ريفان: يوسف !! وين انت !!
وبقت عاملة نفسها بتفتش في الكنب و بتتلفت كانها م شايفاو
يوسف : ماما م ح تعرفي
ريفان: انا لو قبضتك ح اكلك
يوسف: م ح تقدري م ح تقدري
و ج طالع من ورا الكنبة
يوسف: وه
ريفان عملت نفسها اتخلعت و هي اصلا كانت شايفة اصابع رجلينو طوالي نطت في السرير و شهقت
بعداك قامت عليهو و عملت يدينها الحركة بتاعت انها عاوزة تكلكلو دي و جات عليهو
ريفان: انا قلت ليك باكلك صاح
يوسف( بي صواريخ ممزوجة بي ضحك) : ماما ! ماما
و صوت ضحكتو ملا البيت كلو قبل اصلا م تصلو اول م وصلتو و بقت تكلكل فيهو و هو خلاص ح يموت من الضحك قاطعهم صوت
ياسمين : ريفان سهم د برا يلا
ريفان طوالي عدلت قعدتها مع انو ضربات قلبها مع اسم سهم د اشتغلت زي دلوكة انصاف 👋بس قدرت تسيطر على الوضع و قدرت تسيطر على نفسها كانت لابسة بنطلون اسود شوية واسع و قميص كاروهات كحلي بي اسود و عاملة شعرها بوب م كانت محجبة ف مسكت يد يوسف و طلعو طوالي على كدة ..
___
خليل: الليلة يوسف جايي !
سهم: ايوا لي في حاجة !!
خليل اكتفى بي انو يطلع ليهو نفس طويل شوية و يلف عيونو
سهم: يلا ي الغالية اشوفك بعدين كويس
سميرة : فكر ي ولدي في الموضوع ال قلتو ليك كويس عليك الله و م تغلبني معاك انت الوحيد عندي و م نفسي اشوفك كدة
سهم: مالي انا هسي ي امي !! انتي بس عاوزة تجهجهي لي راسي د و خلاص ! 😂
سميرة : م عاجباني حالك كدة والله 💔
سهم: امي والله انا كويس و فل الفل و مبسوط شديد م تشيلي هم كويس !
سميرة : لكن ي ول_
طواالي قاطعها سهم بي كلامو
سهم: يلا فوتك بي عافية .🤍
باس راسها و جرى جري
___
ريفان.طلعت هي و يوسف في يدها شنطة صغيرة كدة فيها حاجات يوسف المهمة و اللي ممكن يحتاج ليها وقفت اخدت نفس طويل شديد رسمت ليها بسمة خفيفة على وشها و جات طالعة قالت بي لطافة بسيطة شديد كدة
ريفان : السلام عليكم
مع الكلمة دي سهم طوالي رفع راسو و برضو رسم ابتسامة خفيفة بس م على جهة ريفان على جهة يوسف اللي جاهو جاري و سلم عليهو و قعد جمبو
