ماندري وش ورا الغيم مقسوم

Part 1

الشخصيات:

الابطال:
العنود:نتعرف على شخصيتها في بيت ابو محمد
تركي :نتعرف عليه بالبارت ٨

بيت ابو محمد:
ابومحمد:العمر 53سنه من الزمن القديم رجل عصبي جداً وحار متعصب لديرته ولناسه قلبه ابيض سموح رغم عصبيته الزايده متفهم جدا متمسك بالعادات القديم من اهم اهتماماته الطلعات للبر ومطاردة الامطار وعزبته يعشق المطر .
ام محمد: العمر48انسانه مرتبه تحب الترتيب والنظافه جميله وتحب تصغر عمرها واهم ماعليها يكون بيتها نظيف تحب زوجها وتعشقه متناقضه جدا بمشاعرها
اذا عصبت من الشخص تقسى عليه وماترحمه ابداااا اذا تهاوشة مع زوجها ترجع قهرها ببناتها ....
العنود(البطله):بطلتنا شخصيه طيبه جداً مثقفه تحب تسمع الشعر وتحب الحب جدا بس ماتبي تجربه جميله جداً شخصيتها عصبيه وعنيده اخذت الصفات من ا بوها والعصبيه من الظروف اللي مرت فيها تعشق ابوها اكثر من روحها عمرها21سنه تبدا قصة بطلتنا بعد احداث بسيطه
الهنوف:الاخت الاصغر من العنود تحب الضحك والوناسه تحب اختها العنود اكثر من نفسها شعرها طويل حنطيه البشره تميل للسمار ملامحها حاده عكس العنود متعايشه مع الواقع واقعيه جدا وترضى بسرعه عمرها20سنه.
عذب:الاخت الاصغر حساسه جدا ماتحب الاختلاط بناسه خجولههه جدا اذا ضحت ماحد يقدر يسكتها طويله بشرتها بيضاااا
شعرها اسود ويميزها لونه وقصير تحب الافلام وتحب النجوم عمرها 17سنه.
محمد:اخر العنقود وحبيب وقلب امه انتظروه20سنه واول ولد لأبو محمد شخصيته نفس ابو محمد بالضبط وروحوومم جداً يحب اللعب ومنعزل بنفسه يحب افلام الكرتون عمره6سنوات.
..............^................
بيت أبو خالد
ابو خالد :شايب كبير في العمر متمسك بالعادات والتقاليد القديمه شخص صارم ومتواضع قلبه قاسي جدا ومايرحم واهم ماعليه اهل بيته وبس اغلب وقته عند حلاله عمره66
ام خالد:حالها حال نفسها قايمه بالعاايله بروحها ماتشكي التعب شخصيه طيبه وتسمع للناس وتعطيهم حلول عايشه مع عيالها وبناتها
عمرها52
خالد:شخص مشتط متعصب لقبيلته ولأهله يحب عمامه اكثر من روحه يحب خواته وامه عاقل ودايم عايش اكبر من عمره عمره27
صالح:شخص مثقف يقرا بالكتب واجد متدين نوعاً ما ،يحب الشعر ومتذوق للشعر متشدد ويفهم غلط دايم عمره25 .
جميله:الاخت الاكبر جميله عيونها كبار وشعرها طويل ملامحها طفوليه طيبه كل العايله تحبه ومتعلقه فيها تحب الدوام وتحب عمانها واخوانها وتحب خالد اخوها وصالح اكثر من روحها عمرها الآن26سنه....
فاطمه:الاخت الوسطى شخصيه متسلطه شوي ماتحب احد يفهمها وماتحب النصيحه ومغروره شوي طيبه بالقلب متعلقه باخوانها ماتحب تشتغل وحساسه جداً عمرها23
روبى:عمرها 22 متواضعه جدا وهاديه مرات تجيها فصلات قريبه من العنود وتحبها دايم تعيش اكبر من عمرها.
........^..........
