طول هاليومين قطع بالواير ونت ماكو ي
سووونه وماكو غيرنه الراوتر وسئلنه ابو اببرج هم ماكوو نت تالي الا عرفنه اكو كطع بالواير
اعتذر بنات البارت لازم من امس ينزل اتمنا لكم قرئه ممتعه ونهايه مرضيه
...
رجعتلنه اساور بس عباره عن جثه لا تضحك لا تحجي واكثر اوقاتها بليل تفز مخروعه
اما سرى صافنه وحاطه ايدها علي خدها تباوع البطنها وتجر حسرات
انا ؟ يوسف صارله شهر مو يمي بعيد عني گلبي ياذيني من تجي صورته كبالي طفت روحي
الشي الحلو الوحيد هو علي صار اقرب النه هواي من قبل واحتوانه وصار اخ واب وصديق
دائما يحاول يغير النه نفسيتنه يطلعنه يشتريلنه
بس حزن طاغي بالبيت
امي مثل ما هيه زعلانه عليه بس شغله عجبتني من اجت اساور وراحت تحضنها اساور دفعتها ودارت وجها العلي كالتله خليها تبتعد مني وعلي ايدها على هالشي نقهرت شفت امي تبجي رحت ردت احضنها دفعتني ودخلت غرفتها بدون كلام
انا و سرى ظلينه مستغربين بس جان بوقتها الوضع مو مال نسئل كلت خلي يومين ثلاثه تتعده
بس اليومين والثلاثه اتعدن ومشه الوكت وصارن ثلاثين يوم ..
بعد مرور شهر جنه كاعدين على الريوك
دخلت زينه و امها من الصبح الساعه 8 كلنه فزينه بدخلتهن
باب الشارع جان مفتوح علي الصبح طلع سيارته و غسلها ما قفل الباب مجرد سده سد لهذا كدرن يدخلن علينه واحنه كاعدين نتريك
كلنه وكفنه انصدمنه بشكل زينه والكدمات الي بوجها
ركضت امها شمرت روحها على علي
* ولك فدوه ابوس رجلك بتي كضنها موتنها وهيه شايله ابنك
نسوان اسد ما رحمن حالها ولا حالي بتي ومالنه احد جبتها واجيت احسبني دخيله عليك
وهيه مرتك وشايله ابنك
اخذتنه حاصل فاصل تبجي وتشهك وتتوسل بعلي
عيوني راحت العلي شفته يسرق نضرات الزينه يريد يروح الها بس شنو المانعه انا لحد هسه ما عرفته سئلته مرتين عليها ما قبل كله يكلي نحجي غير مره
رحت يم زينه واكفه تبجي على صفحه لافه روحها بعبايتها جريتها باوعتلي هزت راسها لا
** امشي زينه بوسي رجلج واعتذري منه ما اعرف شنو الصاير بس اعرف اخوي ما يزعل لو ما الغلط جبير
ظلت اتباوع بوجها خايفه منه هو دار وجها مبينه مو من گلبه
اخذتها ورحت يمه دنكت تريد تبوس ايده جرها منها
