#ليته يعلم(أحببته منذ الصغر)

البارت ٥٢

ليته يعلم ( أحببته منذ الصغر)

اخذني الواهس بالغرفه كمت شغلت الإضاءة الخافته اللي اشتريتها خليتها يم المرايا وشغلته كامت تنطي الوان كلش حلوه..طفيت الضوه حتى تصير واضحه اكثر.كعدت عالتخت واباوع عليها
ماحسيت اله فتح باب الغرفه جفلت من شفته
باوع عليه صفن بالبدايه علما استوعب انو اني بالغرفه.
اني انحرجت كلش
شغل الضوه واجه سحب الموبايل من الشحن
تااطلع كال: مايحتاج ضلي هس اني طالع  ..ماهتميت طلعت كبل ...بس كلشش انحرجت
عذذه اله تلاص عليه.. نزلت من الدرج ونور صارت مقابيلي
ماباوعت عليها كبل نزلت
فتت الغرفه بس كلش مستحيه.يعني لوادري يطب للغرفه فلا أصعد
جنت كاعده بالغرفه وباب الغرفه مفتوح..شفته نزل وراح للاستقبال
لي هس ضايجه من الموقف
ثاني يوم صادفت جمعه .كعدت تريكت وره شوي اجت صابرين
صابرين:هاا شلونكم
جده:هلا
رنا:زينين..وانتي شونج
صابرين:بخير..وين صادق
جده:فوك بغرفته
صابرين:خابرني كال تعالي تسوين غده يمكن عازم جماعه
جده:اي كال البارحه
صابرين:خلي اروح اشوفه
تفاجئت من كالت هيج..يعني داز على صابرين حتى تسوي غده
ماحجيت كلشي بس كلش انقهرت بداخلي
نزلت صابرين من فوك
صابرين:يكول هذول ربعي من غير محافظة جايين
يريد غده مرتب
جده:اي هو جاب مسواك من البارحه
صابرين:يلا رنا امشي نسوي الغده اني وانتي
رنا: اعذريني صابرين.بس مدام دز عليج ولاحتى كالي اني مامد ايدي
سكتت صابرين بالبداية بعدين كالت
صابرين:هو دز عليه حتى اعاونج
رنا:لا موحتى تعاونيني...هو ماكالي اصلا.وصارله يومين يجيب اكل من المطعم..مايريد ياكل من طبخي
صابرين:والله ماعرف...بكيفج...اني راح اروح اسوي
راحت صابرين..جده ضاجت مني بس ماحجت شي
كعدت بالصاله وجنت اهز برجلي ومحموسه حيل منه عبر الوكت واذن الجامع..رحت صليت.جان صوت الجامع يخطب لان اليوم جمعه
طلعت للصاله
صابرين:يسررررراب ويييينج تعاي سوي الخضره هس يجون من الجاممممع
صابرين جانت تركض هنا وهنا...ردت اعاونها بس متردده
رحت للمطبخ
رنا: صح كلت مامد ايدي بس انقهرت عليج..هس اني اسوي الخضره واذا تحتاجين شي كوليلي
صابرين:لاعادي مابقى هواي بس الخضره
رحت سويت الخضره وعاونتها بالتحضيرات
رنا:شوكت يجون
صابرين:بس يخلصون صلاة الجمعة يجون
وكفن سيارات يم الباب ونفتح الباب..علاوي طلع سلم عليهم واستقبلهم.صادق هم جان وياهم
طبو للاستقبال..