بيت الجده:
الجده :عايشه مع ولدها عناد وباسل بعد موت زوجها قلبها طيب وتحب الكل ودمعتها على طرف عينها تحب عيالها واحفادهم بيضا ورغم كبرها الا واضح جمالها تحب عناد ولدها اكثر عيالها.
عناد:العم الاصغر شخصيته مشكلجي ودايم يتهاوش مع الرايح والجاي جميل جدا حنطي البشره طويل وشعره كثيف واسود ودايم يطول شعره عيونه تميزه كبار وناعسه ماحد يتحمله حتى اخوانه لان اي كلام يفكر فيه يقوله عمره28
باسل :شخص واثق من نفسه شجاع مايخاف يطيع اخوانه وكل كلمه لهم قبلها ابشر وتم طيب كل بنات اخوانه يحبونه ويحب جميله والعنود ويحب بنت جارهم انفال عمره30.
............^..............
بيت العم ابو فراج
ابو فراج:رجال كبير بالعمر ملامحه حاده ابيض البشره وطويلل لحيته بيضاء قريب من شخصيه ابو خالد بس رحوم جداً متفتح بحكم انه عاشه بالمدينه وتحديداً بالخبر يحب العلم ويحب الخير للكل عمره62
ام فراج:شخصيه متكبره تنرفز الشخص تكره تروح للديره وتسوي نفسها المثاليه بكل شى عمرها48.
غزل :عمرها19سنه فلاويه وتحب عمانه وجدتها بكايه وتكره الاطفال اهم ماعليها وناستها وتحب تغامر.
روان:نفس شخصية امها وتحب تكون المميزه بكل شى ماتحب احد يكون احلا منها تهتم بنفسها واجد وتهتم بالفاشن طويله شوي حنطيه شعرها خفيف وطويل عيونها كبار مره وخشمها كبير عمرها22
فراج:عمره 27سنه مسالم ويحب الديره ويحب شبة النار والشتاء مايرتاح الا من يشرب شاهي ومتعلق بالعادات والتقاليد.
راشد:عمره23سنه خبل ومتمرد دايم يناشب الجيران قلبه طيب ويحب الفزعات ومايحب الدراسه ابد ويقلد اخوه فراج بكل شى.
.......... ^.............
بيت العم مشعل
عايش بقرب صديق عمره ابو محمد :
مشعل:تاجر معاه محطات ومتزوج ثنتين ومشغلينه بحياته ودايم رافعين ضغطه ويروح يشكي لابو محمد عمره54
زوجاته حصه وسُعاد دايم هواش وسب وعايشين بنفس البيت بس مايرضون احد يدخل بينهم رغم الهواش والمناقر الا انهم يعزون بعض
اعماره متقاربه50
بنات العمه حصه:
المها :متزوجه وعايشه بمدينه ثانيه بالكويت وعندها ولدين بالجامعه نتعرف عليهم بالبارتات الجايه.
أنفال: عمرها26مدرسه ابتدائي شخصيه طيبه ناعمه جدا ذربه وتساعد الكل وتحب عيال اخوانها.
.صالحه:ارمله وعندها ولدين تؤم طيبه وتحب ابوها وامها وباره فيهم وتحب الطبخ.
.ليال:ليال صديقه العنود روح بروح يعشقون بعض وليال تغار من روبى لانها قريبه من العنود بس تحبهم ونفس جوهم ودايم عندهم ماتفارقهم مشكلجيه شوي ولسانها طويل عمرها21
عيال سعاد :
عندها 2عيال
محمد ولدها الكبير:عايش بالرياض بسبب شغله اغلب وقته جنب ابوه متزوج زوجته شريفه وعندهم ولد عمور الكل يحبه ودلوع العايله
وخالد عايش معاهم:خالد شخصيه تضحك جداً ودايم يسوي جو لخواته عمره22.
..............^................
قبل 6سنوات وتحديدا بالديره..
الساعه 8مساء
العنود وربى جالسين عند جميله واهي تدرس ينتظرونها عشان تلون دفاترهم
جميله:روبى حبيبتي سويت شعراتس روحي نامي بسوي دفتر العنود وننام عندي بكرا دوام تمام؟
روبى:طيب بس اخاف انام ياجميله وماتسوي لي دفتري نفس العنود تخلين حقها احلا...
