{Unicode}
"အချိန်တခဏလေးဆိုရင်တောင် ကျွန်မ သူရဲကောင်းတယောက်ဖြစ်ချင်တယ်၊ ရွေးချယ်ပွဲအောင်ပြီးတာနဲ့ ချက်ချင်း ကျွန်မနယ်ကို ပြန်ဖို့ စီစဉ်ထားတာပါ၊ ကျွန်မ အစ်ကိုအဖြစ် တချိန်လုံးဟန်ဆောင်နေလို့ မဖြစ်ဘူးလေ"
စီရီရာက သူမအိပ်မက်ကို ရက်အနည်းငယ်လောက်သာ ရယူနိုင်ဖို့ ကြိုးစားခဲ့ခြင်းဖြစ်သည်။ သူရဲကောင်းဖြစ်တာက သူမဘဝမှာ အတိုဆုံး ရက်သတ္တပတ်ဖြစ်လာမှာပေမဲ့ သူမနှလုံးသားမှာ တိတ်တိတ်လေး သိမ်းဆည်းထားတဲ့ အိပ်မက်ကို ရယူနိုင်ဖို့ အခွင့်အရေးဟု ထင်သည်။ ရက်အနည်းငယ်သာ ဆိုရင်တောင်မှပေါ့...
"ကျွန်မအစ်ကိုက အပြစ်ကင်းတဲ့သူပါ၊ ကျွန်မက မြို့တော်ကို လာဖို့ အတင်းတောင်းဆိုခဲ့တာ၊ အဲ့ဒါကြောင့် ကျေးဇူးပြုပြီး..."
စီရီရာက သူ့အကျီအနားစကို ဆုပ်ကိုင်ကာဆိုလာတာမို့ လုခ် တံတွေးမျိုချကာ ခေါင်းတဖက်လှည့်လိုက်သည်။
"ကျွန်..ကျွန်တော် မင်းရဲ့ လျို့ဝှက်ချက်ကို ထိန်းသိမ်းပေးထားမယ်၊ ဧကရီရော... အစကတည်းက မိန်းကလေးရဲ့ လျို့ဝှက်ချက်ကို သူ(မ) ဖော်ထုတ်ဖို့ အစီအစဉ်မရှိဘူးဆိုတော့ စိတ်ချလို့ ရပါတယ်..."
"ဒါ...ဒါဆို..."
မျှော်လင့်ချက်တွေနဲ့ ပြည့်နေတဲ့ မြသားသဖွယ် မျက်ဝန်းတွေကို လုခ် ခေါင်းရမ်းပြလိုက်သည်။
"သူရဲကောင်းရွေးချယ်ပွဲကို ဝင်ပြိုင်ဖို့က အန္တရာယ်များလွန်းတယ်၊ မိန်းကလေး.. ကျွန်တော့်လိုပဲ တခြားလူတွေလဲ မင်းက မိန်းကလေးမှနိး သတိပြုမိသွားလိမ့်မယ်၊ ဒီလိုသာ ဖြစ်လာရင် မိန်းကလေးသာမကပဲ ကျွန်တော်တို့ နယ်စားအိမ်တော်ရော ဧကရီပါ ဒုက္ခရောက်လိမ့်မယ်"
မြို့တော်ကို ယောကျာ်းလေးဟန်ဆောင်ကာ လာခြင်းနဲ့ သူရဲကောင်းရွေးချယ်ပွဲမှာ ဝင်ပြိုင်ခြင်းက ကွဲပြားခြားနားတဲ့ အရာနှစ်ခုဖြစ်သည်။ သူရဲကောင်းရွေးပွဲကို ဝင်ပြိုင်ကာ အဆိုးဆုံးအနေနဲ့... မှားယွင်းတဲ့ နာမည်အောက်မှာ သူကောင်းပြုခံခြင်းက ဧကရာဇ်နဲ့ တခြားသူများကိုပါ လိမ်လည်ရာ ရောက်ပေလိမ့်မည်။
![](https://img.wattpad.com/cover/315850108-288-k324459.jpg)
YOU ARE READING
Your Majesty is annoying (Myanmar Translation)
RomanceI am not the original publisher of the story. This is just a fan translation.