(8)
(قرأه ممتعه اتمنى ان تنال اعجابكم🌱)
بقلم سيف الله...🚬
#رواية_حرم_العقيد
ثاني يوم الصبح .....
ناض يوسف دوش وطلع من الدار نزل للصاله لقاهم مقعمزين يفطروا
يوسف بحده: عليش مانوضتوني ولا تسمسو بروحكم اكيد العقرب غزاله هيا الي قالت متنوضوهش
غزل قلبت عيونها : اسمي غزل مش غزاله
سيرين بضحكه: حرام عليك مش عقرب طيبه غزل
يوسف : طيبه انتي عقرب توا تشوفيها
رولا : درتلك قهوتك يوسف
يوسف: منوره والله اصليه لنم
يشرب يوسف في قهوته ويدخن وغزل تبحت في رولا وتغلي
ركب يوسف لداره غير دبشه وطلع للأستراحه
.......................................................................
عند مهيب....
طايح راقد في الوطى ومتبهدل خش يوسف للاستراحه
يوسف : تي شنو الخمج هذا
خش للصاله لقى مهيب طايح في الوطى وراقد بزع عليه اميه
مهيب بعياط: تي بطل النم
يوسف : شنو الزريبه الي دايرها هذي
مهيب : تعبان يارفيقي امس زفتها ياراجل باعتني وتزوحت كنت متوقعها ترفض اترد في كلامها بعد سيبت الحوش لكن طلعت ولا فارق معاها
يوسف: تاخذ سوك ياصاحبي اتحصل وحده احسن منها بمليوون مره هيا الخاسره سيبت راجل وقدع زيك يارفيقي
مهيب : اخخخ يايوسف قاهرتني وحارقتني مش متخيل حب عمري هكي ولا عميي خو باتي يقولي الكلام هذا نااار تصهد فيا ياصاحبي
يوسف يبحت في مهيب وواجعه حال صاحبه
(الحياة معركة، البعض فيها يقود والبعض فيها يقاد فإن لم تكون سيدًا لنفسك فلا تكن خادمًا للاخرين.🍃)
.......................................................................
عند بيسان...
بيسان: محمد حبيبي نحبك انا
محمد راجلها :حتى انا نحبك
بيسان :كان متزوجنش راهو انجنيت
محمد قرب منها وراهو في خبر كان
ولا فكرت في مهيب وهمها اصلا
.......................................................................
عند اميره...
اميره:سوسن مش قادره نطلعه من راسي يهبل يهبل وقفته وشخصيته ياربي يجنن
سوسن:طيحيه
اميره:وين بنحصله عشان نطيحه
سوسن :عندك نت توا
اميره:عندي اها
سوسن:افتحيلي نقطه توا اندورلك حسابه هوا خو سيرين واكيد معلقلها
وبعد ربع ساعه من البحث...
سوسن:اهو حسابه
اميره:يااربي رجووله وجمال
سوسن ضحكت وعطتها تلفونها بعدت اميره منها وخشتله في المسنجر ودزتله
اميره:اهلا
وقعدت تستنى فيه يرد
.......................................................................
عند جواد....
جواد :هياا يمي ولا نمشي وانخليك ورايا شغل انحطك تغدي عندهم وانجيك بعد الغدا
خديجه:باهي اصبر نلبس في شخشيري
جواد:توا وقت شخشير يمي في الحمو
خديجه بعياط:هااا نطلع كرعيا عريانات
طاع جواد وامه وركبوا في السياره وماشيين لحوش يوسف
.......................................................................
عند سيرين....
سيرين بهدوء:مرات ايجي حد انا نطلع للجنان وغزل المطبخ ورولا الصاله والمربوعه
غزل ورولا: تمام
طلعت سيرين للجنان ورفعت سراويلها واتصب في الميه والصابون واتسيق
.......................................................................
دق الباب.....
