فتحت عيني الغرفه ظلمه ضوه خفيه نايمه مثل ما انا باوعت رافد نايم يمي غمضت عيوني حيل ربي كون حلم ظليت اردد كون حلم حلم
رجعت فتحت لا مو حلم هذا رافد العار
حاولت اكوم مكدرت جسمي مكسر جبل طايح عليه طلعت مني صرخه خفيه فز رافد فرك عيونه باوع للساعه وطفر
رافد* خرب الدنيا ليل لج كومي
طفر فتح الضوه واجه يمي
رافد* بيج شي ليش متكومين
** ولي عن وجي اتغشم نفسك حضرتك
كمت قويت روحي كعدت على حيلي الف روحي
رافد * ليش متحترمين نفسج لتخليني ارجع عليج
فضيها كومي
جرني حيل من ايدي وكفني ويا وكفتي حسيت شي نزل عليه باوعت دم
ظليت ارجف منظر يخوف هو هم شفت الخوف بعينه
لفي روحج خلي اوصلج بسرعه
** وين اتوصلني وين اتوديني
رافد* لهلج وين لعد يلا راح اشغل السياره
عافني وطلع شنو احجي شنو اكول لهلي
ظليت واكفه بمكاني رجع عليه جرني للسياره عاط بيه شمنتظرره دشوفي روحج
صعدت ميته خوف جانت كل خطوه امشيها بسنه
** رافد لتوديني لهلي شكول شحجي فدووه نزلني باي مكان بالصبخ وين ما جان بس مو لهلي
الطريق كله اتوسل بي لحد ما وصلني للمنطقه هو ميدل بيتنه بس المنطقه صاح وين بيتكم
دليته ساعه ادلي بيتنه ساعه اتوسل لتوديني وصلنه للبيت فتح الباب ونزلني وراح صعد خلاني محتاره بعمري شنو اكو طالعه من الصبح لليل وراجعه بهذا وضعي ملابسي مملخه رجليه كلها دم حجابي مشمور شمر على راسي بدون لف
وصلت للباب دفعته شفت امي بوجهي و خاله وداد يمها ومبينين مقهورين ومحتارين امي بس شافتني ظلت اتباوع عليه مصدومه
هيه ثواني واجت باتجاهي بيديها الثنين ادك عليه وين جنتي منو صخم وجهج مخلتني تملخ ظليت اكح
على الصوت شفت علي واكف من شافني وكعت العكاز من ايده وكعد بالارض دنك راسه اتمنيت طالعه روحي ولا منظر علي
اجت خاله وداد بيني وبين امي اتبعدها مني اتكللها خلي نفتهم شبيج شصايرلج
ام علي * شتفتهمين مبينه و واضحه ولج ليش سودتي وجهنه عمرنه كله عايشين بستر الله فضحتينه ليش ولج
ام سمير * خيه صبر خلي نفهم ذكري الله اجت يمي تسئلني منو
عيني على علي كسرت اخوي جانت كسرت روحي وگلبي ردت سؤالها عليه كوه طلعت مني رافد
