حرم العقيد (الجزء الاول)

17🍃

(17)

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

ثاني يوم في العصر طلع يوسف ونشى لحوش اهل حور وامعاه الحارث الي كان عارف بالقصه وقروا الفاتحه وخذا حور وروح بيها خش للحوش غزل جاته تجري شافت حور معاه قعدت مصبيه في مكانها وتبحت فيهم
يوسف: حور اركبي شقتك فوق من الدروج الخارجيات
حور: حاضر حبيبي مطولش عليا والحقني
ركبت حور وغزل عيونها معبيات دموع وتبحت في يوسف، قرب منها يوسف وحضنها بقوه وهيا انهارت بين يديه وقعدت تبكي بقوه
يوسف: متبكش غزل انا مجبر اندير هكي لكن وراسك انتي غيرك مافي في قلبي ولا في حياتي انتي الحب كله وانتي ام ولدي
غزل بعدت من حضن يوسف وخشت لدار النوم وقفلت الباب علي روحها وطاحت ع السرير تبكي وتبكي لعند رقدت يوسف ركب لحور وقالب وجه
حور: حبيبي وراجلي
يوسف معدلش عليها وقعمز ع الكنبه يدخن
حور: كنك اتقول مغصوب عليا
يوسف يدخن وساكت قعمزت جنبه حور وقعدت تدلع عليه واتبوس فيه يوسف بعدها ونزل عند غزل خش للحوش ورقد علي الصالون لان هيا قافله الدار
.......................................................................
عند مرام....
مرام مقعمزه تفكر في مطلب وتدوي مع راجلها لكن عقلها عند مطلب
مرام: يامطلب
عيسى: من مطلب
مرام بخوف: قصدي عيسى
عيسى: كيف مطلب فهميني من هذا
.......................................................................
مرام: مطلب ولد عمي
عيسى بصدمه: وتذكري فيه عليييش توا
مرام: عيسى متفهمش غلط والله هوا كيف خويا الكبير بس
عيسى: تمام سلام هي
صكر الخط مرام حاولت ترن عليه مره واثنين وثلاثه لكن ماردش عليها طفت التلفون ورقدت
.......................................................................
ثاني يوم ....
حور نزلت لحوش يوسف دقت الباب وفتحتلها غزل
غزل برفعة حاجب: تفضلي
دفتها حور
حور :حولي ترا مش وقتك
خشت حور ولقت يوسف راقد ع الكنه ولعت فيها النار
حور بعياط: في يوم عرسنا تسيبني وتمشي للشرشوحه هذي
ناض يوسف ومنفجع
يوسف بعصبيه: كنك شنو في
حور: معقوله في يوم عرسنا تسيبني وتنزل ترقد عندها
غزل تبحت فيهم وساكته
يوسف بحده: حامل وتعبانه لازم نقعد معاها
حور بعصبيه: وانااا انااا الي غلطت معايا بتخليني هكي عشان وحده كلبه زيها وتظلمني معاك
يوسف : اركبي لحوشك توا انجيك فوق
طلعت حور ومتعصبه تنهد يوسف وبحت في غزل خشت غزل للمطبخ ومابتش تدوي معاه خش وراها يوسف وحضنها
غزل: لو سمحت حول
يوسف: مش محول
قعدت غزل ساكته لعند يوسف بعد وطلع ركب لحور وغزل حطت الفطور وقعمزت تستنى فيه
ركب يوسف لحور الي كانت تغلي في الدار قعمز جنبها
يوسف: جيتك هي شن تبي
حور: انت راجلي كيف ماراجلها اعدل بينا مش معقوله في ليلة عرسنا تسيبني وتقعد معاها
يوسف: قتلك هيا حااامل وتعباااانه لازم نقعد جنبهاااا ومعاهااا
حور قعدت تبكي وتمثل لعند يوسف حن عليها وقعد معاها غزل قعدت ساعه حاطه السفره بعد فقدت الامل لمت السفره وخشت رقدت
عند سيرين ناضت لقت روحها في حضن مطلب سرحت فيه مطلب فتح عيونه وحضنها بقوه
مطلب : حبي الطشه
سيرين بتعب: حبيبي
مطلب: صبي دوشي والبسي بنطلع انا وياك
سيرين: وين بنطلعوا
مطلب: مفجأه صبي هي
ناضت سيرين ولبست ودوش مطلب ولبس وخذاها معاه وطلعوا وهما طالعين رن تلفون مطلب وكانت بسمه رد عليها
مطلب: ايووه
بسمه: دكتور مطلب كيف حالك
