حرم العقيد (الجزء الاول)

6🍃

(6)
#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

غزل : سيرين
سيرين: عيونها
غزل: مش متريحه لمشيت يوسف
سيرين: ولا انا متريحه ولا ماما متريحه كل مشيه يصبر نفس الجو وبعدها يروح سالم وبإذن الله يروح مافيه شي
غزل : امين يارب
سيرين: شنو رايك انكلموا ريم تكسد معانا
غزل بهدوء: رايفت عليها الكلبه كلميها
.......................................................................
عند يوسف وجماعته يتواصلوا بالتلفون
يوسف: مهيب ياحمار مش وقت لعب الننم
مهيب بضحكه: يرا خلينا انديروها سباق انمشوا الوقت
يوسف بعصبيه: تي غير نوصل وراس العزوز اندير من لحمك شاورما
مهيب بضحكه: اححا ياشرس
يوسف بعصبيه: تبيها سباق انت البادي ياحمار
سرع يوسف في السرعه طربق العداد ومهيب وجواد يضحكوا
جواد: مهيب راهو يقلبها ويموت ونحصلوا فيه
مهيب: حي عليا قالي بيدير بيا شاورما
جواد: حي على امك الحمدلله انا عاقل
مهيب: غير صكر فمك وخلينا نلحقوا عليه
وزادوا في السرعه لعند وصلوا قريب من بوابه
يوسف بالاسلكي: مهيب جواد خشوا التراب بعد 100 متر في بوابه
مهيب جواد: تم افندينا
خشوا كلهم ع التراب وغيروا السيارات لدفع الرباعي
بعد ربع ساعه....
يوسف: اطلعوا ع الطريق
درسوا قريب من حدود السودان في منطقه****
نزلوا من السيارات يوسف حول نظاراته الشمسيه وبحت في مهيب وجواد والحراسه كلهم مصبيين ويبحتوا في يوسف
يوسف بحده:قريب يوصلوا والمره هذي صفقتنا مش كيف كل مره المره هذي انتعاملوا مع جماعه خطيره من السودان يعني بنشدوا الهمه وبنفطنوا لكل شي كلكم نبي عيونكم عشره على عشره اي تحرك غريب منهم اسحبوا وارموا فيهم دمهم وصلووه للركاب منبش اي خسائر لا ماديه ولا بشريه جاهزين يارجال
كلهم بصوت واحد: جااهزين
ابتسم يوسف على جنب وولع دخان ويبحت في الطريق
شويه ودرسن سيارات ونزلوا منهن السوادين
راجو مد يده: مرحب زول
يوسف بحت في يد راجو وعزق الدخان
يوسف بحده: مش وقت مراحب شوف لبضاعه وخلينا انروحوا ورانا مشاغل
راجو تنرفز من كلام يوسف واشر لرجاله الي معاه يشوفوا البضاعه
يوسف بحت في مهيب وجواد فتحوا للسوادين السياره متاع لبضاعه
.......................................................................
بعد ربع ساعه....
راجو: انت في بضاعه كويسه
يوسف: مانجيبوا الا الصح والاصلي
راجو : في 20 مليون ثمن البضاعه
يوسف بهزوه: عشرين مليون حطهن في**** امك
راجو بعصبيه: شنو تقول انت
يوسف بحده: كيف ماسمعت عندك 30 مليون تاخذ البضاعه معندكش 30 مليون خوذ جماعتك واربح
راجو: 30 مليون والله كتير يازول
يوسف بعصبيه: هذا الي عندي متعطلنش معندكش اررربح
(كلام راجو اقروه بالسوداني 😅)
راجو كلم جماعته وقعدوا يتناقشوا وبعدها قرب من يوسف
راجو: انت في حدودنا ماعندك احد ماعندك غير الكم رجل الي معك
يوسف : باهي وبعدها
سحب راجو سلاحه وبدا اطلاق النار المتبادل بين يوسف وجماعته وراجو وجماعته
بعد مرور ساعه من اطلاق النار هربوا السوادين
يوسف بعياط: جواااد ارفع راسك جوااااد
انشوف في مهيب مقابلني ومش قادر انادي عليه روحي خلاص بتطلع انفاسي متقطعه انتنفس بسرعه والتراب خنقني كتفي مجروح وينزف وكراعي مش قادر انصبي عليها غمضت عيوني وجت في بالي امي .. أمي وأختي ومراتي من لهم بعدي
اتكيت على جنبي وصوت الرصاص فوق مني
قاعد بين الوعي والا وعي عيوني دغدشو رقدت على ظهري ونبحت في السماء والظلام يوسف شنو درت في روحك يا يوسف
غمضت عيوني ومانشمش غير في ريحة الدم والرصاص بس
فقدت الوعي ومشت بيا الاحلام لي أمي....
