Unicodeကျိချင်းကျိုးသည် ချူချန်ပြောတဲ့အတိုင်း ကုတ်အင်္ကျီကိုယူပြီး ဓာတ်ဘူးထဲရေနွေးဖြည့်ပြီးမှသွားလိုက်သည်။မြောက်ပိုင်းညတွေကအနည်းငယ်အေးသဖြင့် ဟိုတယ်ကမထွက်ခင် ကုတ်အင်္ကျီလေးအရင်ဝတ်ထားလိုက်သည်။
ရှောင်ချန်းက စိတ်အားထက်သန်စွာပြောလာသည်။"အစ်ကိုကျိက အရမ်းတွေးတတ်တာပဲ…ကျွန်တော်ဆို အနွေးထည်ယူဖို့ဘယ်တုန်းကမှမတွေးမိဖူးဘူး…အစ်ကိုသာသတိမပေးလို့ကတော့ ကျွန်တော်အေးခဲသွားလောက်ပြီ"
ကျိချင်းကျိုးလည်း သူဘာသာ တွက်ထားတာမဟုတ်သဖြင့် ပြုံးပြုံးလေးပြောလိုက်သည်။
"ငါလည်း သတိပေးခံရတာ"
"ဘယ်သူလဲ အစ်ကိုကျိုးလား"
ကျိုးချန်ဖုန်းက ခဏလေးထွက်သွားတာဖြစ်သော်လည်း ကျိချင်းကျိုးရဲ့အစီစဉ်တွေအားလုံးကိုမှတ်မိနေဆဲဖြစ်ပြီး ကျိချင်းကျိုးနဲ့ရှောင်ချန်အား WeChat ရောဖုန်းကပါ တစ်ချို့ကိစ္စလေးတွေးကိုလှမ်းပြီးသတိပေးနေသေးသည်။
ကျိချင်းကျိုး ခေါင်းခါပြလိုက်သည်။
"ဒါဆိုဘယ်သူလဲ"
ရှောင်ချန်းက ပဟေဋိဖြစ်နေခဲ့တယ်။"မိသားစုဝင်ထဲကလား"
ကျိချင်းကျိုးနဲ့ချူချန်ရဲ့ဆက်ဆံရေးက တကယ့်ကို အဓိပ္ပါယ်ဖွင့်ဆိုရင်ခက်လှသဖြင့် ခဏလောက်စဉ်းစားလိုက်သော်လည်း ပြန်မဖြေခဲ့ပေ။
"သွားရအောင်" လို့သာပြောလိုက်သည်။ဆယ်နှစ်နာရီထိုးခါနီးမှာတော့ ချူချန်အိမ်ပြန်ရောက်လာခဲ့သည်။ကျိချင်းကျိုးအား WeChat ကနေစာတစ်စောင်လှမ်းပို့လိုက်ပြီး ကျိချင်းကျိုးကလည်း ပြန်ပို့လာသည်။
{စောစောအိပ်ရာဝင်ပါ}
ချူချန် နည်းနည်းတော့အံဩသွားမိတယ်
{ကိုယ့်စာကိုပြန်ပို့နေသေးတယ်ဆိုတော့ ရိုက်ကူးရေးမပြီးသေးတာလား}
{စောင့်နေတာ}
ကျိချင်းကျိုးပြန်ပြောလိုက်သည်။{ကျွန်တော့်အလှည့်မရောက်သေးဘူး}
YOU ARE READING
ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]
RomanceType Web Novel (CN) Genre Comedy Drama Romance Yaoi Author(s) Lin Ang Si 林盎司 Status in COO 167 chapters + 47 extras (completed) Associated Names Transmigrated as The Villain President's Lover Xuyên Thành Tiểu Tình Nhân Của Tổng Tài Hệ Phản Diện 穿成反派...