اخر يوم اختبارات طبعا باليومين الي طافو طيف جاها كلام بانها اخذت الي تبي وحملت من عثمان عشان فلوسه ومن الاشاعات ذي وظلت ساكته ومتحمله
وبالبيت مايخلو من النظرات الي تجيها من عيال عثمان كلها عتب بعضها كره وكلام امها انضغطت ذي الفتره كثير بدون يسالونها سبب نفورها كذا وعثمان مادخل البيت ابدا حده دوامه وبعدين الله اعلم وين يروح او وش يسوي
بالجامعه راحت طيف مع وجد وعبدالله ماتدري وش ينتظرها اليوم
خلصوا اختبار طلعت برا بتشم هوا وتنتظر وجد ووعد يطلعون وهي نازله شافت عثمان يضحك مع وحده وهو حتى بذي اليومين مايناظرها تحس بشعور غريب تكلم نفسها(اوه طلع من بنت لبنت وهم خايفين عليه ومين ذي الزفت الي تكلمه كذا دقيقه انا شكو الحين ماخليه يقرب واحاسبه بعد صدق لي عين) كانت واقفه قدام الدرج وهي تهوجس ماشافت نفسها الا باخر درجه مامداها تشوف مين دفها قامت تصارخ واغمى عليها بعدها
عثمان لف على الصراخ وشافها كان بيروح لها بس شاف وعد ووجد رايحين لها وقف مكانه
نادو الاسعاف شالوها واتجهو للطوارئ وعد راحت معها اما وجد دقت على عبدالله تقوله يعلم اي واحد يقرب لها يجي
بالمستشفى بعد مده طلع الطبيب
وعد قامت بخوف : بشر
الدكتور: انتي قريبتها ؟
وعد: ايه
الدكتور: ماجا حد من اخوانها
وعد كانت بتتكلم وشافت ضارار ووجد جايين
ضرار وقف جمبهم : شفيها طيف؟؟
الدكتور:جاها نزيف قوي ورضوض خفيفه راسها جاته ضربه قويه اغمى عليها بسببها استعادت وعيها واسفرغت كثير بس عطيناها منوم وماتشوفون شر
ضرار: متى نقدر نشوفها؟
الدكتور: قلتولي سقطت من الدرج من بدايته لنهايته؟
وعد: حنا جينا وكانت على الارض الي كانو شهود ماوضحو كيف طاحت
الدكتور: تقدرون تشوفونها بدون ازعاج مابتحس فيكم من اثر المنوم
ضرار: يعطيك العافيه دكتور
دخلو وجد ووعد الغرفه وعد قربت من طيف وهي تبكي وجد حاولت تهديها اما ضرار ظل برا عشان ياخذون راحتهم واتصل على ابوه : الو هلا يبا
عثمان:هلا
ضرار: بس قلت اعطيك خبر طيف بالمستشفى
عثمان يمثل عدم الاهتمام: اها
ضرار ماتوقع ردة الفعل هاذي: بس؟
عثمان: وش اسوي لها ؟؟
ضرار: تبقى زوجتك
عثمان: ياليت تعلمها قبل
ضرار بنرفزه: الله معك
وقفل منه وهو متنرفز
طلعوا وعد ووجد
ضرار: ببقى مرافق معها تقدرون ترجعون
ماناقشوه وراحو
اذن العصر طلع ضرار يصلي وقرر يروح البيت يغير ويطمن جدته ويرجع
\\\\\\
دخل غرفتها بالمستشفى بعد ماتاكد انه مافي احد عندها جلس يتاملها قرب اكثر ملامحها كل شي فيها يفتن باسها على راسها وشافها تحرك يدينها ، بعد شوي شافها فتحت عيونها