مقعمزه ادير في الشاهي وجنبها الفطيره والعاله اتقولي تبي شي اوليدي انقوللها مانبي غير رضاك يالحنونه اترد واتقولي راضيه عليك دنيا واخره اوسيفه
فتحت عيوني ونزلت دمعه من الحرقه والهم
يوسف: مانبش انمووووت نبي انكفر عن ذنبي نبي نرجع يوسف الاول انعيش مع امي نسامحها وتسامحني
يوسف:حسيت بصوت خطوات اتقرب مني وحسيت جسمي استقر على حاجه ناعمه ومريحه وقتها حسيت كل مفصل فيا ارتخى وجرحي اختفى
فتحت عيوني شفت بنت قدامي جميله غمضت عيوني وفي عقلي وين قاعد انا زعما انا متت وهذي من الحور
.......................................................................
بعد اسبوع......
جميله: اهدي يا بنيتي يوسف مافيه شي طالع شغل كم يوم ويروح
غزل بدموع: اسبوع ياعميمه اسبووع ومزال ماروحش
سيرين تبكي وتبحت في امها ومرات خوها وساكته
الحارث بعصبيه: قتله كم مره ايسيب الشغل هذا لكن هوا ميفهمش غير ايروح انعطاب على خشمه
جميله : اهدى ياحاج ان شاءالله يروح طيب وتفاهم معاه
الحارث بعصبيه: قلبت عليه ليبيا كلها من شرقها وغربها وجنوبها مالقيتش حتى اثر له لا هوا ولا اصحابه الصياع الضياع زوجته عشان يعقل ويبطل السريب هذا مش يخلي مراته ويمشي
جميله ساكته ومشعارف شنو اتقول
غزل بهدوء: جدي يبيك بابا برا
الحارث: خوذي هي اهو بات البنت اكيد يبي يطلقها من يوسف
طلع الحارث وسلم على احمد بات غزل
الحارث: تفضل
احمد: ياحاج انا جاي ناخذ بنتي عندي كم يوم اتغير جوها ونفسيتها وبعد يروح يوسف ايجي يروح بيها
الحارث: يومين واتجيبها
احمد: اسبوع وانردها لك
الحارث: باهي
خش الحارث وبحت في غزل
الحارث: صبي بنيتي وتي روحك وامشي مع باتك غيري جوك شويه وبعد يروح يوسف ايجي ياخذك
جميله: ياعمي راهو يوسف وصاني متطلعش من الحوش بكل
الحارث بحده: بعد يقعد قاعد ساهل وانا قلت تمشي معناها يوسف ميقدرش يفتح فمه
خشت غزل لمت دبشها ومشت مع باتها و اول ماخشت للحوش طاحت في حضن امها تبكي وباتها يبحت فيها وقلبه متقطع على بنته الي مش معروف شنو مصيرها مع يوسف
عند يوسف.....
