(10)
#رواية_حرم_العقيد
(قرأه ممتعه اتمنى ان تنال اعجابكم🌱)
بقلم سيف الله...🚬
بعد مرور ساعتين في المطار....
جواد: تي حي على ام الجوو الي بنديروه له
مهيب: انا مزلت مش مصدق ام عبدالمطلب طلع برا وقرا وكمل منصدم مزال
جواد بضحكه: تذكر ايام زمان الفاشل الوحيد هوا
مهيب بضحكه: وطلع اشطر مني ومنك
يوسف يدخن ويبحت في السيارات الي موتيهن للحفله
.......................................................................
بعد ربع ساعه....
شخص1: اوي حول يدك غادي الساعه هذي كان انبيعها نشريك انت وقبيلتك كلها
الشخص2: متخلنش نهزبك
شخص1: هزبني كان قدرت والله انبلغ فيك
برم يوسف وجواد ومهيب وبحتوا فيهم
جواد ومهيب بعياط: طلوووووبه
عبد المطلب بضحكه: ياكلااااب
وقعدوا يحضنوا في بعضهم ويسلموا ويوسف مصبي بعيد يبحت فيهم ويدخن
الشخص2: انت تعال معايا لمكتب مدير المطار
يوسف بحده: خليه شوري هذا
الشخص2: تم حضرت الافندي
عبدالمطلب بهمس: جواد مهيب هذا يوسف
جواد بضحكه: اها هوا
مهيب: خفف بصاره راهو عصبي اكثر من قبل
عبدالمطلب : ينعليي خويا كبر
يوسف مد يده لعبدالمطلب وعبد المطلب حضنه بقوه
عبد المطلب : خويا ياحمار ياكلب ياتافه قاعد في غربه عليش مترنش تسأل عليا مرايفلك انعن شكلك وشكل شكلك انعن جد شخاشير حنك مرايف لكل شبر فيك
يوسف بعده بالشويه
يوسف بحده: فكنا من الاحضان هيا
عبد المطلب بضحكه: هيا تعالوا شيلوا معايا الشناطي
يوسف اشر لجماعه قربوا منه وخذوا الشناطي
عبد المطلب بعياط: لاااا بيسرقوا دبشي حي عليكم فيهن ملابس داخليه جيبوا دبشي هنااا
مهيب بضحكه: ياحمار هذوما بيشيلوهن للسياره بس
عبد المطلب بضحكه: عارف غير اندير في الاوفر
مشوا جيهة السيارات
عبد المطلب بصدمه : لمن السيارات هذينا كلهن
جواد: ليوسف اركب واسكت
عبد المطلب : تبارك الرحمن
يوسف : هذي سيارتك اركب فيها
وعزقله المفتاح
عبد المطلب بعياط: تيوتا مفخررررره ووووووك
مهيب بضحكه: اركب واسكت مكثر دوتك
ركبوا في السيارات طلعت سيارة يوسف وراه جواد وراه عبد المطلب وراه مهيب وراهم السيارات الي جايبهن يوسف عشان الاستعراض الي بيديره لخوه
.......................................................................
بعد ربع ساعه .....
