قبل 15 سنه بيت ناصر كانت العايلة متجمعه سعاد وعثمان وعيالهم يلعبون مع طيف ومحمد
ناصر وهو يحط فنجال القهوه : بعد كم يوم بسافر للعلاج وبضطر اخلي طيف عندكم اذا ماعندك مشكله ياعثمان
عثمان: ابد عمي طيف حسبة بنتي بحطها بعيوني وتروح وتجي بسلامه ونت متعافي ان شاء الله
سعاد: يبا ومحمد؟
ناصر وهو يطالع محمد: باخذه معنا مابثقل عليكم يكفي عيالكم صغار وان شاء الله محنا مطولين
طبعا بسرع الاحداث عشان نروح لمحور الرواية بس لازم تعرفون حياة طيف
يوم الجمعه بالمطار يودعون ابو محمد ناصر ونورة وياخذون طيف معاهم
طيف كانت تخاف وماترضى تنام غير مع اختها وعثمان ماكان عنده وقتها بنات ومدلع طيف اخر دلع ودوم ينيمها بحضنه ويطلعها ومايخلي شي الا ويجيبه لها وسعاد تدعي الله يرزقها ببنت عشان عثمان يحب البنات
طبعا توفى ابو طيف بسبب المرض ورجعت نوره ومحمد بلدهم وطيف ماحست بفقد ابوها كثير لان عثمان كان معوضها عنه كانت تناديه عُثيمان وكانت غالبا تنام عندهم لين بدت تتحجب وامها تمنعها تقرب لعثمان لانها كبرت خلاص كانت فتره صعبه لطيف وكانت تغار من بنات اختها عشان عثمان يدلعهم طبعا يدلعها بس هي تبي تحس بحنانه نفس قبل كبرت وفهمت وصارت قريبه من بنات اختها كثير نروح لوقتنا الحالي واساس الروايه
/////
طيف وهي تصارخ مستعجله: يماااا محمد وينهه
نوره: طلع الحقي عليه
طيف وهي تركض تبوس راس امها وتطله بسرعه تركب السياره : وش الملعنه ذي ترا ماتاخرت كثير يوهه
محمد: عشان تتعلمين تجين بوقتك
طيف وهي تطالعه بطرف عينها : احلف
نزلت طيف المدرسه شافت صاحبتها وعد وحضنتها
وعد: تعالي اليوم بنحضر الطابور المديره بتتكلم عن مشروع التخرج
طيف: يوهه غثى من الصبح
وعد وهي تدفها: اقول امشي ونتي ساكته
المديره: كل فصل بيختار موضوع وابي مشروع كويس لان بقيم عليه خليت لكم الحريه بختياره وبخليه جماعي عشان يسهل عليكم طبعا قدامكم شهر لازم تخلصون فيه نهاية الدوام ابي المواضيع توصلي تقدرون تمشون
////
البنات بالفصل يقررون المشروع
بنت1: احس موضوع البيئه حلو
بنت2: لا قديم شرايك ببر الام
بنت1: دايم يتكلمون عن الام نخليها عن الاب ؟
البنات : اي حلو اتفقنا
وعد:انا اعترض
بنت تخزها :وليه ان شاء الله( بينها مشاكل مع طيف وووعد وتكرههم حيل )
وعد وهي ماتطالع لها: مو الكل عنده اب
طيف وهي تقرب لوعد : وعد انا موافقه
البنت: واذا ماعندها اب بتجي تحسدني على ابوي واكنسل المشروع عشانها تولي
طيف : ومين قال حاسدتك صدق توفى ابوي بس الله عوضني الحمد لله
البنت: الاب مايتعوض تحسبينه سلعه تقولين عوضني وجاني احسن باين اي واحد شفتيه رحتي تتلزقين تبين حنانه الي الله حارمك منه
وعد عصبت: ايششش دخلل ترا طيف اشرف منك صدق ماعندها اب لكن تربة احسن منك ياقليلة الاصل
بنت2 :وخالي عثمان اكبرر دليلل لين كنتي تنامين بحضنه ولا نسينااا
طيف وهي ترد على لين: وشفيك منقهره ترا عثمان زوج اختي وشايفني زي بنته ولا تغارين عشان مادلعك لين ابوك طلق امك؟؟
البنت قربت وهي معصبه بتضارب ومنقهره من كلامهم: ميننن قليلة الاصل يابنت ال**** يااا***
دخلت المعلمه : يابنت انتي وياها وش ذا الكلام استحو على وجهكم تراكم داخلين مدرسه مو بشارع