فتح يوسف عيونه وقعد يبحت يمين ويسار ومش فاهم شي قعمز وايشوف في مهيب وجواد يضحكوا ويهدرزوا مع شايب كبير في السن وباين عليه الوقار والهدوء والرزانه
يوسف : اخخ وين انا
قعمز يوسف ويده مربوطه وكراعه نفس الشي
خليل: اهدى وليدي
يوسف بحده: من انت وبعد غادي
خليل : اهدى انا الحاج خليل لقيتك انت وجماعتك مصابين عند حدود السودان اسعفتك عندي في البيت
يوسف بحت في مهيب وجواد
مهيب: الحمدلله على السلامه يادقه
جواد: عقيدنا الحمدلله على سلامتك
يوسف : الله يسلمكم
خليل : انخليكم مع بعضكم نمشي انجيب الغدا وانجيكم
طلع خليل وجواد ومهيب قعمزوا جنب يوسف
يوسف : وين باقي التريس
جواد: عطوك عمرهم كلهم راحو فيها
يوسف بصدمه:كييف صار
مهيب: لكن البضاعه قاعده زي ماهيا
يوسف بعصبيه: غير انحصل دين'*** تي انسيه حليب امه دمه انوصله للركاب
جواد: اهدى نحن في حوش ناس غريبين من اسبوع اسعفونا ومهتمين بينا ومنبش انقولوا للراجل ان نحن تهريب ولكن شكله عرفها بروحه
يوسف: نبي تلفون بنرن على امي
مهيب: للاسف هنا مافش تغطيه بككل
يوسف: كيف بنتواصلوا معاهم باهي
جواد: الحاج خليل قال ع الطريق في تغطيه مسافة 300 متر من الحوش هذا
يوسف : صبوا نطلعوا للطريق
مهيب: تي قعمز بعد اسبوع تقعد كراعك كويسه ونطلعوا مع بعضنا للطريق انكلموا هلنا
يوسف اتكى في الفراش وساكت يفكر في امه واخته ومراته
خش خليل بالسفره وتغدوا وطلع الحاج خليل ومعاه مهيب وجواد للغنم
يوسف حاط يده على عيونه وساكت
.......................................................................
خشت بنت وقربت منه وحطت يدها على يده تفكله في اللصقه يوسف فتح عيونه ودفها بسرعه
حور: ااه
يوسف بحده: من انتي وشنو تبي
حور : انا حور بنت الحاج خليل بنداويلك جرحك بس
يوسف بحده: خليه في حاله جرحي واطلعي
حور : مش بمزاجك
وقربت منه اتفك في اللصقه ويوسف ساكت ويبحت فيها
حور : اصابة كتفك مش خطيره اصابة كراعك هيا الخطيره
يوسف يبحت فيها وسارح في جمالها نقشها ع الاسود عيون سود وشعر اسود زي الليل وبيضه
يوسف بهدوء: بسرعه كملي واطلعي
رفعت حور راسها وتلاقن عيونها مع عيون يوسف وطلعت خصله من تحت حجابها
يوسف في خاطره: وووك عليا شنو هالعيون وهالزول والغثيث
يوسف بهدوء: غثيثك هالطايح لميه خذا عقلي ودوختيه
حور تبحت فيه ومنصدمه ووجها انحمر
يوسف بحده : الزززح كملي بسرعه واطلعي
كملت حور شغلها وهيا هايمه فيه
طلعت حور ويوسف رقد
.......................................................................
في الليل....
مهيب : يووسف تي يوووسف
يوسف : تي خطاني
مهيب: نوض هيا بنتعشوا
يوسف : منبش انتعشاء جيبلي قيلات بنصبي اندخن
جابله مهيب قيلات وصبى يوسف طلع قدام الحوش ويدخن ويبحت في الخلا الخالي
حور طالعه تعطي باتها الشاهي وشافت يوسف مصبي يدخن سرحة في طوله وهيبته وشعره المشفشف ولحيته المبعثره
يوسف انتبهلها وبحت فيها
يوسف بهدوء:خشي راهو يشوفك باتك
حور قربت منه كلملي باتي بنعطيه السفره
يوسف : هاتي توا انخششها انا
حور بخوف: لالا يدك توجعك
يوسف غمزلها: خايفه عليا
حور بخجل: مريضي انت وانا انخاف على المرضى كلهم
يوسف : انتي مرضتيني بسواد شعرك وعيونك ورموشك
حور بخجل : اسكت خلاص احرجتني
يوسف عزق الدخان وبحت فيها
يوسف: يا أم عيون كبار كحيله يلي فيك اوصاف جميله
فيك ارموش سماح طويله والحاجب مرسوم اهلالي
حور بهيام: كمل
يوسف قرب منها وحور تخدرت من ريحته
يوسف: متخلكش طماعه ساد هكي المره الجايه انكملك
كر يوسف الخصله الطالعه من شعرها بالشويه وخش قعمز جنب مهيب وخليل وجواد
شويه ودقت حور الباب وطلع خليل خذا منها السفره
ومرت الايام ومر شهر كامل
.......................................................................