سيرين :عليك براده من جاي في وقت الغدا
وفتحت الباب وجا في وجها جواد
جواد:نحن جايين في وقت غدا عندك مانع وبعدين بتوكلينا من جيبك ولا بتقعمزينا في حوشك
سيرين انحرجت وصكرت الباب بقوه في وجه من الصدمه
جواد بضحكه:افتحي امي امعايا افتحي يابخيله يامتشرده
فتحت سيرين الباب وخشت ام جواد وبعد تسليم
خديجه:انا انديرلكم الغدا وانتو كملوا ضم وترتيب
.......................................................................
عند ريم ....
ريم :غزل ياكلبه من بعد تزوجتي الغجري معش دورتيني
غزل: لا ياحماره والله لاهيه شويه بس
ريم:في حوشك ولا حوش هلك
غزل :في حوش ام يوسف
ريم:وووك عليك اكيده البارده رولا اتلصق فيه
غزل:اخخخ مش غير اتلصق تحرق فياااا اقريب نقتلهااا دحنسه عيني عينك
ريم بضحكه:وقعدنا نغااروا وحركات
غزل ببرود:فرقت غيرتي على اساس معبرني ولا مهتم نغار ولا نطربق
ريم:الموضوع تبيله قعميززه بعد تروحي لحوشك انجيك وانتفاهموا
غزل :تمام حبي
ريم:تم غلاتي
.......................................................................
عند مهيب......
جواد:خلاص اضحك فكنا من الزعل النم
يوسف:تبيله كف يبرمله وجه بيش ايتعدل
مهيب يبحت فيهم وساكت
جواد بضحكه:انقوللكم نكت
يوسف:لااا
جواد بضحكه:بنقول ملح
جواد:مره في طماطمه عطست قالت كاتشب ههههه
مهيب ابتسم ويوسف يبحت ببرود
جواد:غير اسمع هذ قالك مره في شيخ نقص دمه تبرعوله بدم رقاصه اول مابدت الصلاه قاللهم احلى تحيه للمصليين ههههه
مهيب ضحك ويوسف ضحك
جواد:غير اسمعوا هذي مره في ليمونه مقعمزه جنب الجامع عليش
مهيب ويوسف :عليش
جواد:ترجا في العصر هههه
جواد : غير اسمعوا هذي مره في محشش مقعمز قدام الحوش جاته سيارت لكناسه قالتله عندكم كناسه خش للحوش وطلع قاللهم عندنا شكرا
مهيب : اسمع هذي مره في واحد قعمز على 10 جنيه عضه عمر المختار
جواد بضحكه:ووووه بنموووت
يوسف يبحت فيهم ويدخن
مهيب:اسمع هذ مره في شيخ ضرباته سياره عبى الشارع حسنات
جواد:وووك اسمع هذي مره في وحده اسمها اسماء ضربتها سياره اطرطش كل اسم في تركينه
مهيب:اسمعوا ذي مره في ثلاث عزايز عندهن زهايمر مشن لوحده عنظها زهايمر حتى هيا المهم الوليه ثلاث مرات ضيفتهم شاهي وتنسى واتضيفهم من جديد بعد روحوا وحده من العزايز تحكي لعزوز ثانيه قالتلها قعدنا عندها ساعتين مضيفتنش بكل شويه الثاني قالتلها كان كنت معاك راهو هزبتها
جواد :اسمعوا هذي مره في عزوز خشت للحمام طاحن منها عشره جنيه في المقعد" المرحاض" (اكرمكم الله) قالت عطبن علينا نقه حتى التر دفعنا حقه
VOCÊ ESTÁ LENDO
حرم العقيد (الجزء الاول)
Açãoروايه ليبيه ذات طبع حاد وغريب لرجل رمى القدر في طريقه فتاه تغير حياته وتقلبها رأساً على عقب عندما ادرك طريق النهايه زاره طيفها بحب وعشق اجتاحت قلب ميت قلب مثل الصخر وانقذته من بين الركام...🚬 مكتمله👌🏻 لـ سيف الله ...🍃
