(7)
#رواية_حرم_العقيد
(قرأه ممتعه اتمنى ان تنال اعجابكم🌱)
بقلم سيف الله...🚬
يوسف بعصبيه: تي امي وين
الحارث: امك في المستشفى شالها زيد تعبانه وولدها سندها مسيبها
يوسف بصدمه: امي في المستشفى
طلع يوسف بسرعه ركب في سيارته وانطلق للمستشفى خش للمستشفى وشاف سيرين تبكي ورولا مقعمزه جنبها تسكت فيها وتبكي
يوسف قرب منهم ويراجي فيهم يقولوله امك عطاتك عمرها
يوسف بضيق: سيرين
سيرين صبت بسرعه وحضنت يوسف وتبكي
سيرين بدموع: وينك وين كنت شفت ماما شنو صار فيها في غيابك شهر ومعاها مختفي حرام عليك حرام
يوسف ساكت وحاضن اخته وطاحن منه القيلات
سيرين هدت وقعمزها يوسف ع الكرسي قربت منه رولا وحضناته يوسف ساكت وماسك القيلات ب ايديه
احمد: بسرعه ياغزل راهو ام يوسف مريضه في المستشفى
غزل تبكي وامها تهدي فيها وطلعوا للمستشفى خشت غزل للمستشفى وتشوف في خيال مش غريب عليها
قربت منه وفي خاطرها اتقول يوسف هوا يوسف
احمد : مرحبتين بنسيبنا
يوسف بعد من رولا وبحت في احمد وسلم عليه
غزل تبحت فيه ودموعها ينزلن
سلمت عليه اسماء ومد يده لغزل سلمت عليه
احمد : طمنى الوالده شنو صحتها توا
يوسف : توا بنخش نسأل الدكتور عليها
احمد: بخير بإذن الله
يوسف قرب من زيد وعطاه فلوس
يوسف بهمس: بسرعه جيب عصير وشكلاطه للناس
زيد : حاضر
خش يوسف للدكتور
يوسف : امي شنو فيها يادكتور
الدكتور: امك عندها ارتفاع رهيب في السكر سببلها بداية جلطه والشي هذا بيأثر عليها انها تصاب بالرعاش في ايديها
يوسف يبحت في الدكتور ومنصدم
يوسف صبى طلع والدكتور يبحت فيه
سيرين: طمني ماما شنو فيها
احمد: احكي الوالده شنو عندها
يوسف قعمز ع الكرسي وبحت فيهم
يوسف : بخير مافيها شي تطلع بكره او بعد بكرره مافش داعي تقعدوا زيد روح بسيرين ورولا للحوش
سيرين : منبش نروح بنقعد معاك
غزل تراقب فيهم بصمت ومحرووقه من رولا
يوسف يحده: انتهى الكلام روحوا وفي الليل انجيكم انبات معاكم يلااا
سيرين قربت من يوسف وحضناته وبعدت وقربت رولا بعدها حضنت يوسف وباست خده
رولا: مطولش علينا نخافوا بروحنا
يوسف : باهي باهي
طلعت رولا وسيرين وزيد روحوا
احمد: حتى نحن هي هيا ياغزل
يوسف : خليها ياحاج في الليل نجيبها لك
احمد : باهي براحتك
طلع احمد واسماء وغزل قعمزت بعيد من يوسف
يوسف بحت فيها بالجنب وهيا تبحت قدامها وقارنه حواجبها
يوسف بحده: شنو خايفه ناكلك مقعمزه في اخر الدنيا
غزل: مدخلكش مش مستشفت بوك انقعمز وين مانبي
يوسف بحده: تعالي بنقولك حاجه الناس تبحت فينا
غزل: الملزوم يتعب وخليهم يبحتوا
صبى يوسف وقعمز جنبها ومد كراعه الي توجع فيه
يوسف : اخخ شوفي كراعي توجع فيا
غزل : تستاهل مفروض حتى الثانيه معاها
يوسف : في ممرضه تبحت فيا من بدري شكلي عاجبها
غزل بهزوه: هه بالك منصدمه من شكلك المبهدل
يوسف بصدمه: قصه فيه اللسان الطويل
غزل : لساني وعاجبني مش عاجبك امشي قعمز غادي
رفعت غزل راسها شافت ممرضه تبحت في يوسف
غزل بحده: وانتي عليش تبحتي اقلبي وجك
يوسف بهمس : تغار الغقرب ام لسان
غزل : عقرب تقرصك عقرب في عينك
يوسف : تغاري
غزل: ماعندي عليش بنغار عليك
يوسف يبحت فيها وفي جمالها
YOU ARE READING
حرم العقيد (الجزء الاول)
Actionروايه ليبيه ذات طبع حاد وغريب لرجل رمى القدر في طريقه فتاه تغير حياته وتقلبها رأساً على عقب عندما ادرك طريق النهايه زاره طيفها بحب وعشق اجتاحت قلب ميت قلب مثل الصخر وانقذته من بين الركام...🚬 مكتمله👌🏻 لـ سيف الله ...🍃