وغزل كل يوم تموت الف موته بسبب غياب يوسف
جميله كل يوم تبكي على فقد ولدها الوحيد
الحارث قالب الدنيا يبي يطلع يوسف حتى من تحت الارض
سيرين كل يوم تبكي على فقد خوها الوحيد سندها بعد باتها
مهيب وجواد منشغلين على اهلهم ولكن فرحانين بوجودهم جنب الحاج خليل
وخليل فؤحان بوجودهم معاه لان معندش عيال غير حور ولقى مهيب وجواد يساعدوا فيه في كل شي
يوسف بدا يشد في صحته ولكن لا يخلى الامر من معاكساته الدائمه لحور كل مايشوفها
وحور ذايبه في يوسف وفي جماله وكلامه
.......................................................................
في الليل الساعه 12
يوسف مقعمز ورا الحوش وماسك تلفون بيله في يده يجرب يتصل ب امه والدخان في فمه
طلعت حور قعمزت جنبه
يوسف : اووو حور
حور بحب: شنو ايدير الحلو هنا
يوسف : قاعد انجرب نتصل ب امي
حور: ربي يطمنك عليهم
يوسف عزق الدخان وساكت
حور :يوسف
يوسف: ايوه
حور: بنعترفلك بحاجه
يوسف بحت فيها وساكت
حور بخجل: انا احم انا
يوسف: انتي شنو
حور بخجل اكثر: انا انحبك
يوسف ساكت ويبحت فيها
حور : متبحتش فيا انتحشم
يوسف ابتسم وقرب منها
حور تبحت فيه ويوسف باس فمها بعنف
حور بصدمه: ااه
يوسف : عدي خشي بسرعه
حور بدلع: تحبني انت
يوسف : خشي خيرلك
حور: قول قبل
يوسف باسها مره ثانيه بعنف
حور ضحكت وخشت تجري للحوش
يوسف : هبله
تذكر غزل قعد يفكر فيها وبعدها خش رقد
.......................................................................
الصبح خشت عليهم حور ومعاها باتها خليل
خليل: هذي بنتي الدكتوره حور
مهيب وجواد: تبارك الرحمن ربي يحفظها
يوسف يبحت فيها وساكت وهيا تبحت فيه
خليل: وتي ليوسف فطوره ياحور
خشت حور تجري للحوش
مهيب: حاج خليل تعال نحلبوا البقر
خليل بضحكه: مش كنت متحبش الجو هذا
مهيب : والله حبيته جو جميل
جواد: هي ياحاج نطلعوا وبالمره نبرموا على الغنم
خليل: هي
طلعوا كلهم ويوسف ايتفرج على التلفزون
خشت حور وفي يدها سفرة الفطور قعمز يوسف ويبحت فيها
حور: صباح الورد حبيبي
يوسف: صباح الخير
حطت حور السفره قدامه وقعمزت جنبه
حور: كيف حال صحتك اليوم
يوسف : بخير
حور : جوك مش حلو
يوسف: نبي انروح امي واختي مخليهن ورايا فوق الشهر توا غايب عليهن الله يعلم شنو صاير فيهن
حور:بتمشي وتخليني
يوسف ياكل وساكت
حور: صح شنو تخدم انت
يوسف : عقيد في القوات المسلحه
حور: الله ربي يحفظك
هز يوسف راسه وياكل
حور : انا نمشي اندير التنور وبعد تكمل كلمني توا انجي انشيل السفره
طلعت حور ومشت للتنور ويوسف ياكل وساكت
مهيب بعياط: جوواد ياخرا ياحمااار تعال امسك السطل
جواد بضحكه: تي وين السطل
مهيب: ان شاءاللع اتمووت انعن عماء يعميك السطل قدام وجك جيبه وتعال
خليل: شنو فيكم كنكم تعيطوا
جواد جاب السطل وقرب من مهيب
جواد بضحكه: عارف البقره هذي نسختك مهيبو
مهيب بعصبيه: امسك الخرا اقسم بالله غير انكمل وشوف بعدها كيف ان*****امك
جواد بضحكه: ووووك حصلنا حليب
مهيب ضحك وخليل يضحك عليهم
.......................................................................
بعد ربع ساعه.....
