حرم العقيد (الجزء الاول)

9🍃

(9)

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

حور : اهلا يوسف
يوسف : اهلين
ومد يده وقعدت يده في يدها 5 دقايق بعدها حور سحبت يدها
يوسف : قعمزي
قعمزت حور ع الطاوله وقعد مصبي مقابلها
حور: شنو الصدفه الجميله هذي
يوسف: شنو اديري هنا
حور: من شهر تعينت هنا وانتقلنا انعيشوا هنا
يوسف : باهي كويس
حور : وانت شنو ادير هنا
يوسف حرك يده في شعره
يوسف: الوليه مريضه
حور : حامل
يوسف :اجهضت
حور: امم ربي يعوضكم
يوسف : امين
حور: تفضل انقعمزوا في مكتبي
يوسف: عدي وتوا نلحق عليك انشيل ل اختي حاجه تاكلها
حور : اوك انا مكتبي ثالث مكتب على يدك اليسار
صبى يوسف ويشري ل اخته وحور مشت لمكتبها طلع يوسف وخش لقى سيرين راقده حطهن جنبها وطلع مشى لمكتب حور خش وخلى الباب مفتوح
حور : صكره الباب
يوسف خبط الباب بقوه وقعمز ع الكرسي مقابلها
.......................................................................
يوسف خبط الباب بقوه وقعمز ع الكرسي مقابلها
حور بحده: الباب يا افندي
يوسف: مش باب حوشك هوا
حور بهدوء: اممم شنو سبب جيتك هنا
يوسف: الوليه طيحت قلتها لكي من بدري
حور: امم ربي يعوضك خير شنو السبب عليش الحمل طاح
يوسف : مشكله بيني وبينها ومنعرفش انها حامل ضربتها
حور: المشكله كبيره معناها الي ضربتها حتى الضرب
يوسف: تقدري اتقولي كبيره وانا كبرتها زياده
حور: تقدر تحكيلي شنو هيا المشكله
يوسف: مش حاكي بالتفصيل المختصر جدا جدا هو ان عندها تلفون من ورايا
حور : امم خيانه يعني
يوسف: لا مافيهش خيانه نلفون من غير علمي بس
حور بهمس: المكتب في كاميرات تعال لجيهة الحمام برا
صبى يوسف وساكت وطلعت هيا وراه
حور بهمس: نمشي وبعدها لحق عليا
طلع يوسف دخن وبعدهت خشلها ومشى جيهة الحمام مسكاته حور من يده وكراته للحمام
يوسف يبحت فيها ومنصدم في جرأتها
حور بهمس: مرايفتلك
يوسف بهدوء: باهي نحن في حمام في اي لحظه ايخشوا علينا
طلعت سيرين من الغرفه وادور في يوسف
سيرين في سرها: نمشي للحمام بعدها اندور يوسف
مشت جيهة الحمام وشافت حور ويوسف قعدت منصدمه وتسمع فيهم
حور لصقت فيه وايديها على كتوفه
حور : مرايفه مدخلهمش بيا
يوسف يبحت فيها وساكت
حور بهمس:مزالت على ذمتك الي اتخون فيك
يوسف بحده: متقولش اتخون فيك مخانتنش
حور بهزوه: هه والتلفون الي من وراك خيانه
يوسف متعصب ويبحت فيها حطت يدها على لحيته واتحرك فيها
يوسف بعصبيه: التلفون مالقيتش فيه شي
حور: حبيبي مش ح تخلي فيه شي اكيد تمسح فيهن وقتي المحادثات والمكالمات
يوسف متعصب ويفكر ودماغه يشيل ويجيب
حور اتنفس قريب من رقبته وتبحت فيه
حور: متخلش وحده كيف هذي على ذمتك لان هكي غلط في حقك وفي شرفك
يوسف بحده: تمام
حور باساته ويوسف تجاوب معاها وراحو في البوسات وسيرين تبحت فيهم ومصدومه
.......................................................................
بعد ربع ساعه...
