قامت طيف بعد ماوخرعنها لفت شالها على راسها ونزلت تيشيرتها الي ارتفع ودموعها باقيه تنزل على الصامت
حس بيدها وهي تمسكه من كتفه لف يناظرها كانت تبكي : خلاص عثمان بتموته
لف يناظره كان انفه دم وشفته مجروحه وكدمات على وجهه بلون بنفسجي ووجهه ازرق بسبب خنقه له
وقف وللحين مابرد حرته يبي يقتله داس على منطقته بقوه خلت الثاني يصارخ بالم
تركه وراه وهو يمسكها من زندها بقوه ويجرها وراه
حاولت تبعد بس ماقدرت صارخت بالم: عثمان فكني
وقف يناظرها وقال بصوت مكتوم: افكك عشان تتفقين معه مرا ثانيه هااا؟؟ دامك تبينه ليه تزوجتيني ؟؟
ماحس الا بكف على خده كلامه كان اشبه بسيف طعنها ماتوقعته يفكر كذا ابد
///////
كانت تبكي وتقول كلام مش مفهوم فزت ورد من نومها تناظرها قامت تسمي عليها وهي تمسح على شعرها وتحاول تصحيها
صحت ساره وهي تبكي شافت ورد وقطت بروحها عليها وصارت تبكي بصوت عالي
صحت عبير من نومها مفزوعه قامت لهم : شفيه؟؟
رفعت ورد كتوفها بمعنى مدري: صحت من النوم تبكي يمكن حلمانه
رجعت عبير سريرها وتغطت كويس من البرد
///////
صار الفجر ومقدرت تنام كانت خايفه تحتاج حضنه بس زعلانه من كلمته
بالجهه الثانيه حس انه غلط بس غيرته عليها خلته مايفكر ماعرف ينام يبي يحسسها انه جمبها مايبيها تخاف ولا يعرف اذا بترضى لف الجهه الثانيه يناظرها بيتاكد اذا نامت شافها تناظر السقف ودموعها للحين تنزل
عدل جلسته : ادري اني غلطت بس وش كنتي تتوقعيني اقول بعد ماشفتك طلعتي نص الليل وانتي اساسا جايه متاخر واشوفه فوقك ها؟؟
مسحت دموعها : طلعت لاني معرفت انام وانت تفكر بغيري ونا جمبك
قرب منها : تغارين؟
حضنته وبكت مسح على ظهرها : انا معك دايم
بعدت عنه وهي تساله: تزوجتني عشان عيالك يعني ماهمك؟
مسح دموعها بابهامه: مين قالك ذا الكلام
نزلت عيونها
باس راسها : تدرين اني اعزك من قبل اتزوجك وماتزوجتك الا ونا منفتن وابي ذا الملاك لي وعيالي مرتاحين لك
ردت بصوت تعبان من البكي : بس تفكر بسعاد
نزلت راسها على صدره وهو يمسح عليه : انسانه عاشت معي اكثر من عشرين سنه تتوقعين انساها بسرعه تتوقعين اقدر انساها وانتي تشبهينها كثير
قالت بصوت باكي: لين سوينا علاقه نايدتني باسمها
غمض عيونه وهو ندمان مانتبه قال بصوت تعبان بعد تنهيده طويله: صارت تجيني باحلامي كثير صرت اسمع صوتها احسني مجنون تعبت
شدت على حضنه بدون تقول شي
حس بانفاسها انتظمت وعرف انها نامت غطاها زين وظل يمسح على شعرها وهو يفكر ويفكر ويفكر لين نام