مهيب يجري ورا جواد وخليل يضحك
مهيب بعياط: اقسم بالله انقطعك لبزتني حليب ياحمار ريحتي قعدت حليب
جواد بضحكه: اعتبر روحك وليه اترضع وريحتك قعدت حليب
مهيب : تي والله نمسكك ونقتلك
طاح جواد وطاح فوقه مهيب ويضرب فيه وخليل قرب يحز عليه
مهيب : متحزش ياحاج خليني نقتله
جواد: حزز ياحويج وراس امي بيفرمني
خليل: بعد منه عليه قتلته حول
بعد مهيب ويفنص في جواد وجواد يضحك
.......................................................................
عند يوسف .....
صبى بالقيله وطلع عند حور الي كانت مقعمزه جنب التنور وادير في التنور
يوسف : يعطيك الصحه
حور : الله يسلمك
قعمز يوسف ويبحت فيها وهيا تخبز
يوسف: بكره مروح
حور بصدمه: مزال كيف قصدي عليش
يوسف: انجيكم مره ثانيه ورايا شغل وهلي غادي في بنغازي
حور بزعل: وانا لمن بتخليني تعلقت بيك ونحبك
يوسف :نعطيك رقمي ونتواصلوا بالتلفون
حور: معندش تلفون انا
يوسف مدلها البيله امتاعه
يوسف: خلي هذا معاك فيه مقوي يلقط في التغطيه وتوا بعد نوصل لبنغازي انعبيلك فيها رصيد ورقمي مكتوب فيه
حور بفرحه: قصدك نقعدك نحكي معاك
يوسف : اها اتواصلي امعايا وانا في بنغازي
حور : بنسألك سؤال وكان متبش اتجاوب عادي
يوسف ولع دخان وبحت فيها
حور: عليش لعند توا متزوجتش
يوسف : ومن قالك مش متزوج
حور بصدمه: قصدك متزوج
يوسف هز راسه ب ايجاب
حور سكتت وخذت الخبزه
حور: عن اذنك ومشت للحوش
يوسف دخن وعزق الدخان وخش للمربوعه رقد
.......................................................................
عند غزل.....
اسماء : احمد البنت مبطلتش ابكى اعيونها قريب ينعمين ومتسعمش مني خش ادوي معاها
احمد : لاحول الله ربي يفرج عليها
ركب احمد لدار غزل وقبل مايفتح الباب سمعهت تحكي مع ريم
غزل بدموع: ياريم نبيه حرام عليه مشى وخلاني وانا حتى اسبوعين مزال ماكملتهن معاه صح عصبي واعر يهزب فيا ويهين فيا لكن راجلي نبيه ياريم نبيه انااا قريب انمووت في بعده عليش يصير معايا هكي عليش
احمد فتح الباب وغزل عقزت التلفون وقعمزت على السرير تبكي قرب منها احمد وقعمز جنبها وغزل حضناته وتبكي
احمد: اهدي بنيتي دلوعتي هوا بخير وطالع شغل قريب يروح وتردي لحوشك
غزل تبكي وساكته واحمد يمسح على شعرها لعند رقدت
حطها احمد في مكانها وطلع وصكر الباب
احمد: اسماء لازم انسافروا بيها انغيرولها جوها
اسماء: باهي احجزلنا لتركيا
احمد: بإذن الله توا طالع ونحجز
طلع احمد واسماء خشت اطيب في الغداء
.......................................................................
عند جميله.....
جميله : حرام عليك الي اديري فيه في روحك ياسيرين كولي حتى شويه
سيرين: مش واكله لعند ايجي يوسف ماعمره غاب عليا هكي ديما امعايا وجنبي شنو الي خلاه يسيبني توا
جميله: مشغول وتوا ايرد كولي شويه عشان ميزعلش منك يوسف بعد ايجي
سيرين : ماما جيبيلي يوسف توا
حضنتها جميله
سيرين : ماما
جميله: نعم حبيبتي
سيرين: جيعانه
ضحكت سيرين وضحكت جميله وقعمزوا ياكلوا ومعاهم رولا الي بتموت واتشوف يوسف
.......................................................................
عند يوسف....