مطلب: بخير وانتي
بسمه :بخير وينك اليوم ماجيتش
مطلب: والله طالع مع اختي بنغيرلها جوها
بسمه: اووو يعوينها بيك ياريت عندي اخ
مطلب: قاعده في العياده انتي
بسمه: اها في العياده كنت نحسابك بتجي
مطلب: خلاص شويه وانكون عندك اطلعي معانا
بسمه بفرحه: جديات
مطلب: اها جديات شويه نرن عليك اطلعي
صكر مطلب وسيرين تبحت فيه
مطلب: كنك تبحتي
سيرين: من هذي وتبي اطلعها معانا وتسأل عليك
مطلب: المساعده متاعي ممرضه هيا كويسه طيبه وحنونه ديما تسأل عليا وديما تفتقد فيا
سيرين : كم مواليد
مطلب: 98
سيرين: حلوه؟
مطلب: عاديه
سيرين: خوذها مطلب
مطلب بضحكه: لالا منبش نزوج
سيرين: مصارش من مرام الي كنت تموت فيها خليك معاها
سكت مطلب ودرس قدام المستشفى ورن علي بسمه الي طلعت تجري وفرحانه وكانت فرحتها واضحه ركبت في وهيا في قمة السعاده وسيرين ومطلب لاحظو الشي هذا
وطول الطريق مطلب يبصر ويضحك معاها وتغدوا من مطعم ودهورهم مطلب وفي الاخير حطها في حوشهم
سيرين: مطلب البنت عسل وواضح تحبك وطااايحه فيك عطيها فرصه
مطلب: انا منبش نرتبط
سيرين: جرب مطلب مش خاسر شي والله البنت ملائكه
مطلب: يصير خير
.......................................................................
نزل هوا وسيرين خشت بترقد في دارها
مطلب: لالا تعالي ارقدي جنبي
سيرين ب احراج: لالا توا نرقد في داري
مطلب: تعالي جنبي قتلك
خشت سيرين في حضنه باس راسها وحضنها وراحو في النوم
تسريع في الاحداث......
.......................................................................
بعد خمس شهور.....
مطلب خطب نسمه الي كان منكلب عليها وهيا نفس الشي
مرام تزوجت عيسى وعايشه معاه احلا ايام حياتها ومزالت مره مره تفكر في مطلب
سيرين فرحانه بمطلب وان خطب لكن مزال تفكيرها وهمها كله في جواد وقلبها موجوع عليه ومزال يوسف ميدوش معاها
غزل تعبانه من الحمل وفي شهرها قريب تجيب ومره تصالح مع يوسف ومره يتعاركوا
يوسف ذايب في غزل وكل يوم يزيد يحبها اكثر واكثر لكن تعصب فيه ديما وعلاقته مع حور رسميه مش قادر يخون غزل ويقرب منها
حور قريب تطلع من عقلها يوسف متجاهلها وتشوف في الاهتمام كله لغزل والحب كله لغزل حاولت مع يوسف بكل الطرق ان يقرب منها لكن يوسف رافض
مهيب خطب ريم وفرحهم قريب واعترفتله ريم بحبها له وعايشين احلا ايام حياتهم
.......................................................................
يوسف رن تلفونه رد
يوسف : ايوه من معايا
مجهول: انت يوسف ال***
يوسف: اها تفضل
مجهول: صاحبك جواد ال*** مش ميت قاعد في سجن ال*** لكن ب اسم اخر واسمه الاخر عماد ال***
صكر يوسف الخط وناض يجري ركب في سيارته ونزل للسجن وطلب يشوف عماد ال**** وبعد شويه خششوه عليه وشافه وكان هوا جواد جوااد صاحبه مش ميت
يوسف مصبي في مكانه ويبحت في جواد ومنصدم وجواد الي كان ضاعف وشعره واجد ولحيته واجد مصبي يضحك
قرب منه يوسف وحضنه بقوه
يوسف بعياط: رفييقييي ياغاااللي
جواد بتعب: حبيبي يوسف
يوسف : متخافش اليوم نطلعك اصبر بس
طلع يوسف وتكلم مع امر السجن وطلعوه
يوسف: توا نتكي بيك علي مطلب ومهيب في المزرعه قبل
جواد: الي يعجبك ياغالي
نزل يوسف من السياره ومعاه جواد خش يوشف للاستراحه كان متكي مهيب وجنبه مطلب ويهدرزوا
يوسف بعياط: ياكلااااب جبتلكم هدييه
مهيب: غدا من مطعم
مطلب: حتى انا نفس التفكير غدا من مطعم
يوسف: حاجه احلااا بوااااجد