العنود:انتي شبلاتس انا طلبتها اول وانتي بس تبين نفسي عندي رسمه بخيالي بخلي جميله تسويها وانتي اختاري من عندتس لاتقلديني.
روبى:جميله صح انتي اختي تسوين لي اللي ابي واحلا لأني اختس.
جميله :كلكم خواتي واحبكم وعطيني انتي وياها اسوي لكم واعطيكم بكرا مفاجاه
العنود :طيب بس بجلس معاتس شوي لان بيتنا امي معصبه اخاف تصفقني
جميله :طيب
روبى :واهي تتغطى بطانيتها تستعد تنام والله ياجميل لو تسوي العنود احلا مني والله لزعل
جميله:ميته ضحك طيب نامي ماعليتس واهي تغمز للعنود خلينا نغدر فيها وسوي لتس احلا
العنود:تضحك اي اي نسوي لها تصطير فيه بقر
روبى :قامت تصارخ وتتحلف فيهم ماتكلمهم امحق اخت كبيره ياجميله خليتيني وقفتي مع العنود
جميله:كلكم عيوني امزح معاكم وانتي يالعنود روحي نامي بكرا اعطيتس الدفتر
العنود:حاضر وباستها وراحت
ام خالد:تعالي يالعنود بعاينتس لين تدخلين بيتكم لايجيتس كلب ولا شى.
جميله :راحت بعد ماقفلت كل كتبها وجلست تطالع الجدار تفكر بحلمها ...
ام خالد: جميله بنتي شتفكرين فيه يروحي ؟
جميله:يمه حلمت حلم امس اني لابسه ابيض وجالسه اتقهوى مع جدي ونضحك كانه صدق يمه ماكأنه بحلم.
ام خالد :اخترعت الله يكفينا الشر الله يحميتس لي وقامت تبكي.
جميله :تضحك بصوت عالي يمه الله يعافيتس شفيتس حلم
جاء صالح من برا:خير شفيكم ضحكوني وتعلمه جميله وقامو يضحكون على امهم واهي تبكي ويبوسون راسها
صالح:الله يخليتس لنا يمه ماعليتس حلم وبعدين شفيها الخبلا حلمت جدي تقهويه من كثر ماتحب القهوه
جميله :اي والله اني راعيه واجب حتى الميتين اقهويهم
ام خالد:اسكتي يالخبله اسكتي
صالح :جميله حطيتي فراشي؟
جميله:اي يعين اختك حطيته بس وين خالد اشتقت له؟
صالح:فديتس يروحي ،طالع مع عماني بيجي
جميله:زين
صالح:يلا تصبحون على خير
جميله وام خالد:وانت من اهله
ام خالد:قامت تحصن جميله وتبوس راسها وقالت نامي بكرا عندتس دوام والحلم خير ان شاء الله
راحت ام خالد وقلبها قارصه بس قالت خير أن شاء الله واستودعتها ربي
الساعه7بيت ام خالد
ام خالد:يوهههه ماقعدت العيال الباصات راحت عليهم
ابو خالد:خليهم ينامون لاتقعدينهم
ام خالد:انت والله ودك لو يجلسون مايداومون خلهم يتعلمون ابرك لهم من النوم
ابو خالد:جهزي الفطور وجيبيه عند الحلال
ام خالد:زين
ماصار احداث للظهر
ام خالد:بنات الغداء على من اليوم؟
فاطمه :علي يمه
جميله:انا بسويه اليوم خاطري اطبخ مقلوبه
ام خالد :تم
جميله :جهزت الغداء وجمعت اخوانها وتضحك معاهم وتطالعهم كأنها اخر مره تشوفهم
روبى:جميله اكليي
جميله :والله مالي نفس بس اكلو انتم
خالد:عسى تسلم ايدتس ياجميله طبختس يهبل
صالح:احسن من طبخ فاطمه نصه ملح
فاطمه:قامت تسبه على الاقل انفع مب نفسكم بس اكل
ابو خالد وام خالد:وهي صادقه ههههههههههههههههههه
بعد الغداء الكل راح لشغله وابو خالد اخذ عياله معاه للحلال وعطى كل واحد شغل
جميله :يمه سويت شاهي تعالي اطلعي معاي للحوش نتقهوى
ام خالد :لا بروح لبيت ام محمد تبيني ضروري
جميله :زين بنتظرتس
ام خالد : طيب
فاطمه:راحت تغسل ملابس اخوانها
جميله :جالسه بالحوش تتقهوى بروحها وتشوف عمها عناد يطلع من بيت جدتها عممممم...