بعد شوي سمعت صوت صادق وفراس اجو للمطبخ
من طبو أني كبل طلعت..رحت للغرفه
صبو الغده وتغدو.. بعدين صابرين جابت صينيه كعدنا اني وياها ناكل
رنا: حيل طيب الاكل عاشت ايدج
صابرين: بالعافيه ... بعدكم لي هس مو؟؟
رنا:اي بعدنا.. البارحه صار موقف خايس
صابرين:شنوو
حجيتلها وكت جنت فوك وهو اجه
صابرين:ههههههههه
ضلت تضحك عليه
رنا:وجع كافيج
صابرين:والله سالفتج تضحك.مو زين بس طفيتي الضو مانزعتي هدومج ولبستي بدله نوم حمره
رنا:انجبييي عااد
سكتنا شوي.جانت تباوع عليه بطارف عينها
رنا:هههههههه
صابرين:ههههههههه
دنضحك واجه هو
صادق:وين الچاااي
صابرين:كامل كامل هس اصبه
كامت عالسريع صبت الجاي ورجعت
صابرين:واخيرا خلصت منهم
عبر الوكت وصارت الدنيا عصر..جنت بالمبطخ وصابرين وجده وصادق بالحديقة كاعدين
وكفت يم باب الصاله.جنت اسمعهم يحجون بس هما مايشوفوني
صابرين: انت ليش موكايل لرنا عاالعزيمه..
صادق :وعليش اكوللها
جده:حتى ماقبلت تعاون صابرين زعلانه
صابرين:اي حقهاا
صادق:مشكلتهااا..
صابرين:لاياصادق خطيه رنا هالله هالله بيها
صادق:موانتي اللي تكليلي هالله هالله بيها..اني اعرف شكاعد اسوي زين
حييل كلبي اذاني من سمعته يحجي هيج
طبيت جوة واحس البيت وحش عليه
كعدت عالقنفات بالصالة.وره ثواني كمت رحت لغرفه جده.رجعت كمت تااطلع للحديقه شفتهم بعدهم كاعدين رجعت.اخر شي صعدت فوك
اوف ياربي شوكت يخلص هالشعور مال الوحده دمرني 💔
بقيت ساعه او اكثر فوك .فوتت الهدوم الشارتهن
ونزلت ..
عزلت الهدوم وعزلت مكاتبي كامل
سمعت صوت ضحكهم بالصالة .. صادق وصابرين وعلاوي
اني بقيت بالغرفه خلصت تعزيل كامل وكنستها
بعد ساعه اجت صابرين
صابرين:رنا تعالي تعشي..
رنا:ماريد موجوعانه
صابرين:هات
رنا:اي والله
عبؤ الوكت وصابرين تحضرت تاتروح لأهلها
اجت عليه وكالت
صابرين:هاي فلوس مصرفج
باوعت شايله فلوس بيدها
رنا:منين
صابرين:يعني منين قابل
رنا:هو انطاج مووو
صابرين:ايي
رنا:رجعيهن كلشي ماريد
صابرين:يارنا شبيج..خما تروحيين لدوامج بدون مصرف
رنا:ايي عادي..ترا سمعت كلامه العصر شون يحجي..عليش هس يدز مصروف مايحتاج ماريد
صابرين:اني عن نفسي مارجعهن تنجازين .ذبتهم عليه وطلعت.اني رميتهم بمكتبه جده وعفتهم
راحت صابرين واني رجعت لضيمي💔
فرشتلي فراش من وكت وطفيت الضوه وتمددت..صح باجر سبت وماعندي دوام.بس هذا ملجأي حالياً
قريت الأذكار ونمت..كعدت ثاني يوم من وكت باوعت الساعه ٧.ردت ارجع انام بس ماكدرت ..
بقيت اتكلب بفراشي اخر شي كمت
طلعت للطارمه وارتجيت عالحايط..صوت العصافير كلش حلو
بقيت شوي.. سمعت صوت علاوي كعد
من شافني كال
علاوي:مدامج كاعده سويلي ريوك بلا زحمه عليج لان عندي شغل بالمحل
رنا:تدلل
رحت سويت ريوك اله والي وكعدنا نتريك اثنينا
رنا:شون وضعك بدون سرى
علاوي:ماشيه
رنا:شوكت ترجعها
علاوي:هالاسبوع ان شاء الله
رنا:دير باالك عليها.سرى تحبك لاتخلي احد يخرب بينكم
علاوي:اعرف اعرف كلشي اعرف ..ماعليها شي ...
