကြောင့် သွန်းမင်းနောင်ပြုံးမိသည်။သူ၏ဘေးသို့ကြည့်သော်် ထွန်းစက်ကိုသာတွေ့ရပြီး စစ်ခွန်းဆက်မှာတော့ပျောက်နေသည့်အတွက် အနည်းငယ်စိုးရိမ်မိသွားသည်။