باليومين ذي كان الكل مستنفر لملكة وعد وزواج طيف(طبعا طيف وافقت على عثمان بدون زواج ياخذها على طول )
يوم الخميس بالجامعه عند عثمان الي كان بياخذ اغراضه ويتوجه للكلاس حقه الي صار يجمع كلاس طيف وكلاسه بسبب حادث لدكتور كلاس طيف
دخلت وداد وبيدها قهوه: صباح الخير دكتوري
عثمان : ماحد طلب قهوه
وداد تفشلت ماتوقعت الرد:تعودت اجيبها لك كل صباح
عثمان: اسمعي من اليوم لاعاد اشوفك بذا القسم اطلعي بكرامتك وسوي نقل احسن ما انا اسويلك
وداد تمثل الزعل : ليه قصرت معك بشي
عثمان: كلامي واضح اطلع من القسم انتهى
طلع عثمان وترك وداد تحترق وراه تقول بنفسها(هين هين ان ماوريت ذيك البنت شغلها ماكون وداد) اخذت جوالها وكلمت بدور تقولها شصار
\\\
عند بدور الي نقهرتت بعد ماسمعت الخبر والملكه بتصير بكرا مافي وقت راحت كلمت بنتها لين على طول
بدور: هلا
لين: هلا يما عندي كلاس
بدور: خالك طرد وداد وناوي طيف خلاص
لين: هي معاي بالكلاس
بدور: سوي اي شي المهم ماتاخذ عثمان
\\\\
مازن كان قريب غرفة امه وسمع كلامها مايبي طيف لغيره ويدعي لين تسوي اي شي وتخرب ذا الزواج
توجه للجامعه على طول
\\\\
عند لين الي قالت لربعها اشاعه عن طيف وطبعا شلتها من النوع الي ينشرون الاخبار وصارت على كل السان والكل يطالع طيف بستحقار وهي ماتدري وش السالفه
اما وعد الي سمعت بالاشاعه وحرقت جوال طيف هي ووجد
خلص الكلاس وطلعت طيف وهي ماتدري وش فيهم الناس يناظرونها كذا شافت وعد وراحت لها
طيف: يما شفيهم ذولا فجأه يناظروني
وعد: في اشاعه منتشره عليك
طيف: وش يقولون
وجد: انك راعية عيال وفي صور لك مع عثمان داخلين المكتب لحالكم وكم مرا ركبتي معه السياره قدام وانك تغوينه
طيف الي نصدمت من الكلام وتجمعت الدموع: كذب والله انتوا تعرفوني
وعد حضنت طيف وكملت وجد : معليه يروحي اكيد سمعوا انك بتتزوجينه وهو معروف عند البنات هنا غيرانين
طلع عثمان وشاف البنات راح يسلم عليهم
وعد: لا عثمان لا تجي
قطب عثمان حواجبه مستغرب
وجد: ليه مايجي
وعد: ياذكيه بيتاكد الكلام الي نقال عن طيف لو جا
توجه لمكتبه مستغرب وارسل لطيف : انتي بخير؟
دق باب مكتبه تعوذ من بليس : ادخل
دخلو بنات له
بنت1: دكتور فاضي؟
عثمان: نعم شتبون
بنت2: عادي اسالك
عثمان: اخلصو
بنت1: سمعنا انك بتتزوج ذيك البنت
عثمان ستغرب شعرفهم وسكت عشان يكملون
بنت3: ايه وسمعنا انها ماهي كويسه قلنا نقولك لاتكذب عليك
عثمان: وانتو من وين جايبين الكلام
بنت2: عندنا صور لها مع عيال كثير تكلمهم وتمشي معهم
بنت1 وهي تمد له الجوال توريه: شوف الصور
عثمان شافها: وقال ذولا يقروبن لها ، ولا عاد اسمع ذا الكلام ولا وربي لو ماعدلتو ذي الاشاعه لاتوصل للفصل
