" မဏိ ။ ကျုပ်ရဲ့ ပန်းကလေး ။ ကျုပ် သိပ်ချစ်ရတဲ့ ပန်းကလေးရေ ။ "
ခေါ်နေတာ အကြောင်းတော့ မဟုတ်ပါဘူး ။ ချစ်သူလေး မျက်စိအောက်က ခဏလေး ပျောက်တာတောင် စောယွန်းမှာ နေမထိ ထိုင်မသာ ။
" မဏိ ... မဏိ .. အဘယ်တွေ ရောက်နေတာလဲ ကျုပ် ပန်းကလေးရဲ့ ။ "
" ဒီမှာ စောယွန်း ။ "
အိမ်တော် အပြင်ဘက်က ညာဘက်သစ်ပင်တွေကြားက အော်ပြောသံကြောင့် သွားကြည့်၏ ။
" ဟော ။ ကျုပ် ချစ်သူလေး ဒီမှာ ဘာတွေတူးနေတာတုန်း ။ "
" ကန်စွန်းဥ ... ကန်စွန်းဥလေ ။ ညစာအတွက် များများလေး တူးနေတာ ။ "
" ကျုပ်အတွက် ညစာက မဏိ ရှိနေပြီလေ ။ "
" ဟမ် ။ ဘာ ဘာ ဘာကို ဆိုလိုတာလဲ စောယွန်း ။ "
စင်သီယာရဲ့ မေးခွန်းကို သူ အဖြေမပေးသေးဘူး ။ သူချစ်တဲ့ ပန်းကလေးရှိရာ အနားကို သွားသည် ။ ပြီးတော့ ပွေ့ဖက်သည် ။ ဒီ ပွေ့ဖက်ခြင်းကြောင့် ရင်ထဲဝုန်းဒိုင်းကြဲသွားသည်က စင်သီယာ ။
" အို စောယွန်း ။ "
လုပ်ပြန်ပြီ အဲ့ဒီ့ အပြုံး ။ နှုတ်ခမ်းထောင့်စွန်းလေးသာ ပင့်တင်တဲ့ အပြုံး ။ ချစ်ရည်ရွှမ်းတဲ့ မျက်ဝန်းတွေက ပြုံးပြတဲ့ အပြုံး ။ ဒီအပြုံးတွေကြောင့် ရူးတော့မယ် ။
" ငါ့ကို အဲ့လို မကြည့်စမ်းနဲ့ စောယွန်း ။ "
မာထန်ပြီး တည်ငြိမ်နေတဲ့ လေသံမျိုး မဟုတ် ။ ရှက်လွန်းလို့ တောင်းဆိုတဲ့ လေသံမျိုး ။
" အဟားဟား .. .. "
" ဟမ် ဘာရယ်တာလဲ ။ "
" ကျုပ် ပန်းကလေးက ရှက်နေတာကိုး ။ ဘာလို့ ရှက်နေတာပါလိမ့် ။ မဟုတ်မှလွဲရော ကျုပ်များ စကားမှားသွားလို့လား ။ "
" ဦးနှောက်ရှိရင် စဥ်းစားပေါ့ ရှင်ရယ် ။
ကျုပ်အတွက် ညစာက မဏိ ရှိနေပြီလေ .. ဘာလဲ စောယွန်း ။ အဲ့တာ ဘာစကားလဲလို့ ။ "
" အလို မဏိ ။ ကျုပ်ပြောသည်က ရိုးရှင်းပါတယ် ။ မဏိ မျက်နှာလေး တစိမ့်စိမ့် ကြည့်နေရရင်ကို ကျုပ် ဝမ်းတွင်းက အပြင်စာကိုတောင် မလိုလားတော့ဘူး ။ ဒါကို ပြောတာပါ မဏိ ရဲ့ ။ "
YOU ARE READING
စက္ခုဝတီပြည်သို့ စင်သီယာ ရောက်လတ္တံ့
Fantasy‼️Fantasy Fiction‼️ AgeGap morA_nyein 2.4.2023