ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{130}

“ကျွန်တော် သူ့ကို မုန်းတယ်”
ကျိချင်းကျိုး ပြောလိုက်သည်။

“ကျွန်တော့်ပေါ် လေးစားမှုမရှိတဲ့လူတိုင်းကို မုန်းတာ”

“အင်း”

ချူချန်က ပြော၏။

“ဘာဖြစ်ဖြစ် အဲ့လူတွေကလည်း မင်းအတွက် အရေးပါမနေပါဘူး။အနည်းဆုံး မင်းကို အရေးကြီးတယ်လို့ ခံစားရတယ်သူကသာ မင်းပေါ် လေးစားမှုရှိမှာလေ”

သူက ကျိချင်းကျိုး၏ နဖူးလေးထက်အနမ်းခြွေပြီး နှစ်ကိုယ်ကြားရုံစကား‌ဆိုလိုက်တယ်။

“ကိုယ်ဆို အမြဲ မင်းကို လေးစားပေးမှာ...နော်?”

ကျိချင်းကျိုး မော့ကြည့်လိုက်ချိန် သူ့ကို နူးညံ့ကြင်နာစွာပြုံးပြနေသည့် ချူချန်ကြောင့် စိတ်အေးသွားပြီး ရှန်းဝမ့်ရှီအကြောင်း ချူချန်ကို ပြောပြလိုက်သည်။

ချူချန်မှာနားထောင်ရင်း အံ့ဩရသည်။

“လက်မှတ်ထိုးပြီးသွားတာတောင် မင်း သူ့ဇာတ်ကားမှာ သရုပ်မဆောင်မှာ မစိုးရိမ်ဘူးလား?”

“မမေးမမြန်ဘဲနဲ့တောင် ကျွန်တော့်စာချုပ်ဖျက်သိမ်းဖို့ ကူလုပ်နေတဲ့သူက ကျွန်တော် သရုပ်ဆောင်ချင်လား မဆောင်ချင်ဘူးလား ဆိုတာကိုရော ဂရုစိုက်မယ်ထင်နေလား? ကျွန်တော်က ဘာလဲ? ရောင်းချင်တိုင်းရောင်းဝယ်ချင်တိုင်းဝယ်လို့ရတဲ့ ကုန်သက်သက်လား? သူကစားချင်လာတာနဲ့ ဝယ်သုံးခွင့်ရှိတယ်ပေါ့။သိတယ်မလား! ဘယ်လိုကုန်ပစ္စည်းကမှကိုယ်ပိုင်တွေးခေါ်ခွင့်မရှိကြဘူးလေ!”

သူ ဒေါသတွေထပ်ထွက်လာသဖြင့် ချူချန်က ချော့သည်။

“စိတ်မဆိုးနဲ့တော့...သူတို့ငြင်းလိုက်ပြီမလား? ကိုယ့်ကောက အဲ့လိုမျိုး ဖြစ်ခွင့်ပြုမှာမဟုတ်ဘူး။စိတ်မပူနဲ့”

“တကယ်လို့ ခင်ဗျားကောက ကျွန်တော်က ဒီအချစ်ဆက်ဆံရေးပုံစံကြီးကို မကျေနပ်လို့ အလုပ်ပြောင်းချင်နေတယ်ဆိုပြီးထင်သွားရင်ရော။ကျွန်တော်က ရှန်းဝမ့်ရှီကို ဖုန်းဆက်ပြီး ကျွန်တော့်အတွက်ရပ်တည်ပေးဖို့ပြောထားတာဆိုပြီး ထင်သွားရင်ရောဘယ်လိုလုပ်ကြမလဲ?”