مطلب: غدا ومشروب
مهيب : غدا ومشروب وفاكهه
يوسف : ياتافهين خش ياالغالي
خش جواد وهوا يضحك
جواد: تفكيركم في بطنكم ميتغيرش بككل
مهيب بعياط: جواااااااد
مطلب: ان الله يحي الموتى لا قصدي يحي العظام وهيا رميم يوم البعث اليوم ولا شنو
قربوا هما الاثنين منه وحضنوه بقوه ويوسف طلع كلم الحارس يجيبلهم غدا
وقعمزوا مع بعضهم
يوسف : احكيلنا كيف صار هكي وكيف طلعت عايش وكيف هربت
جواد غمض عيونه ويتذكر
.......................................................................
flash .....
مهيب: اطلع بسرعه قبل مايجي يوسف
جواد بتعب: مش قادر نتحرك
قرب منه مهيب ومطلب وشالوه وحطوه في سياره عسكريه
مطلب: اطلع بيه برا بنغازي اي مكان بعيد وتوا اندزلكم انا فلوس تمشوت بيهن اموركم
السواق: تمام
طلعوا وقعمزوا مهيب ومطلب يهدرزوا
back .....
.......................................................................
يوسف بعصبيه: ياكلاب صار انتو هربتوه
جواد: خليني نكمل بس
مطلب ومهيب: كمل كمل
جواد: خلاص المهم
.......................................................................
flash .....
جواد: كم مزال ونوصلوا
السواق: توا في بوابه بعدها نوصولوا لمدينة*** عندي حوش صاحبي غادي نخليك معاه
السواق زاد السرعه بعد عرف ان الي في البوابه مش عسكريه وان في اجتمال كبير يكونوا مليشيا زاد السرعه ويبي يفوت البوابه رمو ع السياره وانفجرت لكن لما رمو ع السياره كان جواد فاتح الباب وطايح ع الطريق مسكوه وحبسوه
back ....
.......................................................................
مهيب: قصد الي دفناه مش انت
مطلب: بلا غباء كان هوا راهو كيف قاعد معانا توا
جواد: خلاص قعدت محبوس وغيرولي اسمي والي ينحبسوا هنا كلهم معش يطلعوا بكل
يوسف: هذا الي يلعب بذيله ياجواد تضحك علي صاحبك وتلعب عليه هكي يصيرلك
جواد: انا مالعبتش عليك ولا ضحكت عليك يايوسف انا نبيها وناويها حلال والف مره كلمت امي عليها وامي اتقولي لاا بعد يقعد عندك شغل نكلمهم لاا بعد يقعد عندك حوش انكلمهم مش ذنبي انا خايف تريح مني
مطلب: كان جيت دويت معايا وقتلي تبيها راهو حجزتها لك اقل حاجه
يوسف: لان دوتك معاها وعلاقه وجايها للحوش اخره من ورانا اكبر غلط وطيحاتك من عيني وطاحت هيا من عيني انا لا اختي لا نعرفها متبري منها
مهيب: لالا متقولش هكي ع اختك
جواد: توا انجيب امي وانجي لعمتي جميله نتأسفلها ونخطبها منها
مطلب تذكر امه وخنقاته العبره ويوسف واطى راسه
يوسف بوجع: عمتك جميله عطاتك عمرها
جواد بصدمه: كييف من شنوو امتى صاار
مطلب: نستأذنك عندي مشوار
مهيب: اصبر تعال
مردش عليه وطلع تنهد يوسف بقوه وقعد يحكي لجواد في الي صار
جواد بصدمه: ولد عمي قتل عمتي جميله
مهيب: اها ولد عمك
يوسف: انا دم امي ميمشش هكي حرقت حواشينهم ومحلاتهم كلها حرقتها حوش امك بس مزال سليم الباقي كله ولعت فيه النار ومزال مزال ماحسيتش روحي بردت لازم نشرب من دمه عشان نتريح وبما انك طلعت عايش بنديرها وبنشرب من دمه لكن قبل مانشرب من دمه عدي شوف امك
جواد: نظم امورك معاه اها بنمشي نشوف امي ونتريح شويه انجيكم في الليل
.......................................................................
طلع جواد روح ومهيب قعد يبحت في يوسف
يوسف: عندي مشروع نبي رايك فيه
مهيب: شنو هوا
يوسف: ...😉
مهيب:...😐

يتبع....🌱