حور بدلع: بعد خلاص بهدلتني
يوسف : اخخ تي تهبلي يابنت
حور بدلع: بنمشي لمكتبي وشويه نبرم علل حالة مراتك انشوفها
هز يوسف راسه ب ايجاب وطلعت هيا من الحمام وطلع هوا بعدها خش للغرفه لقى سيرين مقعمزه وتبحت فيه
يوسف: صح النوم جبتلك حاجات كوليهن
سيرين تبحت فيه ومنقرفه منه
يوسف: كنك تبحتي هكي تعالي كولي
سيرين : منبش ناكل
ورقدت ع السرير الثاني وعطاته بظهرها
يوسف برفعت حاجب: تي كنها المتخلفه هذي
ولع تلفونه ويتصفح وصلت رساله من اميره
اميره: يوسف واعي
يوسف: واعي
اميره: بنعترفلك بحاجه
يوسف: اعترفي باهي
اميره: انحبك انا مش حب صداقه لالا حب علاقه ونبي نتزوجوا
يوسف : متزوج لا نقدر نحبك لا نقدر نتزوجك
اميره: الشرع حلل اربعه
يوسف: كان دارها باتك وتزوج اربعه انا وقتها نزوج اربعه وناخذك انتي
اميره: يوسف هيا نحبك ونبي نرتبطوا
يوسف : هي تصبحي
طفى تلفونه لما سمع صوت غزل اتوجع
غزل بوجع: ااه بطني
قرب منها يوسف
يوسف بخوف: شنو فيك
غزل: يوسف بطني تقطع فيا
يوسف : اصبري اصبري انكلم الممرضه
غزل : ااه تقطع فيا من الجوع جيعان
يوسف ابتسم وغزل بحتت فيه بنص عين
قعمز يوسف جنبها
يوسف: جبت وكال لكن مابتش تاكل سيرين قعمزي كولي
غزل: قعمزني منقدرش انقعمز بروحي
قرب منها يوسف وقعمزها ومسك الوكال وقرب من فمها
غزل: حول شنو ادير
يوسف: بنوكلك
غزل: تحسابني معاقه هات توا ناكل بروحي
يوسف فنص فيها غزل دمعن عيونها
يوسف بهدوء: افتحي فمك هي
غزل تاكل منه وتبحت فيه وهوا مره يبتسملها ومره يفنص فيها
غزل: شبعت نبي اميه
شربها يوسف اميه وسيرين تراقب فيهم من المرايه قعمز يوسف ع الكرسي ويبحت فيها
غزل: تعال في مكان جنبي
يوسف غمزلها: عجبك الوضع
غزل باحراج: لاا غير نبيك اتريح ع السرير الكرسي مش مريح
ناض يوسف ورقد جنبها ولف ايديه عليها وحضنها
غزل بهمس: زعلانه منك ومستحيل نسامحك وبكره بنروح على حوش بابا
يوسف: ارقدي توا والصبح ايصير خير
قصت عليهم حور الي فتحت الباب وخشت ولعت فيها النار بعد شافت يوسف جنب غزل
حور بحده: معلش اطلع شويه بنكشف عليها
يوسف صبى مسكاته غزل
غزل: خليه نبيه جنبي
حور بحده: قسم نساء ممنوع تواجد الرجال
غزل تبحت في يوسف وعيونها مدمعات
يوسف قرب منها وسقملها وشاحها
يوسف بهمس: نضرات القطاطيس الي اديري فيهن
غزل بهمس: متخلنش خليك معايا
يوسف : اتكمل امعاك هيا انخشلك انا
هزت غزل راسها ب ايجاب وطلع هوا
.......................................................................
حور اتقيسلها في الضغط والسكر
حور : تعرفي ان راجلك خاين
غزل بحده: شنو اتقولي انتي
حور: راجلك يوسف خاين ايخون فيك مع كل بنت ويمثل عليك ان مهتم بعدها
غزل: بطلي كذب يوسف ميديرهش
حور بهزوه : هه توا نوريك دليل
فتحت بطمة سوريتها ورفعت وشاحها واشرت على رقبتها
حور: اهو من راجلك قبل شويه يعني حتى وانتي مريضه يخون فيك
غزل منصدمه وتبحت في رقبة حور
غزل بصدمه: يوسف داره هكي
حور سقمت دبشها وكملت اتقيسلها في الضغط
حور: انا دار معايا هكي الله يعلم الباقي شنو دار معاهن
كملت حور وطلعت وخش يوسف وقرب من غزل لقاها تبكي حضنها
يوسف بهدوء: كنك تبكي يا ام لسان
غزل: بعدد بعددد معش نبي نشوفك نكرهك نكرهك بعد من عليا بعد حرام عليك خليني في حالي
يوسف بعد ومنصدم في الانهيار الي صارلها خشت الممرضه وطلعت يوسف برا وضربولها ابرة مهدئ رقدت وسيرين متوجعه لكن مش قادره تصارح يوسف ولا تصارح غزل
.......................................................................
