حرم العقيد (الجزء الاول)

1🍃

(1)

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

اسماء: هذا ولد جميله العقيد روحلهم
غزل: وين كان قاعد هوا
اسماء: مخطوف له اسبوع هذا وين لقوه وروح
غزل: بتمشيلهم يا ماما
اسماء : اها بعدين في العشيه جميله دايره لمه للجارات بنمشي تمشي معايا
غزل : لا عليش بنمشي ماعندي ما اندير غادي
اسماء: امشي عندها بنتها سيرين هدرزي معاها
غزل : لالا امشي بروحك بنرقد انا
طلعت غزل من دار امها ومشت لدارها جاها الفضول اتشوف شكله العقيد الي قالبين الدنيا عشانه فتحت الروشن وقعدت تبحت فيهم
يوسف مصبي مع اصحابه واحبابه وناسه ويسلم عليهم رفع راسه جت عينه في عين بنت سمحه بعيون زرق وشعر اشقر فنص فيها ورد بحت في اصحابه
غزل خشت بسرعه وسكرت الروشن
غزل: خززي مبرده عليش يفنص فيا
قعمزت على السرير وفتحت التلفون وتهدرز مع صاحبتها ريم
.......................................................................
عند يوسف .....
يوسف: تفضلوا تفضلوا
فتحلهم المربوعه وخش ل امه في الحوش حضنها وامه تبكي
جميله: وليدي وين كنت وين خوفتني عليك اوسيفه ياغالي
يوسف: اهدي ياغاليه والله مافي حاجه اهو قاعد قدامك
بعد من امه بعد سمع اخته تعيط بصوت عاالي
سيرين : يوووووسف
يوسف: اووو طشه
وقرب من اخته الي جت تجري وحضناته
سيرين تبكي: خوفتنا عليك يابارد
يوسف بحنيه يمسحلها في دموعها
يوسف: بطلي بكى ياهبله اهو قاعدلك
جميله: اوسيفه هي خش سلم على خالاتك في الصاله
هز يوسف راسه ب ايجاب ومشى ب اتجاه الصاله
يوسف تنحنح بنبرته الرجوليه وخش للصاله
سلم على خالاته وبنات خالاته كلهن ذايبات فيه وفي شخصيته ولكن تجاهلهن كلهن
خالته تبرا: امتى بنفرحوا بيك ياغالي
يوسف بجديه: ياريت متفتحلش الموضوع هذا ياخالتي
تبرا بحتت في جميله وسكتت
يوسف بحت في سيرين
يوسف بحده: سيرين وتيلي دبش نبي اندوش
وطلع يوسف ركب لداره وطلعت وراه سيرين
قعمز يوسف على السرير فتحت سيرين الدولاب
سيرين: يوسف عيب كيف رديت على خالتي
يوسف ولع دخان: تستاهل انا قايل الموضوع هذا مينفتحش وهيا تنغز تبيني ناخذ وحده من بناتها
سيرين بضحكه: ههه تعبت خالتي من التلميحات قريب اتقولها لك فقش
ضحك يوسف وقربت بلقيس من يوسف عطاته دبشه
شفشفلها يوسف شعرها وخش للحمام
نزلت سيرين وقعمزت جنب الصبايا
خشت جارتهم اسماء وسلمت على جميله وسيرين
جميله: وين غزل كنك ماجبتيها معاك
اسماء: والله قلتلها امشي معايا لكن قالت عندها قرايه
جميله: ربي يوفقها والله الطب واعر
نزل يوسف من داره وطلع للرجاله في المربوعه
عند غزل تبربش في الفيس من ضمن الاصدقاء الذين قد تعرفهم شافت حساب يوسف خشت عليه وقعدت اتفرج على صوره وكلامه في الحساب ابتسمت وبعدها تذكرت كيف فنص فيها
غزل بعصبيه: خزي مبرده
وكمل اليوم عادي جدا من غير اي احداث تعشوا التريس عند يوسف وبعدها روحوا وروحن خالات يوسف وقعدت بنت خالته تبرا بايته مع سيرين لانها صاحبتها
جد يوسف اسمه حارث عمره 85 سنه متحكم ومسيطر على العيله كلها طبعه صعب والكل تحت امره في العيله
الحارث ضرب عكوزه بقوه في الارض وصبى بحت في يوسف وتكلم
الحارث بحده : يوسف تعال نبيك برا
يوسف هز راسه ب ايجاب وصبى لحق جده
صبى الحارث وجنبه يوسف في المزرعه
الحارث بحده: امتى ناوي تعقل وادير وليه وعيال
يوسف بهدوء: يا حاج متفتحلش الموضوع هذا راهو مصكر بابه بككل