عناد:هلا شفيتس
جميله:تكفى ياعم تعال تقهوى معي ونسولف
عناد:والله ياجميله ان عندي شغل مستعجل ماقدر اتاخر
جميله :طيب💔
عناد:اول مافتح باب السياره بيمشى قلبه قرصه ماحب يكسر بخاطرها ورجع من نص طريقه
جميله:ارحبببببب
عناد :والله ماقدرت اخليها بخاطرتس
جميله: فديت قلبك يروحي
شوي الا يطلع العم باسل :اححح بالخيانه بدونييي ياجميله تتقهون
جميله:عبالي انك نايم تعالللللل خل تكمل فرحتي
باسل:اصلاً ماتزين الجلسه الا فيني
عناد:يقطه بالبسكوت اي اي
جميله :ههههههههههههههههههه
عناد:يالا بطلع والله تاخرت وكله عشان خاطرتس
جميله:الله يعطيك العافية
باسل:وانا بمشي ابوتس يبي اجي اساعده عند الحلال
جميله :وانت رايح لابوي ياعمرو الحلو لاتحط عينك بيت الحب وتطيح نفس اخر مره
باسل:قلبيي اللي يطالع تعبني هالقلب
جميله:يالله لاحد يموت من الحب
باسل:اسكتي لاحد يسمع بهرب
جميله:موفققق
دخلت البيت جميله تكمل باقي شغلها ى سوالف مع فاطمه وتطالع العنود وربى من الدريشه واهم يلعبون بالطيين
الساعه9ونص بالليل
جميله :تدرس عندها اختبار وتدعي ربي تنجح فيه
روبى والعنود :يكملون تلوين
الباب يدق بسرعه ويفتح الا ام محمد:وين العنووود ماتشوف الساعه كم!
العنود سمعت صوت امها:وتجي ورا ظهر جميله تكفين ياجميلههههه بتطقني ماعلمتها بجيكم
جميله:ماعليتس
ام محمد:سلام عليكم
جميله :عليكم السلام تكفين يخاله بوجهي ماتجينها
ام محمد:والله ماتسلم كل يوم تطلع بالليل وانا مادري
جميله :بوجهي هالمره يخاله
ام محمد :عشان جميله بس
العنود :اخذت دفترها وانطلقت لبيتهم
ام محمد جلست شوي مع ام خالد تسولف ويتقهون
والله يأم محمد برد يقطع الجلد يارب رحمتك
ام محمد:اي والله البيت كله ثلج وفيه دفايات على الفاضي
ام خالد :الله يعين وتنزل راسها
ام محمد:شفيتس وانا اختس
ام خالد:متضايقه احس بحجر على صدري مدري من ايش
ام محمد:أذكري الله آلا بذكر الله تطمئن القلوب
ام خالد:ان شاء الله
ام محمد:بطلع والله للبيت البنات برحهم كانت ام محمد حامل بشهرها الاول
ام خالد :انتبهي من البرد
ام محمد:ماعليه
ام محمد تطالع جميله بجلال صلاتها شتسوين ياجميله قلبي ؟
جميله:شوفي يخاله الدعاء هاذا يجنن اسمه وحشة القبور
أم محمد:بسم لله شجاتس عليه؟
جميله:شفته بالصدفه والله وعجبني قلت اقراه وصلي والوتر ونام
ام محمد:الله يوفقتس وينجحتس بختبارتس بكرا
جميله:امييييننننن والله ماخذه همه بس والله ماافتحه زياده تعبت
ام محمد:ارتاحي يروحي خلاص
جميله:ان شاء الله تصبحين على خير
ام محمد :تلاقينه
صالح دخل من برا وشاف جميله بالصاله تصلي
جلس جنبها وماتكلم عشان لايقطع صلاتها وبعدها قام وضاء وجلس يصلي جنبها طالعته جميله
جميله:غمزت له بمعنى شفيك
صالح:ولا شى
جميله:تكلم اعرفك
صالح:ابوي طقني قدام العمال اليوم عند البل
جميله:قامت تضحك عشان تخفف عليه
صالح:خير في شى يضحك
جميله:انت ماعليك كل يوم تنطق المفروض صار عندك مناعه
صالح:أنشهد ههههههههههههه
جميله:بنام انا والله تعبت
صالح:وانا والله بنام تعبت من الكرففف
جميله:تصبح على خير يبعد عيوني
صالح:وانتي من اهله يروحي.
