اخذنه عمي للمستشفى مفاهمه شي بس اشوف سيف يركض منا ومنا وكل شويه يتصل على وليد كاعدين بالانتضار متوترين والقلق مالينه اخاف اسئله لان اشوف شكله شلون متوتر
اتصل بزوجة وليد هم ما ترد زاد عنده القلق والخوف
ظل مربط لا يكدر يترك عمي لا يكدر يشوف اخو وين
لحد ما طلع الدكتور وللاسف عمي صاير بي شلل نصفي
شفت سيف كعد منهار رحت بره شتريت بطل ماي وجبته اله شرب شويه وجر نفس بتعب
* شبيهم اهلي جاي يرحون مني
** اذكر الله سيف ما خلق الله الداء الا وجعل له
الدواء يتعالج ويكوم بالسلامه
و وليد شوف وينه اخاف طالعين زياره لو شي امشي نشوف عمي حتى اطمن عمه خطيه
دنك راسه وما رد عليه كمت رحت على صفحه عرفت يريد يبجي بس يستحي مني
شويه وكام فرك وجها ويجر نفس قوي ويذبه مثل الي يقوي روحه
دخلنه يم عمي يكسر الخاطر صوندات ومغذي ومدري شنو مخليله
* شبيك يابه ليش هالوكعه انت حجي سلمان
دنك على ايده وباسها وراح للدكتور ظليت انا يمه
صدك انقهرت وبجيت هالانسان ما شفت منه شي
مؤذي
ظليت منتظرته دخل للغرفه اشرلي يلا
** وين
* للبيت وين بعد لو كيفتي
** اكيف بشنو الي يسمعك رايحه المدينه
* انتي اصلا منو كالج تجين وشلون طلعتي وانتي بالعده بس مو هسه الحجي بعدين
درت وجهي منه بطران فاهم العده غلط
كعدنه بالسياره وهو بس يحجي حرام حلال كم واحد شافج وراح تحركين كبر رجلج
** يبووو سيف تره مو هيج هو بس لا تتزين المره وتخلي عطر واحتراما ما تروح اماكم حفلات وبيها مختلط
* ليش المستشفى مابيها مختلط
** وانت شفت احد اتحزم و ركص بالمستشفى هو كلمن عنده ضيم ومحتار بضيمه
وصلنه للبيت نزلت بسرعه شارده منه دخلت لكيت عمه مكطعه روحها بجي وبيت وليد كلهم يمنه
دخل سيف هااا شكو شبيكم
طفرت زوجة وليد
* الحكنه سيف بالله وبيك وليد انسجن
كعد بمكانه بعد مكدر يتحرك راحت خاله وداد اتجيب عصير وانا رحت يم عمه
سئلتني شلون عمج باوعت السيف اشرلي براسه لا
