"အေးအေးသမီး"
သူငယ်ချင်းတွေဖြစ်ကြ၍လွန်းငယ်နှင့်လက်ချင်းချိတ်၍ ရွှေကူတို့အပြင်သို့ထွက်ခဲ့လိုက်တော့သည်။ နောက်မှပါလာသည့်လူကိုလွန်းငယ်မိတ်မဆက်ပေးလဲ လွန်းငယ်ရဲ့ချစ်ရသူဆိုတာရွှေကူမှန်းမိပါသည်။ဘာလို့ဆိုမနေ့ညကလွန်းငယ်ကပြောပြတယ်မဟုတ်လား။
"လွန်းငယ်တို့ လိုက်ပို့ဖို့မလိုတော့ဘူးထင်တယ်နော်ရွှေကူရေ.."
လွန်းစကားကြောင့်ရွှေကူ ဘေးဘီကြည့်မိတော့ကားရဲ့ဘေးမှအကိုလေးက မျက်မှန်အနက်ကြီးတပ်ပြီး ရွှေကူတို့ဆီကြည့်နေလေသည်။
"ဟင်..အကိုလေ "
"ရှင့်လူကြီးနဲ့ထားခဲ့တော့မယ်နော်ရွှေကူ"
"အို.. လွန်းနော်ကြားသွားရင် ရွှေကူ့ကိုအိမ်ပေါ်ကနှင်ချနေပါအုံးမယ် "
ရွှေကူတို့ကစနောက်တယ်ဆိုပေမယ့်လဲ အကိုလေးကြားသွားလျှင်စိတ်ဆိုးသွားလောက်ပါသည်။ဘာလို့ဆိုရွှေကူတို့ကမောင်မှမတွေမဟုတ်လား ရွှေကူ့အပေါ်အကိုလေးဂရုစိုက်နေတယ်ဆိုတာလဲ ရွှေကူ့ကိုညီမလေးလိုခင်တွယ်လို့မဟုတ်လား။
ရွှေကူ့အကြောင်းကိုလွန်းငယ်အသိဆုံးပင်။ ရွှေကူက အကိုကွန့်မြူးဝေကိုကြိုက်နေတယ်ဆိုတာ သူ့ဘာသာမသိသေးယုံပါ။ ဘေးကလွန်းငယ်ကတော့ ဒီကောင်မလေးအကြောင်းသိလို့စသလို နောက်သလိုနဲ့ အမြဲတွန်းပို့နေတာတောင် ဒီတစ်ယောက်ကထုံနေတုန်းပင်။ ရွှေကူရယ်အလိုက်တာနော် ဘာလို့အခုထိမြင်အောင်မကြည့်တတ်သေးတာလဲရွှေကူရယ်။
"အကိုမြူးဝေ ရွှေကူ့ကိုလာကြိုတာလား"
"ဟုတ်တယ်ညီမ "
"လွန်းငယ်တို့ကလိုက်ပို့မလို့ပဲ လာကြိုတာဆိုတော့လဲထားခဲ့တော့မယ်နော် ရွှေကူရေလွန်းငယ်တို့ပြန်ဝင်တော့မယ်နော်"
"အင်းလွန်း "
လွန်းငယ်တို့နှစ်ယောက်ကလက်ချင်းတွဲ၍အထဲပြန်ဝင်သွားသည်ကို ရွှေကူလိုက်၍ကြည့်နေမိတော့သည်။ ဘယ်လိုပဲကြည့်ကြည့် အဲ့အတွဲလေးကချစ်စရာလေးပင်ဖြစ်နေလေသည်။ လွန်းငယ်ရယ်ရွှေကူအားကျနေပြီနော်။ မိဘတွေကလဲအရမ်းချစ်ကြသလို ချစ်သူဆိုသည့်လူကြီးကလဲလွန်းငယ်ကိုအရမ်းချစ်မည့်ပုံဖြစ်လေသည်။
Part 💭 21 (U&Z)
En başından başla