عند مهيب....
مهيب يدخن وجنبه جواد يتفرج ع التلفزون
مهيب:جواد
جواد: نعم
مهيب: شايف تصرف يوسف صح ولا غلط
جواد بحده: غلط اكيد
مهيب : بس هيا دايره تلفون من وراه
جواد : كان سألها وفهم منها بدال الضرب والعنف
مهيب: كان اختك اديرها شنو اديرلها
جواد: اختي متزوجه بينها وبين راجلها
مهيب: ترضى حد يحب اختك
جواد بحده: تي شن تخرف النننم
مهيب: جاوبني بس ترضى حد يحب اختك ويضيع وقت معاها
جواد بعصبيه: اكيد لا تبي نمسكه نفرمه
مهيب بهدوء: واخت يوسف ياجواد
جواد بتوتر: كنهت اخت يوسف
مهيب: علاقتك بيها شنو
جواد: مافش علاقه بينا مندوش معاها اصلا
مهيب: صاحبي احكيلي خير ماتحصل وانت عارف يوسف شنو ايدير فيك وفيها
جواد: ماعنده ما ايدير شهر وانجيب امي تخطبها رايدها بالحلال مش لعب
مهيب : كنت دويت ليوسف اقل شي قبل ماتدوي معاها
جواد: تبيه يقتلني ويقتلهاا عارف ان هوا معندش تفاهم في المواضيع هذينا
مهيب: انا هذي نصيحتي وقلتها لك
جواد: باهي منور توا نحطها مع باقي النصايح الي مش ح نفذهن
مهيب: بعد خطرها بعد بكره عبد المطلب مروح من السفر
جواد بفرحه: واخيرا ياراجل رايفنا عليه الكلب
مهيب رقد وجواد رقد جنبه
بعد يومين من غير اي احداث جديده.....
.......................................................................
الصبح الساعه 10...
يوسف فتح الغرفه وخش لغزل الي قلبت وجها طول اول ماشافاته قرب منها وقعمز جنبها
يوسف بهدوء: صباح الجمال
غزل: اطلع برا
يوسف: شنو دايرلك الززح كنك معش طايقتني
غزل: انا مش مراتك توا اطلع وخليني منبش انشوفك منبش ندوي معاك منبش اي حاجه منك
يوسف مسك يدها وغزل سحبت يدها
يوسف : بنكلم باتك اليوم ونردك على ذمتي انا ظلمتك
غزل بحده: هه انردلك هذي في احلامك والله لو اتكون اخر راجل في الدنيا مانردلك وربي ياخذلي حقي منك
قص عليهم دقت الباب...
خشوا باتها وامها مسلموش على يوسف وطول قعمزوا جنب بنتهم ويسألوا عليها صبى يوسف وبحت فيهم
يوسف : نستأذن منك
طلع يوسف وغزل انهارت في حضن باته
غزل بدموع: معش نبيه يا بابا نبي نروح معاكم كرهته كرهته
احمد : اهدي بنيتي معش بنردك له اصلا مشعارف قيمتك بنخليك عندي
غزل سكتت في حضن باتها وطلع باتها ايدير في اوراق الخروج
يوسف وهوا طالع تلاقى مع حور
حور : وين طالع الحلو
يوسف : بنطلع اندخن وانتي وين ماشيه
حور: من امس ماسكه وتوا بنروح
يوسف طلع معاها وهيا ركبت مع صاحبتها وصلتها للحوش
ويوسف قعمز ايدخن بعد شويه يسمع في صوت اهات خفيف صوت واحد ايتوجع لف وبحت شاف غزل طالعه مع باتها وامها
يوسف بهدوء: الليل انجي ماخذك
احمد بحده: تحلم اتقرب منها مره ثانيه وبنرفعوا عليك قضيه يافاشل
مشوا ويوسف يبحت في غزل عزق الدخان وعفس عليه بالقوه وركب في سيارته روح للحوش
.......................................................................
خش للحوش ....
