《နှင်းဆီဖြူနဲ့ကြာပန်းဖြူ》
Unicode
စွင်းယင်သည် ချူချန် နံပါတ်သုံးအရံနေရာကပါဝင်မည့်အကြောင်းအား ဖန်ယောင်ရွှမ်းဆီပြောပြလာတော့ လုံးလုံးမယုံကြည်နိုင်တဲ့သူက ဖန်ယောင်ရွှမ်းပင်။သူဖုန်းဖွင့်ပြီး Weibo ပေါ်တက်လိုက်မှ 《ချစ်သူ့ကဗျာများမှမြတ်နိုးသောစာမျက်နှာ》ရဲ့ တရားဝင်ဘလော့အောက်က ချူချန်ရဲ့ပုံတွေမြင်မှသာ ယုံကြည်လိုက်ရသည်။ချူချန် ရုတ်တရက်ကြီးဘာလို့ဇာတ်ကားရိုက်ချင်လာလဲ ဖန်ယောင်ရွှမ်းနားမလည်နိုင်ခဲ့။ပြီးတော့ သူနားမလည်နိုင်တာရှိသေးတယ်။ ရိုက်ကူးရေးအဖွဲ့က သူကိုမရွေးဘဲ နာမည်လည်းမရှိတစ်ခါမှသရုပ်မဆောင်ဖူးတဲ့ ချူချန်ကိုဘာလို့ရွေးကြရတာလဲ...
ဖန်ယောင်ရွှမ်းသည် အေ့ဂျင့်အား ဒါရိုက်တာထံဖုန်းဆက်ပြီးမေးခိုင်းလိုက်သည်။ ဒါရိုက်တာကလည်း ဘယ်လိုမှမရတော့ပြန်ဖြေလာပေမယ့် ရင်းနှီးမြှုပ်နှံသူက ညွှန်းပေးထားတဲ့လူလို့သာပြောလာ၏။စွင်းယင်က ဆူပူအော်ဟစ်လာသည်။
{အဲ့ရင်းနှီးမြှုပ်နှံသူကရူးနေတာလား ငါတို့မိသားစုက ယောင်ရွှမ်းကိုမသုံးဘဲ အသုံးမကျတဲ့သူကိုသုံးတယ်!!}
ဒါရိုက်တာဘက်က ခဏလောက်တိတ်ဆိတ်သွားပြီးပြန်ဖြေလာသည်။
{ရင်းနှီးမြှုပ်နှံသူက သူပဲလေ}
စွင်းယင်ကပါ အတန်ကြာ ကြက်သေသေသွားပြီးမှ နားလည်သွားခဲ့သည်။ ချူချန်က ဒီဇာတ်ကားရဲ့ ရင်းနှီးမြှုပ်နှံသူပဲ။ သူမ ဖန်ယောင်ရွှမ်းဆီပြောပြလိုက်သည်။
ဖန်ယောင်ရွှမ်းသည် အရှေ့ရှိထိုင်ခုံအားဆောင့်ကန်ချလိုက်သဖြင့် "ဘန်း ! " ခနဲအသံကြီးထွက်ပေါ်လာခဲ့သည်။
ချူချန်က ဒီဇာတ်ကားရဲ့ ရင်းနှီးမြှုပ်နှံသူဖြစ်နိုင်တာကို သူမတွေးခဲ့မိဘူး!!!
ဖန်ယောင်ရွှမ်းသည် ဒေါသကြောင့် အံတင်းတင်းကြိတ်လိုက်၏။
ရိုက်ကူးရေးအဖွဲ့က သုံးလေးယောက်လောက်ဖယ်ထုတ်ခံလိုက်ရတာ အံ့ဩစရာမရှိတော့ပါဘူး !
သူ့ဘက်က အရင်ကမ်းလှမ်းတာကိုငြင်းခဲ့ကြတာလည်း အံ့ဩစရာမရှိတော့ပါဘူး !
YOU ARE READING
ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]
RomanceType Web Novel (CN) Genre Comedy Drama Romance Yaoi Author(s) Lin Ang Si 林盎司 Status in COO 167 chapters + 47 extras (completed) Associated Names Transmigrated as The Villain President's Lover Xuyên Thành Tiểu Tình Nhân Của Tổng Tài Hệ Phản Diện 穿成反派...