.
السلام عليكم🌺
إن اعجبكم الفصل..
أرجو منكم التصويت★ والتعليق على الفقرات..
.
.
.
يا ريت تعلقوا وتتفاعلوا لأن الشغف قاعد يضيع مني🤏
.
.
.
• • • •
#حمد:
” - لو سمحت المكان اللي جنبك فاضي؟
- لا.
- بس أنا أشوفه فاضي؟
- طيب ليه تسأل؟
أول لقاء لي مع "صفوان" كان في أولى متوسط.. ما كان في بيننا كلام كثير رغم انه جالس جنبي، كانت شخصياتنا متناقضة أصلا، هو اجتماعي ويتعرف على أشخاص كثيرين وأنا انطوائي وهادي وفي الغالب ما أقوم من مكاني.
في ثاني متوسط "صفوان" كان نقل من المدرسة، وقتها ما اهتميت الصراحة رغم ان غيابه كان واضح لأنه كان من أكثر الأشخاص اللي يشحنون المكان بطاقتهم وإيجابيتهم، وما مدى ذي الطاقة تختفي إلّا وكان هو رجع للمدرسة في السنة الثالثة!
اللي وصلني انه اضطر يسافر مع أهله بنية الاستقرار في المدينة بس جلسوا سنة ورجعوا، لكن اللي صار هو ان في الترم الثاني رجع نقل مرّه ثانية، وقتها صار عندي فضول تجاهه بالذات اني اتساءلت هل بيرجع في الثانوية ويصير في المدرسة اللي جنب المتوسط حقتنا واللي كلنا نقلنا لها؟ وفعلًا ذا اللي صار.
صح ما كانت تجمعني فيه مواقف كثير لكن فجأة لقيت انه انفرض عليا أتعامل وياه؛ لأن الإستاذ المسؤول عن الفصل صار يقسمنا بشكل عشوائي عشان المشاريع وأعمال السنة لكل المواد وأنا طاح حظي مع "صفوان"، وقتها أنا رحت لمكتب الإستاذ بعد الحصة وعلمته اني ما أبغى أصير مع "صفوان"، سألني عن السبب بس ما كان عندي رد بالذات ان "صفوان" تعامله لطيف مع الكل فأكيد ما في عداوة بيني وبينه، كمان أنا ما يعتبر عندي أصحاب مقربين عشان أقول اني أبغى أكون مع واحد فيهم، يمكن ذا السبب اللي منجد خلاني ما أبغى أكون مع "صفوان"، أنا جالس في قوقعة وهو فراشة اجتماعية!
عشان أكون صريح وقتها كنت أغار منه لذا السبب، رغم ان أنا اللي بأسلوبي وطريقة تعاملي أقدر أحدد إذا بيلتف حولي الطلاب ولا بجلس لحالي أراقب طاولتي.
المهم اتحتم علي اني منجد بشتغل مع "صفوان"، من ذي اللحظة بدأت أتعامل معاه بالذات ان كل شخصين يشتغلون مع بعض صاروا يجلسون جنب بعض في الفصل، ورغم ان زي ما قلت ما كان في بيننا كلام كثير قبل إلّا إنه كان ياكل إذني بكلامه الكثير كأننا أصحاب، ووقتها ما كنا.
أقدر أقول اني كنت جاف ويّاه للحد اللي خلاني أسألة في مره بأسلوب جافي "متى ناوي ترجع تنقل من المدرسة؟ الترم الجاي ولا السنة الجاية؟".
ورغم ان الهدف من سؤالي ما كان اني أبغاه يروح بس مدري ليش اتغيرت ملامحه وكأنه زعل.. أقصد اني وقتها ما كنت أدري.
أنت تقرأ
لُجَيْ ٢ | عاميّة سعودية
General Fiction" لجي!.. وما خفي كان أعمق..". . الجزء الثاني من الرواية؛ ضروري قراءة الجزء الأوّل لمواكبة الأحداث والشخصيات. . (الرواية نظيفة وتخلوا من أي علاقات محرّمة..)❗