يوسف بعياط: أميي امييي يمييي
جميله : تعال في الصاله قاعده
خشلها يوسف لقاها مقعمزه وايديها يرعشن وجعه قلبه على امه قرب منها ومسك يدها باسها ورقد جنبها وحط راسه على كراعها ويشم في يدها
جميله: خليتها بروحها في المستشفى
يوسف: روح بيها باتها
جميله : توا اترد
يوسف : ان شاءالله
يوسف: اليوم بيروح عبد المطلب من السفر
جميله: باهي رايفنا عليه وعلى هرجته في المزرعه
يوسف ابتسم وحط يد امه على فمه ويبوس فيها
جميله بضحكه: خلاص وانت تبوس
مسك يدها الثانيه ويشم فيها
يوسف بحب: ايديك اغلا حاجه في حياتي انحبهن لان في كل صلاه يدعلي
جميله بزعل: ايديا بس
يوسف ايديك وعيونك وشعرك ووذانك وكلك على بعصك اغلى حاجه في حياتي انتي الغاليه والحنونه انتي لكبيده تي انا عارفه عليش منبش انحب وليه اخره
جميله : عليش
يوسف: لان قلبي فيه انتي محتلتيه ياجميله
جميله: توا نطلع منه وخلي مراتك فيه وبعدين انا طلعت محتله حي حي
يوسف بحب: انحبك ياغاليه وقلبي متطلعش منه انتي محبوسه فيه جوا سجن مؤبد
جميله ضحكت ويوسف ماسك ايديها الي خفت رعشتهن بمجرد مامسكهن وقعد ايبوس فيهن
(وبك أيقنتُ أني أملكّ من الحظ أجمله.♥️)
.......................................................................
عند سيرين....
مقعمزه تقرا في دارها رن تلفونها
سيرين بهدوء: من هذا رقم غريب
رن مره واثنين وثلاثه ردت
سيرين: الو
شخص: ينعلي من الالوو
سيرين: من انت
شخص: انا العاشق الولهان
سيرين: بطل قلة ادب
شخص: انا المعجب بيك
سيرين بحده: بتقول من ولا انصكر
شخص: انا جواد
سيرين: انت يابارد
جواد بضحكه: بارد في عينك
سيرين: شنو تبي
جواد: غير اسئلي على حالي
سيرين: مش فاضيه نقرا
جواد : ينعلي من المجتهده طالبة علم
سيرين: صقع عليك
جواد : اقري ونحكوا بعدين
سيرين : في عينك
وصكرت الخط وابتسمت وجواد قعد يضحك
.......................................................................
عند غزل.....
غزل: ماما تعبانه خليني بس منبش ناكل
اسماء: الله لا تسامحه الي دار فيك هكي ان شاءالله يلقاه كله في سيرين
غزل بحده: ماما مشكلتي مع يوسف سيرين مدخلهش
اسماء: باتك بكره بيمشي يرفع عليه قضيه انوروه ان بنتنا مش لعبه في يده
غزل سكتت وامها طلعت وخلتها
.......................................................................
عند مهيب.....
سلوى: مهيب وليدي روح ساد
مهيب: يمي بعد تشروا حوش برا انجيكم لكن في العماره هذي معش بنجي
سلوى بدموع: عليش اتقطع في قلبي عليك
مهيب: امي ارجوك متزيدش عليا الي فيا سادني تبيني خلي راجلك يشري حوش وانجيكم فيه
سلوي تبكي وصكرت الخط ومهيب قلبه واجعه لكن ميقدرش يرد ويقابلها من جديد
.......................................................................
عند جواد.....
جواد: يمي عبد المطلب بيروح اليوم
خديجه: باهي الحمدلله له سنين متغرب
جواد: الحمار رايفنا عليه قريب 6 سنين توا ماجش
خديجه: باهي يقعد ويساند امه وخوه
جواد: وتي روحك بنشيلك لهم
خديجه: لا مش ماشيه ليوم ولدهم جاي خليها بكره
جواد: براحتك يالغاليه
خديجه: شيلني عند اختك بنقعد معاها اليوم راجلها ماسك في الميناء
جواد: من عيوني وتي روحك قبل العصر لان بعد العصر بنمشوا نستقبلوا عبدالمطلب
خديجه: هي نوتي روحي وحطني توا
صبت خديجه تلبس وجواد مقعمز ويفكر في سيرين الي سرقت عقله وقلبه
.......................................................................
بعد 10 دقايق....
