ليالي(مصدومه) :ايه اللي انتي ماسكاه في ايديكي ده ياحماتي؟
ام الديب:بينى وبينك يابت ياليالي.. الفار اللي في ايدي دهو.. بقاله كام يوم مغلبني ومش لاقياه.. بس الحمدلله لقيته..خلوه عندكم يغير جو شويه تلاقيه زهق من شقتي
*وحدفته في شقة ليالي..واول مااتحدف فضلت ليالي تصرخ وتجري زي المجنونه وأم الديب سابتها ومشيت*
ليالي(بصويت) :اااااه الحقووووني...فاااار...فااار
*ام الديب وهى نازله على السلم بـ شماته*
ام الديب:تعيشي وتاخدي غيرها يابت هيهيهيهي
________عند زياد وهايدي______
*كانوا وصلوا المول..كانوا ماشيين قدام هما ونعمه ووراهم المعلم حنفي وحسين وفي الآخر خالص جلال..وطول ماهما ماشيين كانت الناس بتبص لـ جلال بخوف لإن شكله بيئه وسرسجي! لحد ماوصلوا عند قسم الأجهزه*
زياد:اهي التلاجه اللي بقولك عليها!
هايدي:هى حلوه اوي وفخمه بس مش هينفع أكيد غاليه
زياد:مفيش حاجه تغلى عليكي ياهايدي..احنا هنجيبها انا خلاص قررت
هايدي(بتردد) :شكراً يازياد انت بجد كل يوم بتثبتلي قد ايه بتحبني!..مابقتش عارفه اردلك نص اللي بتقدمهولي!
زياد:يا هايدي اللي بيحب بجد.. مش بيبخل على اللي بيحبه بحاجه وبيبقي عايز يجيبله نجمه من السما
*وكانت نعمه واقفه في النص.. تبص لـ ده شويه ولـ ده شويه*
نعمه:طب بقولكم.. ايه رأيكم تأجلوا كلام الحب والرومانسيه دي لـ وقت تاني..وتخلصونا
هايدي:خلاص يانعمه في ايه؟
نعمه:انتي اللي في ايه ياهايدي مالكم كده؟..ده انا لو أمي كانت جات معانا وسمعت الكلمتين دول كانت علقتكم من هدومكم
زياد:وايه المشكله يعني لما اقولها كلام حلو أعبرلها بيه عن حبي؟
نعمه:انتوا عندكم حق عيشوا يومين قبل الجواز..علشان بعد الجواز هتولعوا في بعض من كتر المسئوليه اللي هتبقى عليكم
زياد:لا اتطمني انا هفضل كده دايماً سواء قبل الجواز او بعده
نعمه:طب يارب.. ده انا اتمنالكم الخير.. بس خفوا علينا ده هى مراره واحده مفيش غيرها!
هايدي(بـ غل) :طيب قدامي يانعمه نشوف الاجهزه
نعمه(بإستغراب) :يلا بينا ياختي
__________عند ليالي__________
*فضلت تلف حوالين نفسها واتصلت بـ جلال تحكيله*
ليالي(بعياط) :بقى أمك تحدف عليا فار ياجلال؟..اهو الفار دخل شقتي ومش عارفه اتصرف
جلال(بإستغراب) :يعني ايه ياليالي.. فار ايه اللي هى حدفته عليكي ده؟
ليالي:ايوه زي مابقولك كده.. زمانه قرقدلي عفشي..ولا المصيبه الأكبر ممكن يعضني انا والعيال ويجيبلنا الطاعون
جلال(مستغرب) :هى أمي مالها ومالنا؟بتعمل معانا كده ليه؟
*وعلى الناحيه الأخرى كان المعلم حنفي وحسين بيتكلموا*
حسين:انا مستني يوم فرح زياد بـ فارغ الصبر..الواد كانت حتة لحمه حمرا.. كبر قدام عينيا لحد مابقى راجل ملو هدومه.. ااه لو أمه كانت عايشه كانت فرحت بيه اوي
المعلم حنفي:ربنا يباركلك فيه ويخليكم لـ بعض يا حسين ياخويا..ومايحرمكم من بعض ابداً وتشيل عياله
حسين(بحزن) :يااارب
*نرجع لـ جلال كان بيكلم مراته ومتعصب*
جلال(بزعيق) :وربنا لأوريها أيام سوده..أمي دي مفيش حد قادر عليها..بس تمام انا هخرب الدنيا فوق دماغها..اقفلي انا هكلمها.. سلام
*واتصل بـ أم الديب وكان صوته حاد اوي*
جلال(بزعيق) :الو ياما..عليا الحرام من ***.. هطلع ديك*** لما أرجع.. واللي بينا انتي هدتيه بـ **** حركاتك دي
*وكان بيشتم ولسانه طويل وده خلى الناس تاخد بالها وتبصله بـ قرف! *
حسين:لا ياجلال بلاش الكلام ده هنا..الناس ابتدت تبص
جلال(بزعيق) :وانا جايلك في خناقه ويا قاتل يا مقتول..مراتي خط أحمر..لا تهوبي ناحيتها ولا ناحية عيل من عيالي انا قولت كلام ومش هعيده دي بقيت عيشه *@#$
ام الديب(ببرود) :انت كنت بتقول ايه ياجلال أصل سيبت التلافون وروحت المطبخ اعمل كوباية شاي أعدل بيها مزاجي