الحارث بعصبيه: ولعند امتى الكلام هذا الي من عمرك عندهم خمسه وست عيال وانت قاعد تسنكح من مكان لمكان الوضع هذا مايمشش بككل
يوسف بعصبيه: تي انا منبش بالغصب ولا شنو الحكايه ياحاج متحكلش فيه الموضوع قلت لا ورحمة الغالي نسيبها لكم بككل وانهج من امها
الحارث بعصبيه: عندك اسبوع يا يوسف اتكون دورت فيه عروس ولو مالقيتش عروس وكمل السبوع انزوجك انا اي بنت اتجي في بالي مفهوم
مشى الحارث وهوا متعصب
ولع يوسف دخان وبحت في جده
يوسف بحده : احلم وزيدها انبح
كمل يوسف دخانه وخش للحوش لقى بنت خالته مقعمزه قلب عيونه
همس يوسف: خرفي شنو بيفضها الليله الغليظه هذي
رولا بنت خالته بفرح: يوسف اوسيفه
يوسف ركب للدار ومردش عليها
رولا وعيونها معبيات دموع : سيرين شفتي كيف يتجاهل فيا نبيه يا سيرين انحبه ديريلي حل نبي ندوي معاه
سيرين تنهدت: اصبري توا نركب نحكيله
ركبت سيرين ودقت على دار يوسف
سيرين بهمس: يوسف عادي انخش
يوسف بهدوء : خشي
خشت سيرين وقعمزت جنب خوها في السرير
سيرين بحب: يوسف حبيبي انت غلاي وعيوني
يوسف برفعة حاجب : هاتي من الاخر وفكينا من اللف والدواران
سيرين بضحكه: خيي حبيبي احكي مع رولا شويه
يوسف قعمز : سيرسن من جدك تحكي انتي
سيرين بهدوء: البنت تبيك تبي تحكي معاك شوفها شنو تبي اقل شي
يوسف بعصبيه: اقسم بالله لو ماتطلعي من قدامي ماضال الا قاتلك توا
طلعت سيرين تجري تنفس يوسف بعصبيه وطلع من الدار خش ل امه لقاها تصلي وهيا مقعمزه على الكرسي استناها لعند كملت وحضنها
يوسف بحب: تقبل الله ياغاليه
جميله بهدوء: منا ومنك اوليدي
صبت جميله وقعمزت على السرير ورقد يوسف على كراعها وتمسحله على شعره
يوسف : شنو حالك وشنو حال صحتك
جميله بهدوء: بخير الحمدلله
يوسف باس يدها وهمس: اوليدك مايقدرش من غيرك يا امي ربي يطول في عمرك ويخليك ليا طول العمر
ابتسمت جميله وسكتت قعد جنبها يوسف لعند رقدت وصبى طلع لداره طاح على سريره ورقد
.......................................................................
عند غزل قعدت تهدرز مع امها وباتها
احمد بهدوء : انا بنخش نرقد تصبحوا على خير
اسماء صبت: حتى انا بنرقد
غزل بحب: تصبحوا على خير يا احلى ام واب
خشت لدارها غمضت عيونها ورقدت
.......................................................................
ثاني يوم الساعه 8:00 صباحاً
غزل حضنت امها
غزل : سلام مامي
اسماء حضنتها
اسماء: سلام بنيتي
طلعت غزل قدام الحوش تستنى في باتها ماسكه شيتاتها في يدها وتراجع سمعت صوت من المزرعه الي جنبهم
يوسف بصوت عالي: هيا يا حاج ورايا شغل مش فاضي الززح
غزل رفعت راسها وبحتت فيه وساكته
يوسف يبحت في تلفونه ومتكي على سيارته وايدخن
رفع راسه وبحت في غزل فنص فيها
غزل بعصبيه: انت كنك كل ماتشوفني تفنص فيا
يوسف بحده : وطي صوتك خيرلك
غزل بعصبيه: مش موطيته ومعش تفنص فيا خير ما والله اتشوف شي مايعجبكش
عزق يوسف الدخان وعفس عليه بقوه وقرب منها ب البدله العسكريه والعطر المخلط بالدخان صبى قدامها وطبس عليها ابتسم على جنب
يوسف ب ابتسامه: اعلى مافي خيلك اركبيه وصوتك معش يعلى لان المره الاولى نعطي انذار الثانيه
بعد منها وقرن حواجبه وحط يده على سلاحه للي في خصره
يوسف بحده: نصفي طول
غزل بلعت ريقها بخوف ونزلت عيونها
يوسف ببرود: بنات اخر زمان عليك جيل
غزل:....😐
يوسف:....😒
(يتبع...🍁)

(بقلم سيف الله....🚬)