جلال(بزعيق) :خالي ايه اللي كتب بيتنا لـ مراته؟؟..مش كفايه سكعتينا على قفانا وكتبتهوله بـ اسمه؟؟..كمان رايح يكتبه لمراته ويسلمنا ليها؟؟..بقولك ايه ياما انا معنديش أيها مشكله أخلص عليكي دلوقت...تتصلي بـ خالي ضايع وتخليه يجي ونحل أم المشكله دي..وإلا ما هيهمني لا انتي ولا ابويا ولا هعمل اعتبار لحد..آمين ياما؟
ام الديب(بصويت) :يالهوي الواد ماسكلي المطوى..عاوز يموتني
جلال(بزعيق) :ياما اللي بتعمليه ده غلط وستين غلط..بقى بيتنا اللي شقينا فيه يروح للناس الغريبه على الجاهز؟؟
ام الديب(بخوف) :طب اقعد ياولا..اقعد وهعملك اللي انت عايزوا..اقعد ياجلال..كده خوفت العيال!
*ولما جلال لقى ابنه وابن اخته خايفين راح قاعد*
جلال:خد محمد واطلعوا عند عمتك ياض
حمود(بخوف) :ماشي
*طلع حمود ومحمد فوق..وأم الديب قعدت جنب جلال *
جلال(بزعيق) :بصي بقى ياما..انا شايف انك بتكرهيني وانا الصراحه مشوفتش أم بتهبب كده مع ابنها!!..لأ ومع مين ابنك الكبير أول فرحتك؟؟..لما انتي بتكرهيني انا وكل اللي من طرفي مكنتيش رمتيني في الترعه ليه وريحتيني؟
ام الديب:ومين قالك ان انا محاولتش؟..ده آني اول ما ولدتك ياولا لقيتك شكلك مش عاجبني جيت أرقد فوقيك زي مالفرخه بترقد فوق البيضه..جه ابوك ولحقك.. يلا منه لله
جلال(بزعيق) :عرفتي ياما انك بتكرهيني؟؟..رايحه تكتبي البيت لـ خالي ياما؟..وسايباني هنا باكل في نفسي؟..ماتدي كل واحد حقه وتريحينا بقى من المشاكل
ام الديب:لما ابوك يموت نبقى نقسم الورث
جلال:لا قصدك لما خالي ومراته يتكلوا على الله
ام الديب:الأعمار بيد الله
جلال(بزعيق) :تمام ياما..وديني مانا متحرك الا لما تتصلي بـ خالي..جلال ميسيبش حقه..جلال لازم ياخد حقه على داير مليم
ام الديب:ناولني التلافون
*قام جلال وراح يجيبلها الموبايل..وفي الوقت ده نزلت نعمه مع المعلم حنفي ومعاهم تقى وحمود ومحمد*
نعمه:يلا ياجلال
جلال:جلال لازق هنا لحد ما حقه يرجعله
المعلم حنفي:ايه ياجلال..في حاجه حصلت ولا ايه؟
جلال:تعالى احضرنا يابا..بقى أمي تكتب بيتنا لـ خالي ضايع..ويقوم خالي ضايع كاتبه لـ مراته؟
المعلم حنفي:تعالى ياض اما اقولك
*وشد جلال على جنب واتكلم بصوت واطي*
المعلم حنفي:ياض البيت مش مكتوب بـ اسم امك
جلال:ازاي يابا هو انت بتكلم عيال صغيره؟..ده انت اللي قايلي بـ عضمة لسانك انك كاتبه لأمي
المعلم حنفي:ياض انا عملت كل ده عشان اسكت امك..لكن العقد الاصلي معايا وبإسمي انا..انما اللي معاها مزور..وانا كان لازم أسكتها مانت عارف انها زنانه ولما بتمسك في حاجه مش بتسيبها
جلال(متعصب) :بقى يابا سايبني آكل في نفسي كل ده وهو مكتوب بإسمك انت؟؟
المعلم حنفي:شششش ياض..انت عايزها تسمع ولا ايه؟..تعالى نكمل كلامنا في الطريق..الكلام هنا مش هينفع
*وراحوا علوا صوتهم*
نعمه:في حاجه ولا ايه يابا؟
المعلم حنفي:لا ولا حاجه ده انا بقول لـ جلال بلاش مشاكل مع امك بدل ماترفعلها الضغط ولا حاجه
ام الديب:وآني من امتى فارقه معاك؟؟
المعلم حنفي:من ساعة ماعرفت ان البغل اتجوز وخلف
ام الديب:ايهي..انتوا رايحين فين يابت يانعمه؟
نعمه(بتردد) :امممم رايحين..رايحين...اه هقولك
ام الديب:ماتقولي انتي بالعه لسانك؟؟
نعمه:رايحين للداكتور مع ابويا اصله رجليه تاعباه
المعلم حنفي:اه يارجلي اه
ام الديب(بقرف) :جاك أوا
المعلم حنفي:شكراً ياوليه
نعمه:يلا يابا.. يلا ياجلال قبل ما الداكتور يمشي
جلال:اقعد ياض انت وهو مع ستك
نعمه:لا خليهم يجوا معانا
ام الديب:وهما العيال هيروحوا يهببوا ايه معاكم عند الداكتور؟
نعمه:اصل محمد وحمود وتقى عندهم رشح..شكلهم كده داخلين على دور عَيا
ام الديب:ايهي وسايبينهم قاعدين معايا عشان يعدوني؟؟..ماآني مش فارقه معاكم وان كان عليكم...
نعمه(بتقاطعها) :وإن كان عليكم عايزين تموتوني عشان تاخدوا البيت..خلاص ياما حفظناها..يلا عايزه حاجه؟
ام الديب:مع السلامه ياختي
*مشوا كلهم وأم الديب رزعت الباب ورجعت قعدت*