روحوا مهيب وجواد وخليل للحوش وخشوا للمربوعه
جواد يضرب في يوسف بالمخده
جواد: تي نوض وانت رايح زي الوليه الحامل ليل نهار راقد
مهيب : شنو دخل الوليه الحامل في النوم
جواد ضحك وقعد يخبط في يوسف
يوسف بعياط: العن *** والعن**** تي الننم خطاني
جواد : نوض ساد نوم المغرب يأذن
قعمز يوسف ومتعصب وجواد ومهيب يضحكوا
يوسف بحده: كلمت ناس نعرفهم بكره الصبح توصلنا سياره انروحوا لبنغازي
جواد ومهيب بفرحه: احلف
يوسف بحده: من امتى نكذب عليك ياحمار انت وياه
مهيب: قصدك بنروحوا لشغلنا وبلادنا
جواد: بنشووف امي
يوسف ايبحت فيهم وساكت وهما فرحانين
تعشوا ومر الوقت عادي
مهيب : يوسف بنسألك
يوسف : شنو تبي
مهيب: مشعارف عليش حسيتك معجب ببنت خليل
جواد نط جنبهم وبحت في يوسف
جواد: حتى انا حسيت نفس الاحساس كم مره انشوف فيك معاها
يوسف ولع دخان وبحت فيهم
يوسف: لا معجب لا شي كل الي في الموضوع البنت كانت تبيني وبعد عرفت ان متزوج بعدت وانسحبت
هزوا روسهم ب ايجاب ورقدوا
.......................................................................
الصبح بدري عند يوسف....
يوسف بعصبيه: مهييب الننم نوض الززح درهت كبدي
مهيب: نوض جواد قبل
يوسف بعصبيه: جواد ياخرا نوض النم
جواد: نوض مهيب قبل
يوسف بعصبيه: تنوووضي ولا نمشي وانخليكم انعن****
ناضوا مهيب وجواد
يوسف بحده: خززي طالع للسياره البسوا والحقوني
طلع يوسف ومهيب وجواد ناضوا لمو مراقدهم
يوسف يدخن ويبحت في نوري الي جابله السياره
يوسف: نوري شنو جو الطريق
نوري: فاضيه ياحويج
يوسف يدخن وساكت ويفكر
طلعوا مهيب وجواد وركبوا في السياره يوسف بحت شاف حور تبحت فيه من الروشن عزق الدخان وركب في السياره وانطلقت السياره لبنغازي
.......................................................................
عند غزل.....
اسماء: غزل نوضي حبيبتي
غزل: ماما خليني في حالي راهو نهرب ونخليه لكم الحوش
اسماء: وين تبي تهربي ايجي يوسف يقتلنا
غزل دمعن عيونها وسكتت
اسماء: نوضي هيا نبيك تغسلي المواعين
غزل بصدمه: في عز احزاني مش خاطيتني
اسماء بضحكه: نوضي هيا
ناضت غزل وغسلت وفطرت مع امها وباتها وبدت اتضم في الحوش مع امها
عند سيرين.....
سيرين: ماماا نوضي مااماا غريبه راقده لعند توا
جميله:......
سيرين بخوف: ماااماا ماااماا ردي علياا ماماا
خشت رولا تجري
رولا: شنو في كنك
سيرين بدموع: ماماا متردش علياا
طلعت رولا تجري وكلمت ولد عم يوسف
زيد: كنك شنو فيك
رولا بدموع: خالتي جميله متردش علينا
زيد : ياساتر
خش زيد يجري معاها للحوش وشالوا جميله للمستشفى
.......................................................................
عند يوسف....
يوسف: وين وصلنا يانوري
نوري: خلاص هانت 100 كيلو وانكونوا في بنغازي
عم الصمت
.......................................................................
بعد 3 ساعات......
نزل يوسف للمزرعه وخش
مشى لحوش امه فتح الباب وخش
يوسف بفرح: امي يا اميي يا جميلتي
يدور فيها يوسف في الحوش ومافش اثر لها ولا ل اخته
يوسف طلع للمزرعه شاف جده سلم عليه
الحارث بعصبيه: وين كنت يالغضيب
يوسف: عندي شغل
الحارث: ومراتك وامك واختك الي خليتهم
يوسف: امي وين
الحارث: على اساس تهمك
يوسف بعصبيه: تي امي وين
.......................................................................
يوسف بعصبيه: تي امي وين
الحارث:😔
يوسف:....😨

(يتبع...🍁)

(بقلم سيف الله....🚬)

(رايكم في الشخصيات وتوقعاتكم....✨)