خديجه: هيا واتيه انا
صبى جواد وحضنها
خديجه: اسم الله الكريم كنك
جواد: بنرايف عليك اليوم
خديجه لفت ايديها عليه
خديجه: تعال بات معانا غادي
جواد: لا توا انبات عند يوسف عارفتني انتي الحوش بلاك منقعدش فيه
باس راس امه وطلعوا حطها عند اخته ورد للحوش دوش ولبس وطلع للاستراحه
جواد يخبط في الباب بقوه
مهيب بعياط: يافاااسد الباب قلعت امه
جواد بضحكه: افتح بسرعه
مهيب فتح الباب
مهيب: تي شنو التخبيط هذا كله
جواد بضحكه: تي هيا مزال بنمشوا ناخذوا يوسف وبنمشوا للمطار
مهيب بحده: بطل سكنان خليني نلبس وانجيك
عند يوسف مقعمز يدخن ويشرب في شاهي بحت في سيرين
يوسف: هذي كنها تحوس من بدري
سيرين بضحكه: جرب معاك ومصارش توا بتجرب مع عبدالمطلب
يوسف رفع حواجبه ويدخن ويبحت فيها
سيرين : يوسف شفت غزل بتروح ولا بتقعد عند هلها كم يوم
يوسف: انضم اموري مع عبدالمطلب بعدها انشوفها بترد ولالا
رن تلفونه بحت لقاها اميره عزق الدخان وخشت سيرين
يوسف: ايوه
اميره: يوسف حبيبي
يوسف : ايوه شنو تبي
اميره: بكره عندي جامعه اتجيني انتلاقوا واتشوفني
يوسف: باهي توا انشوف كان نضمت اموري ساهل
اميره: نبيك اتجي بنحضنك وانشمك
يوسف : باهي يصير خير
اميره: نحبك
يوسف : باهي هي سلام توا بنطلع
صكر الخط وخش للحوش ركب لداره خذا منشف وخش يدوش طلع لابس السروال لقى رولا مقعمزه ع السرير
يوسف بحده: شنو تبي جايه هنا
رولا : نبيك انت
يوسف:اطلعي بنغير دبشي
رولا قربت منه يوسف مسكها من شعرها
يوسف بعصبيه: نلقاك في طريقي نقطعلك راسك طريقي اناا معش اتجي فيا
دفها ورولا طلعت تجري من الدار كمل يوسف لبس وتعطر وطلع نازل من الدروج ويكلم وامه اتبحت فيه
يوسف: خلاص نبيكم تقلبوا بنغازي فوق لوطى رصاص وسيارات واغاني اها وخليهم ايجيبو 50قصعه للعشاء اها عزمتهم كلهم تم
صكرت الخط وقرب من امه باس راسها
جميله: ربي يرضى عليك ويهديك
يوسف: دعواتك ياغاليه
طلع من الباب بعدها تذكر ان نسى فلوس وسلاحه في الدار ركب للدار والباب قعد يدق طلعت سيرين تفتح شافت جواد
سيرين بفرحه : جواد
جواد: عيون جواد
سيرين بحده: مبردك
جواد : سخنيني
سيرين: بطل قلة ادب
جواد: كلميلي خوك راهو ناكلك توا
سيرين شقلبت عيونها: رن عليه بروحك مش عندك رقمه
جواد بضحكه: قولي كبده
سيرين : كبده
جواد : عبده
سيرسن : مبردك
وخشت وجواد يضحك مع نزلت يوسف
يوسف بحده: شنو كنتي اديري برا
سيرين بخوف: كنت كنت اء كنت
يوسف بحده: شنو كنتي اديري برا
سيرين: كنت انشوف في الباب
يوسف: وعليش طولتي
سيرين: والله بعد لقيته صاحبك خشيت
يوسف فنص فيها
سيرين بدموع: والله منكذبش عليك
طلع يوسف وسيرين خشت ل امها وخايفه
طلع يوسف وشاف جواد مصبي قدام الباب
يوسف بحده: افطن لروحك
جواد: عليش شنو درت
يوسف مردش عليه وركب في سيارته وركب جواد ومهيب كل واحد في سيارته وانطلقوا للمطار
كانت غزل مصبيه في الروشن واتشوف فيه وهوا طالع
غزل بتعب: ربي يحفظه استودعتك الله
بعد مرور ساعتين في المطار....
جواد: تي حي على ام الجوو الي بنديروه له
مهيب:....😂
يوسف:...😒

(يتبع...🍁)

(بقلم سيف الله....🚬)

(رايكم في الشخصيات وتوقعاتكم....)