Unicode
-------------ညနေကအကြောင်းကိုပင် ဟန်ယူဂျင်းထပ်ခါထပ်ခါစဉ်းစားနေမိသည်
ကလေးဟူသောခေါ်သံကို သူ့အတွက်လူတစ်ယောက်ထပ်ခါထပ်ခါခေါ်ဖူးနေသည်ကိုသူသိသည်
ဘယ်သူလဲဆိုတာကိုတော့စဉ်းစား၍မရတစ်ချိန်ထဲမှာပင် သူသောက်နေကျဆေးက ရစ်ခီရှန့်ဆီမှာဘယ်လိုရှိနေမှန်းသူသိချင်နေသည်
မေးလိုက်ရင်သိရမယ့်အခြေအနေဖို့ ယူဂျင်းမဆိုင်းမတွပဲ ဖုန်းကောက်ကိုင်လိုက်လေသည်-----
ယူဂျင်းရဲ့အခြေအနေကို မျက်မြင်တွေ့လိုက်ရပြီးတဲ့နောက်
ရစ်ခီထူပူနေရသည်
အခုရောအဆင်ပြေရဲ့လားတွေးပူနေစဉ်ဖုန်းဝင်လာတာကြောင့် contact ကိုကြည့်လိုက်လေသည်<ကိုကို့ကလေးလေး🤍>
တစ်ခါမှကိုယ့်ဆီဝင်မလာဖူးသော contact လေးကြောင့်
ရစ်ခီအတိုင်းမသိပင်ပျော်သွားမိသည်
ချက်ချင်းပင်ဖုန်းကိုင်လိုက်ကာ"ဟယ်လို က..ယူဂျင်း.."
ကလေးဟုမခေါ်မိခင်မှာပင် ချက်ချင်းပြန်ပြင်လိုက်ရသည် အဲ့နာမ်စားလေးကြောင့် ယူဂျင်းနေမကောင်းဖြစ်သွားတာကို အထပ်ထပ်အခါခါစဉ်းစားကြည့်ရင်းအဖြေရခဲ့တာကြောင့် ထပ်မခေါ်မိစေဖို့ဆုံးဖြတ်ထားမိသည်
"ရစ်ခီရှန် ငါမေးစရာရှိလို့"
"အင်းမေးလေ ယူဂျင်း"
"ငါ့ဆေးကဘာလို့မင်းဆီရောက်နေတာလဲ..မင်းမှာဘာလို့ရှိနေရတာလဲ?"
"ဟင်...."
ရစ်ခီ ခဏငြိမ်သက်မိသွားသည်
အမှန်တော့ မေမေနှောင်းက ပေးထားတာဖြစ်သည်
ယူဂျင်းလေးခေါင်းတွေကိုက်လာရင် ရစ်ခီ့ကိုတိုက်စေချင်တာကြောင့် ယူဂျင်းမေမေကိုယ်တိုင်လာပေးထားခြင်းပင်အဲ့လိုဖြေလိုက်ရင် မေမေနှောင်းနဲ့ဘယ်လိုသိတာလဲ ဘာညာ မေးခွန်းတွေတစ်ထပ်ကြီးဖြေရင်း အရင်အကြောင်းတွေပြောပြမိတဲ့အခါ ယူဂျင်းအတွေးတွေပြန်ဆွဲယူနေမှာကြောက်တာကြောင့် ရစ်ခီလိမ်လိုက်ရတော့သည်
"ငါမေးနေတာဖြေအုံးလေ"
"အော် အဲတာက ဟိုနေ့က အကလေ့ကျင့်ပြီးပြန်ကြတော့ ယူဂျင်းကျနေခဲ့တာပါ အဲ့တာနဲ့ ကိုယ်ယူထားလိုက်တာ ပြန်ပေးဖို့ကမေ့နေလို့"
YOU ARE READING
အချစ်ဦးမို့ရူးမိသည်(အခ်စ္ဦးမို႔႐ူးမိသည္) ( Complete )
ספרות חובביםပွဲမမိချင်ပါဘူးနော် OTP မတူလို့ ပွဲလာမရှာပါနဲ့နော် ကိုယ့်အကြိုက်နဲ့ကိုယ်မို့ မကြိုက်ရင်ကျော်သွားလို့ရပါတယ်🖤 ပြဲမမိခ်င္ပါဘူးေနာ္ OTP မတူလို႔ ပြဲလာမရွာပါနဲ႔ေနာ္ ကိုယ့္အႀကိဳက္နဲ႔ကိုယ္မို႔ မႀကိဳက္ရင္ေက်ာ္သြားလို႔ရပါတယ္🖤