وصلوا في راس شارع يوسف درس سيارته قدام الحوش ونزل من السياره وبدا الضرب بالرصاص والالعاب الناريه ومهيب يمتع بالسياره وعبد المطلب مصبي يبحت فيهم وفرحان
غزل : شنو في شنو الصوت هذا
طلعت غزل من الروشن تبحت واتشوف في يوسف يضرب بالسلاح قعدت تبحت فيهم وساكته
وسيرين ورولا من البلكوني يتفرجوا عليهم
رفع يوسف راسه وشاف غزل فنص فيها فنصت فيه وخشت
يوسف بهمس: العقرب ام لسانين
قرب عبد المطلب من يوسف وحضنه
عبد المطلب بفرحه: منور ياولد امي منور
يوسف : مش من قدرك هذا كله ياغالي.. خش سلم على امك بتموت على شوفتك
خش عبد المطلب ل امه
يوسف بصوت عالي: هيا شباب تفضلوا في المربوعه
وخشوا كلهم للمربوعه
خش عبد المطلب ويبحت في الحوش بفرحه
عبد المطلب بعياط: جمووووووووووله
جميله بضحكه: طلووبه
قرب منها وحضنها
عبد المطلب بحب: حب قلبي ياناااس
جميله تبكي: الحمدلله على سلامتك الحمدلله رديت طيب
عبد المطلب بضحكه: يمي بنرد للصبايا السماح في المانيا جايكم وياره بس
ضرباته جميله على صدره وتضحك
عبد المطلب يبحت فيها وماسك يدها
عبد المطلب غمزلها: وين السماحه والاناقه هذي جمووله بنزوجوك على الحال هذا
جميله بضحكه: شنو رايك
عبد المطلب بضحكه: بنت العشرين وين هكي انتي بتكسري السوق بسماحتك
سيرين بعياط: طلوووبه
عبد المطلب بضحكه: قمله
سيرين بزعل : قمله في عينك
ونطت عليه حضناته
عبد المطلب بضحكه: قتلتيني يادبه
سيرين بضحكه: رايفت على برادتك
عبد المطلب بضحكه: خوك الكبير ياكلبه واتقوليلي برادتك
جميله: بتقعدوا مصبيين عند الباب
عبد المطلب : والله انا ضيفكم مفروض تخششوني واتقعمزوني
جميله: بالك تبي انشيلك بالمره
عبد المطلب بضحكه: متغلش عليك ياجمووله
قرب منها وشالها وماشي بيها للصاله
جميله بضحكه: نزلنب ياخرا نزلني ياهمي
عبد المطلب بضحكه: عارفك عاجبك الجو غير دايره روحه مش عاجبك
جميله قرصتله وذنه وهوا يضحك وماشي بيها للصاله نزلها ع الصالون
.......................................................................
خش يوسف للصاله
يوسف بحده: وطوا صوتكم معايا تريس برا
عبد المطلب بهمس: عليك معقد
جميله بهمس: ترا علي صوتك خليه يسمعك
عبد المطلب بضحكه: لا والله مانقدر
يوسف قعمز جنب امه من الجيهه الثانيه وعبد المطلب مقعمز جنب كرعيها ويبحت فيها ومسك كراعها
عبد المطلب بضحك: توا معقوله الشبر هذا تحت منه الجنه كلها
جميله بضحكه: بالك مش عاجبك
عبد المطلب بضحكه: قصدي يوسف طويل وكبير بياخذ كراع كامله والطشه الثانيه بنقسمها انا وسيرين مش عدل هكي
جميله: منحيرش لما نمشي نشري كندره
عبد المطلب بضحكه: شكلك انتي سندريلا وباتي الامير
جميله بضحكه: اها انا سندريلا
عبد المطلب بضحكه: خزي وكنتي تطلعي الساعه 12 في الليل وتمشي للامير ومن غير علم مرات باتك ونعم الام والله
جميله : نوضوه من جنبي رفعلي الضغط
يوسف بحده: هي صبي غير ودوش والحقني في المربوعه
عبد المطلب : يوسف
يوسف : ايووه
عبد المطلب: فك العقده الي بين حواجبك فرفش واضحك اضحك اضحك ليل مع نهار اضحك حتى لابعد جار اضحك لو مهمااا صاار اضحك
يوسف بحده: باهي بعدها
عبد المطلب ماسك كرعين امه ويحرك فيهن
عبد المطلب بضحكه: الي سايق جنبك اضحك الي يلعب ضدك اضحك الي اتقوله احبك اضحك لكل الناس اضحك وعيش هالاحساس
يوسف ابتسم وسيرين تضحك
جميله : من وين جايبها الاغنيه هذي
عبد المطلب : حمود الخضر يغني فيها
يوسف بحده: هيا ساد كلام اركب دوش والحقني
طلع يوسف وركب عبد المطلب لداره وهوا راكب من الدروج
.......................................................................
YOU ARE READING
حرم العقيد (الجزء الاول)
Actionروايه ليبيه ذات طبع حاد وغريب لرجل رمى القدر في طريقه فتاه تغير حياته وتقلبها رأساً على عقب عندما ادرك طريق النهايه زاره طيفها بحب وعشق اجتاحت قلب ميت قلب مثل الصخر وانقذته من بين الركام...🚬 مكتمله👌🏻 لـ سيف الله ...🍃