خلص ريوك وكام
بعد شوي كعدت جده حميتلها الجاي وتريكت.
صارت الساعه ١٠
نزل صادق من فوك وكعد مقابيل جده
اني جنت اعزل البيت
صادق: البنات كاعدات
جده:لابعد ليش...تريد ريوك... هس اخلي رنا تسويلك
صادق:لا مايحتاج
جده:هس اني اسويلك
كامت جده وسوتله ريوك
اني شصار بيه هنا...احس كمت افور وأغلي
يعني الهالدرجه...تذكرت كلامه لمن كال صبرلي اني ألج
هو ديسوي هيج ديعاقبني
فتت على غرفه جده وسديت الباب .وكمت ابجي
اكول بيني وبين نفسي (انت دتفكر تعاقبني..هو اني وضعي يسمح للعقاب شبيك ياصادق شبيك 💔)
عبر يومين وهو مصر على موقفه وياي..وكت الاكل والشرب يصخر بناته
رجعت من الدوام.. جانت نفسي تلعب من الطريق
كبل رحت زعت مرار...عاد ارتاحيت
سبحت وطلعت من الحمام..وره شوي سمعت صوت حسن وسراب
حسن:بابا اشترى سياره جديده
استغربت هو ماصار هواي من بدل سيارته
جده:هاا صدك بيها الخير
طلعت جده .وصارت هوسه بره
تباوعت من الشباك..جانت جده وسراب ونور يم الباب ملتمات.مبينات متونسات وعلاوي وياهن
نور:خلي نطلع بيها هسس
سراب:اي والله نريد نصعد بيها
جنت اباوع واحس نفسي بعيده اوغريبه عليهم ..
طب جوة وكال : نور حضريلي الحمام خلي اسبح هس واطلعكم بيها
سديت الشباك ورجعت لمكاني .حاولت اجمع نفسي واقوي روحي بنفسي .. .. بهاي الفتره وصلت مرحله كلش مو حلوة..مدام من مشكله هيج يسوي وياي ويعاقبني  يعني مايفكر بوضعي ابد 💔
فكره تروح وفكره تجي..كمت الوم بروحي وأكول.يعني مامعقوله هيج اني ضعيفه حتى ابقى حزينه لان بس هو صاد عني..من جانت علاقتي بي زينه جانت كل اموري زينه وهس من صارت المشكله عبالك الدنيا وكفت يمي
كلشش لمت روحي وكلبي..بس شيفيد ليش هو بالأيد💔
مشى الوكت وصارت الساعه ٧ اني بعدني بالغرفه
اجه حسن
حسن:رنا تعاي شوفي السياره اللي اشتراها بابا
رنا:بعدين اشوفه
حسن:عفيه تعالي هس
رنا:موهس حسسن شبيك
حسن:بس شوفيها وارجعي
طلعت وياه فتح الباب.. سياره سوده جبيره وعاليه
رنا:اي حيل حلوة
حسن:افترينا بيها انتي ماجيتي ويانا
رنا:اي ميخالف بغير مره
انداريت تاطب ..هو هس فتح باب الاستقبال
ماباوعت علي كبل فتت جوة
بالليل اخذ بناته وحسن وداهم لخالتهم..هو كل فتره ياخذهم لبيت خالتهم الجبيره.مرات يباتون مرات لا
اني جنت ادرس ..ردت اخابر مها بس تذكرت الموبايل مكسور
رحت اخذت موبايل جده وخابرتها .اني قبل داكه عليها من موبايل جده يعني الرقم محفوظ يمها
دكيت عليها
مها:الو
رنا: هلا مها شونج
مها:زينه
رنا: اخبارج
مها: الحمد لله
حسيتها تحجي بالكوة
مها: اكلج رنا.. اعذريني بس بعد ماكدر اتواصل وياج
رنا:ليشش
