.تافف من قعدته تفكيره كله منشغل فيها قرر يروح لها البيت مو متحمل يبقى بدونها تافف من افكاره وتوجه لسيارته دايما الشوق غلاب
كلها دقايق ووقف قدام بيت عمه دق على صهيب مارد راح بيت جده الي ملاصق لبيت عمه مسعود ودخل من الباب الي بين البيتين، من حظه حصله مفتوح
وقف قدام غرفتها خايف هو يدري انها ماراح تكون بخير اليوم وخاصه انها لحالها، دق الباب مرا ومرتين توقع انها نايمه فتح الباب وسكره بعد مادخل
كانت الغرفه ظلاامم وبااارردهه كانها بثلاجه التفت لباب الحمام الي كان مفتوح وحصلها بالبانيو بس يدينها الي طالعه توجه لها بعد ماتحمحم عشان تنتبه له، فصخ ملابسه بهدوء ودخل معها، عتدلت بجلستها وهي تشوفه يدخل معها ظلو ساكتين ثنينهم مافي غير صوت المويا الي تصب عليهم
/////////
كانت بين الصاحيه والنايمه حركت يدها لفوق ورجعت نزلتها تتاكد وش لمست هي، فزت من سدحتها وهي تشغل الفلاش استوعبت انها نامت معه على نفس السرير! كانت مرتبكه هي وش سوت وش لازم تسوي تنهدت وهي توجه الفلاش عليه تتامله ماتنكر ان ملامحه حاده وتشع رجوله، سرحت بتفكيرها وهي تتامله
صهيب بصوت كله نوم ورجوله: اذا شبعتي تامل فيني نزلي الفلاش
حست على نفسها : لاتصدق نفسك كانت للنيه اصفقك عشان توصلني
صهيب قلب الجهه الثانيه: فاضي لك انا بنام
عبير بتذمر: عندي جامعه وماغيرت فستاني
صهيب حط المخده فوق راسه : مو مشكلتي
جلست عبير تتافف وهي ناويه تطلع لكن خايفه حد يشوفها
//////////
نازله تركض من الدرج يكفي تاخيرها عليه ساعه كامله وهو عنده محاضره قاعده تدعي مايفصل عليها من الصبح ركبت السيارة وبسرعه قبل يتكلم : السلام عليكم ورحمة الله وبركاته صباح الخير بالخير كله اكيد شربت قهوتك ومروق ماله داعي تعصب ادري تاخرت بس عادي صح
سبلت بعينها من تحت النقاب
ناظرها وضحك على سرعتها بالكلام حتى ماعطته فرصه يقول شي ، ولا عيونها الي مايقدر يقاومها : اول شي السلام عليكم (رفع حاجبه يخزها) وشش بالتفكير تدرين وراي محاضره يابنت بتبدا بعد نص ساعه !
نزلت عيونها وهي تلعب بيدينها:شسوي جهزت فطور والسبت لضرار ينتبه لهم بعد ماغيرت لريان
تنهد وهو يحرك السياره: يعني تقولين عيالي الي اخروك مو انتي
طيف وهي تهزر راسها: اي وبعدين وراي اختبار مفروض تساعدوني بدال قعدتك الي مالها داعي بسياره
عثمان:شربتي قهوه؟
طيف:هو في وقت اصلا
ضحك عثمان وهو يروح لطلبات السياره حقت دانكن: ولا تزعل حلوتي القهوه علي ركزي بختبارك بس
ابتسمت طيف وهم يستلمون الطلب: ايوا كذا ياعثمان حياتي
ضحك وهو يشرب قهوته ويمشي بكل رواقه للجامعه ما كانه متاخر
//////
صحت لين وهي تناظر حولها على امل تلمحه نايمه عندها لكن ابدا مو موجود حست بشي داخلها من قهر دقت على امها بكل سخط وهي تشتكيها هجر زوجها من اول ليله
بدور وهي تتحسب على الي قهر بنتها بيوم فرحها: يابنت تبين كل شي جاهز لازم تكسبينه لايضيع منك
لين بقهر: وشلون وهو مو عاطيني فرصه حتى!
بدور: زي ماتزوجتيه طرق عنه وعنهم تكسبينه تذكري انك غير عن ورد وعندك الي اي رجال يتمناه بزوجته
هدت لين بعد كلام امها وقررت تقوم تتزين وتبخر الجناح لين يجي بندر لانه مستحيل يخليها تنزل لحالها