............^..........
الساعه 4:19بيت ابو خالد
ام خالد تمشي بين الغرف تقعد العيال والبنات لصلاه وتدور بينهم دخلت عرفت البنات نايمين كل وحده بمكان روبى عند راس جميله وجميله مغطيه كل جسمها وراسها
ام خالد:جميله بنتي قومي صلاه جميله يقلبي
ماردت جميله ام خالد جميله جميله يمه قومي شفيتس ماتصحين قامت ام خالد وهزتها يمه شفيتس اليوم ماقمتي بسرعه
وتهزها شوي وتسحب الفراش عن وجهها الا بنتها وجهها كأن احد خانقها بالمخده وسحبتها ام خالد بجهة اليمين وترفع وجه بنتها عن المخده الاااااااا جميله ميتههه ام خالددد تصارخخخخ وتنادي ابو خالدددددد يااسلطاننننننننن بنتي ياسلطاانن سلطاااننننن الحقني ياسلطانن
ابو خالد على سجادته وماسك المصحف يقراء قفله ويسمع الصراخ عرف فيه مصيبه ويقول يارب لاتفجعني بعيالي يارب لاتبلاني بعيالي
يارب ويزحف على ايده ارجووله ماصارت تشيله لحد ماوصل ورفع جميله يقرب ايده يشوف النبض
وصالح :جاء يجري قاعد من النوم يمه شفيتسسسسس ويصارخ
خالد:طايح عند الباب ويضرب راسه بالجدار يبه تكفى يبه جميله عيت تصحى يبه جميله ماتكلمني يبهههههه
صالح:منصدم وماسك امههه يمه تكفيننن لا بتصحى
فاطمه:تطالع بالزاويه ماتحركت بس تطالع وتنزل دموعها
روبى: قاعده فوق راس جميله وساكته وتنزل دموعها
ابو خالد قرب يشوف النبض اول ماشاف ما فيه نبض صارخخخ اهههخخخ ياجميله يابنتي اهم ياوردتي وسحبها وحط راسها على كتفه واحضنها ويبكي يقول نادوووو لي عبدالله نادوووو عبدالله (عبدالله اللي هو ابو محمد )خالد يجري لبيت عمه كل مايقرب يحس البيت يبعد منه
في بيت ابو محمد
ام محمد قامت ترتل قران وقعدت ابو محمد ماقام قالت شوي ورجع اقعده
الباب يدق بقوههه كان احد بيكسره ام محمد يالله يربي سترك يالله ياربي رحمتك
ابو محمد:فز من فراشه لااله الا الله بسم الله يارب تستر
خالد: ياعممم تكفى ياعم تكفى الحقنا ياعم
ابو محمد: يرجفففف شفيكممم ويهز خالد
خالد:ياعم جميله ماتتحرك تكفى ياعم
ابو محمد:لااله الا الله لا اله الا الله واخذ ثوبه واهو يجري لبيت اخوه يلبسه واهو يمشي ولبسه بالمقلوب
خالد:وراه يجري تكفى ياعم تكفى ياعم لاتموت اختي