مها:لهنا وكافي..خليها من بعيد لي بعيد..اخر مشكله صارت رجعت للبيت ابجي وامي وابوي شافوني واخوي كاللهم عالصار.رزلوني رزاله كالو بعد ماترووحين ابد..وامي ضلت تحجي عليه تكول كلما تروحين ترجعين بيج شي وكالت تگطعين علاقتج برنا. اعتذر كلش منج...كامت تبجي
اني انتهيت من حجت هيج
رنا:عفيه مها لاتسوين هيج والله بس انتي صديقتي
جنه نبجي اثنينا سويه .سدت الخط
واحس گلبي يريد يطك..اوف ياربي خفف عليه شنو ديصير وياي
لااكدر ابحي ولااكدر احجي ولااكدر اسوي كلشي 💔
بمدي اموت فراس عالصار وياي..كلها تراكمت عليه
احس صار عندي تمرد قوي وبروود بنفس الوكت..جنت مستعده اصير اسوء منهم بالمعامله ومايهمني اذا جان هالشي غلط اولا
طلعت للصاله وغضبي واصل ماعرف وين
جانت بس جده كاعده وشايله مصطفى ومتحضره تاتروح لجارتها.وتريد يجي صادق حتى تفتح وياه موضوع سرى ويرجعونها
طب فراس كعد عالقنفات
جده: مارجع صادق
فراس:بعد
جده:بلكي يجي نريد نرجع سرى خما تبقى حردانه
فراس:وماتبقى حردانه انتي عليشش شايله همم .عدها رجلها هو يرجعها
جده: مايصير عيب..اخويه زعلان علينا
جان يحجي بطريقه مستفزه جداا..كلشش كارهته اني خصوصا بهاي اللحظات
اجه صادق اول ماطب باوع عليه
جده:همزين جيت قبل ماروح
صادق:شاكو
جده:بلكي تقنع علاوي ترجعون سرى
صادق:هاليومين ان شاء الله
جده:ان شاء الله
كامت جده وانطت مصطفى لفراس وطلعت
بقيت بس اني وياها
اني بقيت كاعده ماتحولت لأي مكان..اصلا ماعرف شنو اريد اسوي بس بداخلي غضب چبيييرر
جان يحجي ويه صادق بموضوع يخص الأخبار .
كام يبجي مصطفى وكبل تعصب
فراس:خييييرك يااابنييي خييييرررك..نوب حتى البنات ماكووو حتى يشيلننننك
هيج لااراديا صار عندي رده فعل حجيت بكل برود وتنبييير هممم
رنا:لوو جنت شاااد ويه مرتك مثل ما هسس شااد ويانا جان  هس مو هذا وضعك ولا وضع ابببببببنك.بس يلا كلمن ياخذ استحقاقه
صادق باوع عليه وانصدم من حجيت هيج
صادق : عيدي اشكلتي
رنا:مثل ماسمعتو
فراس:انتي ادبسزززز
كل تعابريهم تغيرت..بس تعابير صادق ونضراته جانت اقوى بهواي من فراس
صادق:كدامي جوة يلا
فراس:والله العظيم.....
صادق:اششش اني انجاززز.....
رنا:اي عادي اروح جوة وشنو يعني
رحت للغرفة وكميه البرود اللي صايبني من كثرة وقوة الخذلان فضيعه 💔
طب ورايا ورفع إردان التراك
صادق:عيدي شكلتي
رنا: سمعت زين مايحتاج اعيد
قفل باب الغرفه
حجيت كلام ماجنت حاسبه حساب شنو يصير وراه
رنا: مايحتاج تقفله تريد تضرب اضرب ماراح انهزم واصلا البيت فارغ ماكو احد يحجزك عيني ..هاا وماالي احد لااحد راح يحاسبك ولاشي شتسوي سوووي.....يتببببع