*بعد ما ضايع ضرب جلال بالساطور!..وقع وهو غرقان في دمه!..طلعت تجري ليالي وهى بتصوت ونعمه اترميت على الأرض تصرخ وكانت بتمسك التراب وتنزله على دماغها..وأم الديب كانت بتصوت ومش قادره تقف على رجليها..لحد ما ضايع مشى واختفى خالص*
ليالي(بصويت) :لاااااااا...جلاااال..جلاااال...جلاااااال
نعمه(بصويت) :يالهواااااي...يالهواااااي....اخويااااااا...ياماااا
ام الديب(بصويت) :جلااااال
المعلم حنفي(بصدمه) :جلال!!..جلال!!
*وجاتله ذبحه صدريه ووقع على الأرض أغم عليه!..وبعد ما ودوه المستشفى..كانت ليالي في عالم تاني ومش حاسه بـ أي حاجه وكلهم ملمومين برا..لحد مالدكتور خرج*
الدكتور:البقاء لله..شدوا حيلكم
ليالي(بصويت) :اااه ياجلاااال...اااااه ياحرقة قلبي عليك...روحت وسيبتني انا وعيالك...اه يابختك المايل يا ليالي...ياااارب خدني وراه...هعيش بعدك ازاي ياجلال؟؟
نعمه(بصويت) :اخوياااا اخويا اخويااا يا ليالي اخوياااا ياما اخويا اخويا
*وعماله تلطم وتتنطط من الصدمه! *
ام الديب(بصويت) :ياعيني عليك يابني...روحت في عز شبابك..والعيلين الغلابه دول هتسيبهم لـ مين؟..آني اه كنت عايشه معاه في مشاكل.. بس ده ابني يااارب...ابن بطني...ياضنايااا ياجلال...اهيء اهئ اهئ
_____________في العزا___________
*كان الخبر صدمه عليهم كلهم..واحمد وهايدي كانوا في حالة صدمه شديده كأنهم في حلم!..وليالي مش مبطله صويت هي ونعمه وكل الستات بيحاولوا يهدوهم مش عارفين*
ام ليالي(بصويت) :يااارب ارحمها البت مش مستحمله..جلال مات؟؟..ازاي طيب؟؟...ازاي ياعالم...ده كان فيه صحه تهد جبال...يارب الصبر من عندك
ليالي(بتلطم) :راح وسابني ياما...راااااح...ااااه ياقلبي...اه ياقلبي اه وستين اه...لا يارب...يارب والنبي...يارب اكون بحلم
هبه(بعياط) :اهدي يا ليالي عشان عيالك..انتي مش شايفه العيال عاملين ازاي؟؟
حمود(بصويت) :ابوياااا...ابويااااا
*قامت ليالي علشان تشوف جلال قبل مايتغسل..لقيت اخوها صابر جاي هو واحمد وأشرف وحامد وعم سلامه*
ليالي(بصويت) :عايزه اشوفه..ابوس أيديكم..ابوس ايديك يابا...عشان خاطري يا صابر..والنبي أشوفه..دي آخر مره هشوفه فيها..ومش هشوفه تاني!
صابر(بحزن) :اهدي يا ليالي ياختي..كلنا لها..محدش هيعمر فيها!
ليالي(بصويت) :ياحبيبي..ياجوزي ياحبيبي..ياحبيبي ااااه
*ووقع على الأرض واغم عليها..وفجأه صحيت من النوم ووشها غرقان عرق..وضربات قلبها زايده..وبتتنفس بسرعه..وبتبص حواليها..لقيت جلال قصادها..قامت تصرخ وحضنته*
جلال(مستغرب) :مالك يابت؟؟..ايه اللي جرالك؟؟
ليالي(بعياط) :انا بحبك اوي ياجلال...وعمري ماهزعلك ياخويا..ده انت جزمتك دي فوق راسي..اضربني بالشبشب ومش هفتح بؤي بـ نص كلمه بس متسيبنيش!
*ضحك جلال وشدها وقعدوا على السرير*
جلال:مالك طيب في ايه؟؟ ماتفهميني!
ليالي(بعياط) :حلم وحش اوي اوي ياجلال..صاحيه قلبي مقبوض وهموت من كتر الخنقه...ابوس ايديك ورجلك ماتسيبني ده انا مليش غيرك
جلال(بيضحك) :يابت وانا هسيبك ليه بس؟..هو حد يقدر يسيب نفسه؟
ليالي(بعياط) :يعني مش هتسيبني ياجلال؟؟
جلال:لا اله الا الله ايه اللي جرا بس؟..وبعدين يابت انا بقالي نص ساعه بصحي فيكي..ابوكي اتصل عليكي فوق الـ 10 مرات عشان يقولك شبكة اخوكي الخميس الجاي
ليالي(بعياط) :مش عارفه مالي ياجلال...والنبي ما عارفه...طب هو انت قولت لـ حمود يجي يقولي انك هتتجوز ولا ده كان جوا الحلم برضه؟
جلال:لا ده كان بحق وحقيقي..احنا من ساعة مارجعنا من حوار الشقه وانتي نايمه..هو انتي واكله ايه يابت قبل ماتنامي؟
ليالي(بتضحك) :والنعمه ما كلت حاجه
