ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{88}

Unicode

“သူ့ကို သီချင်းဆက်ဆိုခိုင်းလိုက်ပါလား။သူခုနသီချင်းဆိုနေတုန်းက အရမ်းပျော်နေပုံပဲ” ယောက်ရှိုးယွမ်က ဆက်နေအောင်ပြောလာသည်။

ချူချန်တစ်ယောက် ကျိချင်းကျိုးကို ကြည့်လိုက်ကာ-

“မင်း သီချင်းဆိုချင်သေးလား”

ကျိချင်းကျိုးက တကယ်အိပ်ချင်နေတာဖြစ်ပြီး သီချင်းဆက်မဆိုချင်ပေ။ထို့ကြောင့် ချူချန်ပခုံးတွေထဲ ခေါင်းမြှုပ်ပြီး ခေါင်းယမ်းပြလိုက်သည်။

“သူတကယ်အိပ်နေချင်ပြီ။နောက်နေ့မှပေါ့။မင်းတို့ပဲ အရင်ပျော်ကြပါ။ငါတို့ ပြန်တော့မယ်”

တစ်ခြားသူတွေလည်း ဆက်မဆွဲထားတော့ပေ။ချင်းရွှယ်က အငှားယာဉ်မောင်းခေါ်ပေးလာပြီး ချူချန်ကတော့ ကျိချင်းကျိုးကို တွဲထူရင်း-

“ထ! ပြန်ပြီးအနားယူကြမယ်”

“သီချင်းမဆိုတော့ဘူးလား? ခင်ဗျားခုထိ မဆိုရသေးဘူးလေ” ကျိချင်းကျိုး မေးလိုက်သည်။

“ကိုယ် မဆိုတော့ဘူး”

ကျိချင်းကျိုးက ငေါင်တောင်တောင်လေး ခေါင်းညိမ့်လာ၏။

ယွီအန်းယီ သူ့လက်ကို သွားဆွဲပြီး ဂွတ်ဘိုင်လုပ်တော့ ကျိချင်းကျိုးကလည်း တာ့တာတွေအများကြီး ပြန်လုပ်ပြနေပြီး အကြိမ်ကြိမ် လက်ဝေ့ယမ်းပြနေ၍ ယွီအန်းယီရယ်မိတော့သည်။သူမရယ်တာမြင်တော့ ကျိချင်းကျိုးကလည်း လိုက်ရယ်နေ၏။

သူတို့ဟိုတယ်ထဲက ထွက်ပြီး ကားထဲရောက်ချိန်၌ ကျိချင်းကျိုးက ချူချန်ပခုံးပေါ်မှီရင်း အိပ်ဖို့ပြင်သည်။သူဝိုင်မူးနေရုံအပြင် ကားပါမူးလာ၏။ခဏလေးတောင် အိပ်မရပဲ အန်ချင်လာသည်။ချူချန်တစ်ယောက် မျက်မှောင်ကြုတ်ထားတဲ့သူ့ကိုကြည့်၍-

“ဘာဖြစ်လို့လဲ”

“အန်ချင်လို့”

“မူးနောက်နောက်ကြီးဖြစ်နေတာလား”

ချူချန် ခေါင်းကိုက်လာပြီ။သူလည်း ကားမှန်ဖွင့်လိုက်ပြီး ကျိချင်းကျိုးကို မေးလိုက်တယ်။