وصل مازن واستغرب المكان بيت ابوه؟ وش جابهم هنا دق على نافذة السياره نزلو بندر وباسل سلمو عليه
مازن : من جدكم قاعدين بذا الحر
باسل وهو متجهه للبيت : حياكم ادخلو
دخل مازن وهو مستغرب حط احتمالية ابوه باع البيت قبل يختفي مافي اي تفسير غيره
بندر بضيق: بالله مازن وش ذا الزواج وش صار فهمنا
مازن كان يناظر باسل (ليه اتكلم جمبه وراه يحاتي وكانه له دخل؟) ماهتم كثير وقص عليهم من طقطق للسلام عليكم
باسل بنفعال: وبدور الزفت ذي ليه ماتحشرها؟
ناظره مازن شوي وقاله : تراها امي
باسل وهو موصل حده: قال امك قال
ماحب يناقشه مازن واستاذن وهو طالع لمح ورقه جذبته اخذها وهو يقراها اسم امه قال بنفسه ( طيب ليه هي هنا ابوي مو باع البيت؟)
وجه انظاره للثنين الي وراه رفع حاجبه: ليه ذي الورقه هنا؟
باسل قام سحب الورقه منه : اترك كل شي مكانه
تقدم له مازن وهو يساله: مين انت؟ ليه جالس بيتنا ؟ وليه ذي الورقه الي مفروض عندي عندك؟؟؟
تنهد باسل وحس انه بيستقعد لو مادرا اخذ الورقه من يده واشر لمازن بمعنى اجلس جلس مازن وهو ينتظره يتكلم
باسل مادرا من وين يبدا ناظر لبندر تحمحم بندر : مازن لو تذكر كان في ولد بقدي وحنا صغار يعيش معنا
عقد حواجبه يحاول يتذاكر هز راسه بنفي :ماذكر
باسل : انا اخوك الي غربوني عنكم
مازن ضحك بسخريه : قال اخوك جيب غيرها
بندر: صدق يامازن اخوك
تبدلت ملامح مازن : بالله اخوي وتوي ادري عنه محسسيني فلم
طلع باسل بطاقته من جيبه وعطاها مازن الي قرا الاسم : باسل بن ماجد
ناظرهم وكانه يبي تفسير تنهد باسل وجلس يقص عليه من وفاة امه لين الورقه الي حصلها بمكتبة ابوه وعمهم سيف
\\\\\\\\\\
دخل الغرفه شافها نايمه جلس جمبها ابعد شعرها عن وجهها تردد بانه ينام جمبها او على الكنبه بالاخير قرر ينام جمبها لان لو ماصارت الحين بتتاخر كثير بعدين انسدح جمبها وحاوط خصرها دفن راسه برقبتها ماقدر ينام وهو يسمع صوت شهقاتها الي ماوقفت حتى بنومها يحس بذمب كبير معنه ماسوا شي! لكن الذمب متلبسه هو مايقدر يتحمل دموعها كيف لو هو الي سببها لها كيف يصير سبب بحزن زياده على حزنها ومعاناه غير معاناتها يفكر يسافر معها لبلد يكونون لحالهم فيه ينسيها كل الحزن معاه خذاه التفكير لين مانام وهو يسحبها له اكثر كانه يبي يدخلها داخله ويحميها من كل اللي عاشته
\\\\\\\\
مازن: يعني الحين انت اخوي بالاسم لانت من ابوي ولا امي ؟
باسل : ايه
مازن : وليه ابوي سماك باسمه
باسل: كل ذي الاسل عند ابوك خلني احصله بس
مازن: وساره؟
باسل بقهر: تحمد ربها مهي امها
مازن: يعني ساره اختي من ابوي؟؟
بندر قاطعهم وهو يقول بتفكير : مازن مو قبل شوي تكلمت عن الورقه؟
مازن بستغراب : ايوا
بندر: عندك ورقه تشبها؟
مازن : ايه عندي بس ليه
باسل بردة فعل مندفعه : ضروري تجيبهم
مازن وهو يوقف: بجيبهم بس فهموني
باسل: جيبهم ونفهمك
راح مازن السياره جاب الاوراق الي معه ورجع لهم :هاذهي الاوراق والحين فهموني
بندر وهو ياخذ الاوراق : بنقولك الي عندنا وتقولنا الي عندك
باسل : بالاوراق الي عندي عرفت اني مني ولد ماجد وفي جريمة قتل بقضية شرف
سكت مازن شوي كانه فهم شوي من الي عنده :طيب ونا شفت عن شهادت الزور والسبب زواج ابوي من امي انت
تنهد باسل شوي : اللعبه وضحت الحين بس في اشياء ناقصه ، احتاج محامي
بندر: سالم اكيد بيساعدنا
باسل بتردد: خوفي يصير مع عمه
مازن : الا سالم مع الحق دايم
باسل بتنهيده: اجل كلموه
