حرم العقيد (الجزء الاول)

المقدمه🍃

مقدمه....🌱

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

جواااد ارفع راسك جوااااد.....
انشوف في مهيب مقابلني ومش قادر انادي عليه روحي خلاص بتطلع انفاسي متقطعه انتنفس بسرعه والتراب خنقني كتفي مجروح وينزف غمضت عيوني وجت في بالي امي .. أمي وأختي من لهم بعدي
اتكيت على جنبي وصوت الرصاص فوق مني
قاعد بين الوعي والا وعي عيوني دغدشو رقدت على ظهري ونبحت في السماء والظلام يوسف شنو درت في روحك يا يوسف
غمضت عيوني ومانشمش غير في ريحة الدم والرصاص بس
فقدت الوعي ومشت بيا الاحلام لي أمي....
مقعمزه ادير في الشاهي وجنبها الفطيره والعاله اتقولي تبي شي اوليدي انقوللها مانبي غير رضاك يالحنونه اترد واتقولي راضيه عليك دنيا واخره اوسيفه
فتحت عيوني ونزلت دمعه من الحرقه والهم
يوسف: مانبش انمووووت نبي انكفر عن ذنبي نبي نرجع يوسف الاول انعيش مع امي نسامحها وتسامحني...........
يامن بشهد القافيات .. أذبتني
وجعلتني قيد الهوى .. وأسرتني
وجذبتني .. للبحر تعرف عمقه
حتى إذا انتصف الطريق .. تركتني
عوّودتني .. رشف الحروف سُلافة
من مقلتيك .. فنعم ما عوّدتني
أعلنت حبك .. مطلعاً .. لقصيدتي
لاخير في حبّ .. إذا لم يعلن

حسيت بصوت خطوات اتقرب مني وحسيت جسمي استقر على حاجه ناعمه ومريحه وقتها حسيت كل مفصل فيا ارتخى وجرحي اختفى
فتحت عيوني شفت بنت قدامي جميله غمضت عيوني وفي عقلي وين قاعد انا زعما انا متت وهذي من الحور..
نعرفكم بالشخصيات....
يوسف : عقيد في البحث الجنائي عصبي ، واعر وجدي ل ابعد حد ، عمره 40 سنه
امه جميله وباته مختار متوفي عنده اخت وحده سيرين عمرها 22 سنه تقرا طب ودلوعة خوها، يوسف عايش مع جده وعمامه في نفس المزرعه

في مكان اخر......

انتي يابنت تعالي اغسلي المواعين طاحن كرعيا وانا نغسل
غزل: مامي شويه نحكي مع صاحبتي دقيقه بس
اسماء امها:تعالي قتلك انا
غزل : اووووف ياماما كنك معايا
وخشت ل امها في المطبخ....
اسماء: اغسلي المواعين يابايره مافش حد يرضى بيك بتعنسي وتقعدي في رقبتس شوفي بنت حنان من عمرك وتزوجة وشوفي بنت خديجه من عمرك وتزوجة وانتي قاعده في رقبتي
غزل قربت من امها وحضنتها
غزل: مامي حبيبتي بنقعد معاك طول العمر والمواعين توا نغسلهن جارتنا الي في اخر الشارع عرفت الموضوع وقريب اتجي تغسل المواعين هيا

دقيقه دقيقه انعرفكم على غزل.......

غزل بنت وحده معندهش خوت او خوات امها وباتها مدلعينها بحكم انها بنتهم الوحيده غزل تقرا في الطب عمرها 23 سنه دمها خفيف وعفويه وتحب تضحك ومتحبش النكد ،امها اسماء وباتها احمد

كملت غزل غسل المواعين وطلعت للجنان تسمع في صوت رصاص وتبييب سيارات خشت تجري وفتحت روشن دارها واتفرج
غزل: عرس ولا شنو دايرين الجو هذا كله
غزل نزلت تجري
غزل: مامااا مااامي
اسماء : تعالي انا في الدار
غزل : ماما شنو في عليش الهرجه الي في الشارع
اسماء:.. 😃
غزل:.. 😯
يتبع.... 🌱

(يتبع...🍁)

(بقلم سيف الله....🚬)

(رايكم في الشخصيات وتوقعاتكم....✨)